Odisha State Board BSE Odisha 10th Class History Important Questions Chapter 14 ସ୍ଵାଧୀନତା ପରବର୍ତୀ ଭାରତର ଅର୍ଥନୀତି Important Questions and Answers.
BSE Odisha Class 10 History Important Questions Chapter 14 ସ୍ଵାଧୀନତା ପରବର୍ତୀ ଭାରତର ଅର୍ଥନୀତି
Subjective Type Questions With Answers
ଦୀର୍ଘ ଉତ୍ତରମୂଳକ ପ୍ରଶ୍ନୋତ୍ତର
ପ୍ରତ୍ୟେକ ପ୍ରଶ୍ନର ଉତ୍ତର ପ୍ରାୟ ୬୦ ଗୋଟି ଶବ୍ଦରେ ଲେଖ ।
1. ଭାରତ ସ୍ଵାଧୀନ ହେବାବେଳେ ଦେଶର ଆର୍ଥନୀତିକ ଅବସ୍ଥା କିପରି ଥିଲା ସଂକ୍ଷେପରେ ଉଲ୍ଲେଖ କର ।
Answer:
- ପ୍ରାୟ ଦୁଇଶହ ବର୍ଷଧରି ବ୍ରିଟିଶ୍ ଔପନିବେଶିକ ଶାସନ ଭାରତର ଅର୍ଥନୀତିକୁ ଋଗ୍ଣ ଓ ପଙ୍ଗୁ କରିଦେଇଥିଲା ।
- ଊନବିଂଶ ଓ ବିଂଶ ଶତାବ୍ଦୀର ଆଦ୍ୟଭାଗରେ ବିଶ୍ବରେ ବ୍ୟାପକ ଶିଳ୍ପାୟନ ଓ ଆର୍ଥନୀତିକ ପ୍ରଗତି ପରିଲକ୍ଷିତ ହୋଇଥିଲା ।
- ମାତ୍ର ଭାରତ ଓ ଭାରତ ଭଳି ସାମ୍ରାଜ୍ୟବାଦୀ ଶାସନଦ୍ୱାରା ନିଷେଷିତ ହେଉଥିବା ଦେଶମାନଙ୍କରେ କୌଣସି ପ୍ରଗତି ପରିଲକ୍ଷିତ ହୋଇନଥିଲା ଏବଂ ଅନେକଗୁଡ଼ିଏ ଆର୍ଥନୀତିକ ସମସ୍ୟା ମୁଣ୍ଡଟେକି ସାରିଥିଲା ।
- ସ୍ଵାଧୀନତାପ୍ରାପ୍ତି ସମୟରେ ଭାରତର ପ୍ରମୁଖ ସମସ୍ୟାଗୁଡ଼ିକ ଥିଲା ଉତ୍କଟ ଦାରିଦ୍ର୍ୟ, ବହୁଳ ନିରକ୍ଷରତା ଓ ଚରମ ଅଜ୍ଞାନତା ।
- ତତ୍କାଳୀନ ସ୍ବାଧୀନ ଭାରତର ଆର୍ଥନୀଚିକ ସମସ୍ୟାର କାରଣସ୍ୱରୂପ ଥିଲା ବିପର୍ଯ୍ୟସ୍ତ କୃଷି ବ୍ୟବସ୍ଥା, ଶିଳ୍ପାୟନ କ୍ଷେତ୍ରରେ ସ୍ଥାଣୁତା; ତଥା ହସ୍ତ ଓ କୁଟୀରଶିଳ୍ପର ଅଧୋଗତି ପ୍ରଭୃତି ଅନେକ ଅଭାବନୀୟ ଅବସ୍ଥା ।
2. ଅଧୁନା ଭାରତ କିପରି ବିଶ୍ବ ଉଦାରୀକରଣ ଆର୍ଥନୀତିକ ପ୍ରକ୍ରିୟାକୁ ଅବଲମ୍ବନ କରିପାରିଛି ତାହା ସଂକ୍ଷେପରେ ଉଲ୍ଲେଖ କର ।
Answer:
- ୧୯୯୧ ମସିହାରେ ଭାରତୀୟ ଅର୍ଥନୀତିରେ ଅନେକ ଯୁଗାନ୍ତକାରୀ ପରିବର୍ତ୍ତନ ଆସିଲା ।
- ସେତେବେଳକୁ ବିଶ୍ଵ ଅର୍ଥନୀତି ମଧ୍ୟ ଏକପ୍ରକାର ପରିବର୍ତ୍ତିତ ହୋଇସାରିଥାଏ । ଦୃଷ୍ଟାନ୍ତସ୍ୱରୂପ ରୁଷିଆର ସାମ୍ୟବାଦୀ ଅର୍ଥନୀତି ଏକପ୍ରକାର ପ୍ରତ୍ୟାଖ୍ୟାତ ହୋଇସାରିଥାଏ ।
- ଆଧୁନିକ ବିଶ୍ଵସାରା ପ୍ରବାହିତ ହୋଇଥାଏ ଉଦାରୀକୃତ ଆର୍ଥନୀତିକ ସଂସ୍କାରର ଲହରୀ । ସେତେବେଳକୁ ପୃଥିବୀର ଅଧିକାଂଶ ଉନ୍ନତ ରାଷ୍ଟ୍ରମାନେ ନୂତନ ଜଗତୀକରଣ ଓ ମୁକ୍ତ ଅର୍ଥନୀତି ପ୍ରକ୍ରିୟାକୁ ଗ୍ରହଣ କରିସାରିଥା’ନ୍ତି ।
- ଏହି ସମୟରେ ଭାରତ ନିଜକୁ ଏହି ବିଶ୍ୱସ୍ତରୀୟ ଅର୍ଥନୀତି ସ୍ରୋତରେ ମିଶାଇ ଦେଇଥିଲା; ଫଳରେ ଭାରତରେ ବିଦେଶୀ ପୁଞ୍ଜିନିବେଶ କ୍ଷେତ୍ରର ପଥ ଉନ୍ମୁକ୍ତ ହୋଇଗଲା ।
- ବସ୍ତୁତଃ, ସ୍ଵାଧୀନତା ପରବର୍ତ୍ତୀ କାଳରେ ପ୍ରଚଳିତ ‘ମିଶ୍ରିତ ଅର୍ଥନୀତି’ ବଦଳରେ ଭାରତରେ ‘ବିମୁକ୍ତ ଓ ଅବାଧ ଅର୍ଥନୀତି’ ଅବଲମ୍ବନ କରାଗଲା । ଅର୍ଥାତ୍ ୧୯୯୧ ମସିହାରେ ଭାରତରେ ମୁକ୍ତ ଅର୍ଥନୀତିର ଯୁଗ ଆରମ୍ଭ ହେଲା । ଏହି ପରିବର୍ତ୍ତିତ ପ୍ରକ୍ରିୟାକୁ ‘ଆର୍ଥନୀତିକ ଉଦାରୀକରଣ’ ମଧ୍ୟ କୁହାଯାଏ । ସର୍ବୋପରି ଏହାଦ୍ଵାରା ଭାରତରେ ଶିଳ୍ପ ପ୍ରତିଷ୍ଠା ପାଇଁ ଅନୁକୂଳ ପରିବେଶ ଓ ସୁଯୋଗ ସୃଷ୍ଟି ହେଲା ।
କ୍ଷୁଦ୍ର ଉତ୍ତରମୂଳକ ପ୍ରଶ୍ନୋତ୍ତର
ପ୍ରତ୍ୟେକ ପ୍ରଶ୍ନର ଉତ୍ତର ପ୍ରାୟ ୩୦ ଗୋଟି ଶବ୍ଦରେ ଲେଖ ।
1. ବ୍ରିଟିଶ୍ ଔପନିବେଶିକ ଶାସନ କିପରି ଭାରତର ଅର୍ଥନୀତିକୁ ରୁଗ୍ଣ ଓ ପଙ୍ଗୁ କରି ଦେଇଥିଲା ?
Answer:
- ବିଗତ ପ୍ରାୟ ଦୁଇଶହ ବର୍ଷର ବ୍ରିଟିଶ୍ ଔପନିବେଶିକ ଶାସନ ଭାରତର ଅର୍ଥନୀତିକୁ ରୁଗ୍ଣ ଓ ପଙ୍ଗୁ କରିଦେଇଥିଲା ।
- ଊନବିଂଶ ଓ ବିଂଶ ଶତାବ୍ଦୀର ଆଦ୍ୟଭାଗରେ ବିଶ୍ବରେ ବ୍ୟାପକ ଶିଳ୍ପାୟନ ଓ ଅର୍ଥନୈତିକ ପ୍ରଗତି ପରିଲକ୍ଷିତ ହୋଇଥିଲା; କିନ୍ତୁ ଭାରତ ସାମ୍ରାଜ୍ୟବାଦୀ ଶାସନଦ୍ୱାରା ନିଷ୍ପେଷିତ ହେଉଥିବାରୁ ଏଠାରେ କୌଣସି ପ୍ରଗତି ପରିଲକ୍ଷିତ ହୋଇ ନଥିଲା; ବରଂ ଅନେକଗୁଡ଼ିଏ ଆର୍ଥନୀତିକ ସମସ୍ୟା ଭାରତରେ ମୁଣ୍ଡଟେକି ସାରିଥିଲା ।
- ତତ୍କାଳୀନ ଭାରତରେ ସୃଷ୍ଟି ହୋଇଥିବା ପ୍ରମୁଖ ସମସ୍ୟାଗୁଡ଼ିକ ଥିଲା ପରିବ୍ୟାପ୍ତ ଦାରିଦ୍ର୍ୟ, ନିରକ୍ଷରତା ଓ ଅଜ୍ଞାନତା, ବିପର୍ଯ୍ୟସ୍ତ କୃଷି ବ୍ୟବସ୍ଥା, ଶିଳ୍ପାୟନ କ୍ଷେତ୍ରରେ ସ୍ଥାଣୁତା, ହସ୍ତ ଓ କୁଟୀରଶିଳ୍ପର ଅଧୋଗତି ଇତ୍ୟାଦି ।
2. ଭାରତୀୟ ଅର୍ଥନୀତିକୁ ସୁଧାରିବାପାଇଁ ଯେଉଁସବୁ ପ୍ରତିବନ୍ଧକ ଥିଲା, ତାହା କିପରି ଦୂର ହୋଇପାରିଲା ?
Answer:
- ଶିଳ୍ପାୟନ ଉଦ୍ଦେଶ୍ୟରେ ଏକ ବ୍ୟାପକ ପରିବେଶ ସୃଷ୍ଟି କରିବାପାଇଁ ଆବଶ୍ୟକ ପଦକ୍ଷେପ ନିଆଯାଇଥିଲା ।
- ଭାରତ ସହିତ ଦେଶୀୟ ରାଜ୍ୟଗୁଡ଼ିକ ସର୍ବାନ୍ତକରଣରେ ମିଶିଯିବା ପରେ ଖଣିସମ୍ପଦ ବିନିଯୋଗ କରିବା ବା ସାରା ଦେଶରେ ନିରଙ୍କୁଶ ବାଣିଜ୍ୟ ବ୍ୟବସାୟ କରିବାରେ କୌଣସି ବାଧାବିଘ୍ନ ରହିଲା ନାହିଁ ।
- ଅନେକ ପଦାର୍ଥର ମାଲିକାନା ସ୍ୱତ୍ୱ କେନ୍ଦ୍ର ସରକାର ବା ରାଜ୍ୟ ସରକାରଙ୍କ ହାତରେ ରହିଲା । ସାରାଦେଶରେ ଅବାଧ ଯୋଗାଯୋଗ, ଗମନାଗମନ, ପରିବହନ କ୍ଷେତ୍ରରେ କୌଣସି ପ୍ରତିବନ୍ଧକ ରହିଲା ନାହିଁ ।
3. ଭାରତର ଯୋଜନା ଆୟୋଗ କେବେ ଗଠିତ ହେଲା ? ଏହାର ଚେୟାରମ୍ୟାନ୍ କିଏ ରହିଲେ ? ଏହା କେଉଁ ଯୋଜନା ପ୍ରସ୍ତୁତ କଲା ?
Answer:
- ୧୯୫୦ ମସିହା ମାର୍ଚ୍ଚ ୧୫ ତାରିଖରେ ଭାରତ ସରକାର ‘ଯୋଜନା ଆୟୋଗ’ ଗଠନ କଲେ ।
- ଆମ ଦେଶର ପ୍ରଧାନମନ୍ତ୍ରୀ ଏହାର ‘ଚେୟାରମ୍ୟାନ୍’ ରହିଲେ ।
- ଏହି ଆୟୋଗ ସର୍ବପ୍ରଥମେ ଭାରତର ପ୍ରଥମ ପଞ୍ଚବାର୍ଷିକ ଯୋଜନା କାର୍ଯ୍ୟକାରୀ ହେବା ନିମନ୍ତେ ସୁଚିନ୍ତିତ ଚିଠା ପ୍ରସ୍ତୁତ କରିଥିଲା । ଫଳସ୍ଵରୂପ, ୧୯୫୧ରୁ ୧୯୫୬ ମସିହା ପର୍ଯ୍ୟନ୍ତ ପ୍ରଥମ ପଞ୍ଚବାର୍ଷିକ ଯୋଜନା
4. ଭାରତର କେଉଁ ପଞ୍ଚବାର୍ଷିକ ଯୋଜନାକାଳରେ ‘ଭାରତୀୟ ସମାଜରେ ସମାଜବାଦୀ ବ୍ୟବସ୍ଥାର ପ୍ରଚଳନ’ କରିବା ପ୍ରଧାନ ଉଦ୍ଦେଶ୍ୟ ଥିଲା ? ଏହା ସହିତ ବୃହତ୍ ଶିଳ୍ପାୟନକୁ ଗୁରୁତ୍ଵ ଦେଇ କି ପ୍ରକାର ସରକାରୀ ଉଦ୍ୟୋଗ ପ୍ରତିଷ୍ଠା କରାଗଲା ? ଏହାର ନିର୍ମାଣକ୍ଷେତ୍ରରେ କି ପ୍ରକାର ବିଶେଷତ୍ଵ ଥିଲା ?
Answer:
- ଭାରତର ଦ୍ଵିତୀୟ ପଞ୍ଚବାର୍ଷିକ ଯୋଜନା କାଳରେ ଭାରତୀୟ ସମାଜରେ ସମାଜବାଦୀ ଶାସନ ବ୍ୟବସ୍ଥାର ପ୍ରଚଳନ କରିବା ମୁଖ୍ୟ ଉଦ୍ଦେଶ୍ୟ ଥିଲା ।
- ଏହି ଯୋଜନାରେ ବୃହତ୍ ଶିଳ୍ପାୟନକୁ ଗୁରୁତ୍ଵ ଦେଇ ପ୍ରଥମ କରି ଦେଶରେ ସରକାରୀ ଉଦ୍ୟୋଗରେ ତିନୋଟି ବୃହତ୍ ଲୌହଇସ୍ପାତ କାରଖାନା ପ୍ରତିଷ୍ଠା କରାଗଲା ।
- ଏହି ସରକାରୀ ଉଦ୍ୟୋଗ ପ୍ରତିଷ୍ଠା ପାଇଁ ବିଦେଶୀ ଜ୍ଞାନକୌଶଳକୁ ଉପଯୋଗ କରାଯାଇଥିଲା । ଏହା ଥିଲା ଏହି ତିନୋଟି ସମନ୍ବିତ ଇସ୍ପାତ ପ୍ରକଳ୍ପର ବିଶେଷତ୍ଵ ।
5. ସପ୍ତମ ପଞ୍ଚବାର୍ଷିକ ଯୋଜନାର ସୁଫଳ କ’ଣ ଥିଲା ?
Answer:
- ସପ୍ତମ ପଞ୍ଚବାର୍ଷିକ ଯୋଜନା ଫଳରେ କିଛି ସୁଫଳ ମିଳିଥିଲା । ଖାଦ୍ୟ ଉତ୍ପାଦନ ଶତକଡ଼ା ୩.୨୩ ଭାଗ ବୃଦ୍ଧି ପାଇଥିଲା ।
- ଏହି ଯୋଜନାକାଳରେ ବେକାରୀ ସମସ୍ୟା ହ୍ରାସ କରିବାପାଇଁ ଓ ନିଯୁକ୍ତି ସୁଯୋଗ ସୃଷ୍ଟି କରିବାପାଇଁ ଜବାହର ରୋଜଗାର ଯୋଜନା କାର୍ଯ୍ୟକାରୀ ହେଲା ।
- ଏହି ଯୋଜନାକାଳରେ ସକଳ ଜାତୀୟ ଉତ୍ପାଦନ ଶତକଡ଼ା ୫.୮ ହାରରେ ବୃଦ୍ଧିପ୍ରାପ୍ତ ହେଲା ।
6. ଅର୍ଥନୀତିରେ ‘ଜଗତୀକରଣ’ କହିଲେ କ’ଣ ବୁଝାଯାଏ ? କେବେ ଭାରତରେ ଏହି ପ୍ରକାର ମୁକ୍ତ ଅର୍ଥନୀତିର ଯୁଗ ଆରମ୍ଭ ହେଲା ? ଏହାଫଳରେ ଭାରତର ଅର୍ଥନୀତିରେ କି ସୁଫଳ ମିଳିଲା ?
Answer:
- ବିଶ ଆର୍ଥନୀତିକ ମହାସ୍ରୋତରେ ସାମିଲ ହେବାକୁ ‘ଜଗତୀକରଣ’ କହାଯାଏ ।
- ଭାରତରେ ୧୯୯୧ ମସିହାରୁ ଆରମ୍ଭ ହେଲା ଜଗତୀକରଣ ବା ମୁକ୍ତ ଅର୍ଥନୀତିର ଯୁଗ ।
- ଏହି ଉଦାରୀକରଣ ନୀତିଦ୍ଵାରା ଭାରତରେ ବିଦେଶୀ ପୁଞ୍ଜି ବିନିଯୋଗ ସମ୍ଭବ ହୋଇପାରିଲା ଓ ବିଦେଶୀ ବଜାର ମଧ୍ଯ ଉନ୍ମକ୍ତ ହେଲା । ସର୍ବୋପରି ଭାରତୀୟ ଶିଳ୍ପଗୁଡ଼ିକ ଏବେ ଆନ୍ତର୍ଜାତିକ ଶିଳ୍ପ ସହିତ ପ୍ରତିଯୋଗିତା କରିବାକୁ ସମର୍ଥ ହୋଇପାରୁଛନ୍ତି ।
ସଂଷିପ୍ତ ଉତ୍ତରମୂଳକ ପ୍ରଶ୍ନୋତ୍ତର
ପ୍ରତ୍ୟେକ ପ୍ରଶ୍ନର ଉତ୍ତର ପ୍ରାୟ ୨୦ ଗୋଟି ଶବ୍ଦରେ ଲେଖ ।
1. କେବେ ପ୍ରଥମ ପଞ୍ଚବାର୍ଷିକ ଯୋଜନା କାର୍ଯ୍ୟକାରୀ ହେଲା ? ଏହି ଯୋଜନାରେ କେଉଁ କାର୍ଯ୍ୟ ଉପରେ ଗୁରୁତ୍ଵ ପ୍ରଦାନ କରାଯାଇଥିଲା ?
Answer:
- ପ୍ରଥମ ପଞ୍ଚବାର୍ଷିକ ଯୋଜନା ୧୯୫୧ରୁ ୧୯୫୬ ମସିହା ପର୍ଯ୍ୟନ୍ତ କାର୍ଯ୍ୟକାରୀ ହେଲା ।
- ଏହି ଯୋଜନାକାଳରେ କୃଷି ଓ ଜଳସେଚନ ଉପରେ ଅଧିକ ଗୁରୁତ୍ଵ ପ୍ରଦାନ କରାଯାଇଥିଲା ।
2. କେଉଁ ପଞ୍ଚବାର୍ଷିକ ଯୋଜନାକାଳରେ ଆମ ଦେଶରେ ୩ଟି ବୃହତ୍ ଇସ୍ପାତ ପ୍ରକଳ୍ପ ନିର୍ମିତ ହୋଇଥିଲା ? କେଉଁ କୌଶଳକୁ ଉପଯୋଗ କରି ଏଗୁଡ଼ିକ ନିର୍ମାଣ କରାଗଲା ?
Answer:
- ଦ୍ଵିତୀୟ ପଞ୍ଚବାର୍ଷିକ ଯୋଜନାକାଳରେ ଆମ ଦେଶରେ ୩ଟି(ତିନୋଟି) ବୃହତ୍ ଇସ୍ପାତ୍ ପ୍ରକଳ୍ପ ନିର୍ମିତ ହୋଇଥିଲା ।
- ବିଦେଶୀ ରାଷ୍ଟ୍ରଗୁଡ଼ିକର ଜ୍ଞାନକୌଶଳକୁ ଉପଯୋଗ କରି ଏହି ତିନୋଟି ଲୌହଇସ୍ପାତ ପ୍ରକଳ୍ପ ନିର୍ମାଣ କରାଯାଇଥିଲା ।
3. କେଉଁ ପଞ୍ଚବାର୍ଷିକ ଯୋଜନାକାଳରେ ଦେଶରେ ବାସ କରୁଥିବା ଧନୀ ଓ ଦରିଦ୍ରମାନଙ୍କ ମଧ୍ୟରେ ଥିବା ତାରତମ୍ୟକୁ ହ୍ରାସ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଥିଲା ? ଏହି ସମୟରେ ଅନ୍ୟ କାହା ଉପରେ ମଧ୍ୟ ଗୁରୁତ୍ବ ଆରୋପ କରାଗଲା ?
Answer:
- ଚତୁର୍ଥ ପଞ୍ଚବାର୍ଷିକ ଯୋଜନାକାଳରେ ଦେଶରେ ବାସ କରୁଥିବା ଧନୀ ଓ ଦରିଦ୍ରମାନଙ୍କ ମଧ୍ୟରେ ଥିବା ତାରତମ୍ୟକୁ ହ୍ରାସ କରିବାପାଇଁ ଲକ୍ଷ୍ୟ ଧାର୍ଯ୍ୟ କରଯାଇଥିଲା ।
- ଏହି ଯୋଜନା କାଳରେ ମଧ୍ୟ ଜନସାଧାରଣଙ୍କର ଜୀବନଧାରଣର ମାନ (Standard of Living)କୁ ଉନ୍ନତ କରିବାପାଇଁ ସମତା ଓ ସାମାଜିକ ନ୍ୟାୟ ଉପରେ ଗୁରୁତ୍ଵ ଦିଆଗଲା ।
4. କେଉଁ ପଞ୍ଚବାର୍ଷିକ ଯୋଜନା କାଳରେ ଭାରତରେ ‘ଜବାହର ରୋଜଗାର ଯୋଜନା’ କାର୍ଯ୍ୟକାରୀ ହେଲା ? ଏହାର ଉଦ୍ଦେଶ୍ୟ କ’ଣ ଥିଲା ?
Answer:
- ପଞ୍ଚମ ପଞ୍ଚବାର୍ଷିକ ଯୋଜନା କାଳରେ ଭାରତରେ ଜବାହର ରୋଜଗାର ଯୋଜନା କାର୍ଯ୍ୟକାରୀ ହେଲା ।
- ଏହି ଯୋଜନାର ମୁଖ୍ୟ ଉଦ୍ଦେଶ୍ୟ ଥିଲା ଦେଶରେ ବେକାରୀ ସମସ୍ୟା ହ୍ରାସ କରିବା ଓ ନିଯୁକ୍ତି ସୁଯୋଗ ସୃଷ୍ଟି କରିବା ।
5. ସ୍ଵର୍ଣ୍ଣଜୟନ୍ତୀ ସହରୀ ରୋଜଗାର ଯୋଜନା କେବେ ଆରମ୍ଭ ହେଲା ? ଏହି ଯୋଜନା କେଉଁମାନଙ୍କ ପାଇଁ ଉଦ୍ଦିଷ୍ଟ ?
Answer:
- ସ୍ଵର୍ଣ୍ଣଜୟନ୍ତୀ ସହରୀ ରୋଜଗାର ଯୋଜନା ୧୯୯୭ ମସିହାରେ ଆରମ୍ଭ ହେଲା ।
- ଏହି ଯୋଜନା ସହରରେ ବସବାସ କରୁଥିବା ବେକାର ଯୁବକ ଓ ଯୁବତୀମାନଙ୍କ ପାଇଁ ଉଦ୍ଦିଷ୍ଟ ।
6. ୨୦୦୦ ମସିହାରେ କେଉଁ ଯୋଜନା ପ୍ରଣୟନ ହେଲା ? ଏହା ମାଧ୍ୟମରେ ଗରିବ ଲୋକଙ୍କୁ କିପରି ଖାଦ୍ୟଦ୍ରବ୍ୟ ଯୋଗାଇଦେବାର ବ୍ୟବସ୍ଥା କରାଯାଇଥିଲା ?
Answer:
- ୨୦୦୦ ମସିହାରେ ‘‘ଅନ୍ତୋଦୟ ଅନ୍ନ ଯୋଜନା’’ ପ୍ରଣୟନ କରାଗଲା ।
- ଏହି ଯୋଜନା ମାଧ୍ୟମରେ ପ୍ରାୟ ଏକକୋଟି ଅତି ଦରିଦ୍ର ଲୋକମାନଙ୍କୁ ଚିହ୍ନଟ କରାଯାଇ ସେମାନଙ୍କୁ କିଲୋଗ୍ରାମ୍ ପ୍ରତି ୨ ଟଙ୍କା ଦରରେ ଗହମ ଓ ୩ ଟଙ୍କା ଦରରେ ମାସକୁ ୩୫ କି.ଗ୍ରା ଚାଉଳ ଯୋଗାଇଦେବାର ବ୍ୟବସ୍ଥା ହେଲା ।
Objective Type Questions With Answers
A. ଗୋଟିଏ ବାକ୍ୟରେ ଉତ୍ତର ଲେଖ ।
1. ସ୍ଵାଧୀନତା ପରବର୍ତ୍ତୀ ସମୟରେ ଭାରତର ପ୍ରମୁଖ ସମସ୍ୟା କ’ଣ ଥିଲା ?
Answer:
ଭାରତର ପ୍ରମୁଖ ସମସ୍ୟାଗୁଡ଼ିକ ଥିଲା ପରିବ୍ୟାପ୍ତ ଦାରିଦ୍ର୍ୟ, ନିରକ୍ଷରତା ଓ ଅଜ୍ଞତା ।
2. ତୃତୀୟ ପଞ୍ଚବାର୍ଷିକ ଯୋଜନାର ଉଦ୍ଦେଶ୍ୟ କ’ଣ ଥିଲା ?
Answer:
ଜାତୀୟ ଆୟକୁ ଶତକଡ଼ା ୩୦ ଭାଗ ବୃଦ୍ଧି କରିବା ଏବଂ ମୁଣ୍ଡପିଛା ଆୟ ଅନ୍ୟନ୍ୟ ୧୭% ବଢ଼ାଇବା ।
3. ଜବାହାର ରୋଜଗାର ଯୋଜନା କେଉଁ ପଞ୍ଚବାର୍ଷିକ ଯୋଜନା କାଳରେ କାର୍ଯ୍ୟକାରୀ ହୋଇଥିଲା ?
Answer:
ପଞ୍ଚମ ଯୋଜନା କାଳରେ ଜବାହାର ରୋଜଗାର ଯୋଜନା କାର୍ଯ୍ୟକାରୀ ହୋଇଥିଲା ।
4. କୃଷକମାନଙ୍କର ସୁବିଧାପାଇଁ କେଉଁସବୁ କାର୍ଯ୍ୟକ୍ରମ ହାତକୁ ନିଆଯାଇଥିଲା ?
Answer:
ଜମିଦାରୀ ପ୍ରଥାର ବିଲୋପ, ରୟତମାନଙ୍କୁ ସେମାନଙ୍କର ଅଧିକାର ପ୍ରଦାନ ଓ ସମବାୟ ଆନ୍ଦୋଳନକୁ ଅତ୍ମକ ଶକ୍ତିଶାଳୀ କରାଯାଇଥିଲା ।
5. ଶିଳ୍ପର ଉନ୍ନତି ପାଇଁ କେଉଁସବୁ କାର୍ଯ୍ୟ କରାଯାଇଥିଲା ?
Answer:
ଶିଳ୍ପାୟନ ପାଇଁ ଭିଭିଭୂମି ପ୍ରତିଷ୍ଠା ଓ ସରକାରୀ ଉଦ୍ୟୋଗରେ ବୃହତ୍ ଶିଳ୍ପ ପ୍ରତିଷ୍ଠା ପାଇଁ ବ୍ୟବସ୍ଥା କରାଯାଇଥିଲା । ଘରୋଇ ଶିଳ୍ପପତିମାନଙ୍କୁ ଉତ୍ସାହିତ କରାଗଲା ।
6. ଜଗତୀକରଣ କ’ଣ ?
Answer:
କୌଣସି ଦେଶର ଅର୍ଥନୀତିକୁ ବିଶ୍ବ ଅର୍ଥନୀତିର ମହାସ୍ରୋତରେ ସାମିଲ କରିବା ।
B. ଗୋଟିଏ ଶବ୍ଦରେ ଉତ୍ତର ଲେଖ ।
1. ବର୍ତ୍ତମାନ ପ୍ରତିରକ୍ଷା ସାମଗ୍ରୀ ଉତ୍ପାଦନ କ୍ଷେତ୍ରରେ ଶତକଡ଼ା କେତେ ଭାଗ ବିଦେଶୀ ପ୍ରତ୍ୟକ୍ଷ ପୁଞ୍ଜିନିବେଶକୁ ଗ୍ରହଣ କରାଯାଉଛି ?
Answer:
୨୬ ଭାଗ
2. ପୂର୍ବରୁ କେତୋଟି କ୍ଷେତ୍ର ସରକାରୀ ଉଦ୍ୟୋଗ ପାଇଁ ସଂରକ୍ଷିତ ଥିଲା ?
Answer:
୧୭ ଟି
3. ଗରିବ ଲୋକମାନଙ୍କ ନିକଟରେ ଖାଦ୍ୟ ନିରାପତ୍ତା ନିଶ୍ଚିତ କରିବାପାଇଁ କେଉଁ ଯୋଜନା ପ୍ରବର୍ତ୍ତନ କରାଯାଇଛି ?
Answer:
ଅନ୍ତୋଦୟ ଅନ୍ନ ଯୋଜନା
4. ଦେଶରେ ଖାଦ୍ୟାଭାବକୁ ଦୂର କରିବାପାଇଁ କେଉଁ କାର୍ଯ୍ୟକ୍ରମ ଗ୍ରହଣ କରାଯାଇଥିଲା ?
Answer:
ହରିତକ୍ରାନ୍ତି
5. କେଉଁ ପଞ୍ଚବାର୍ଷିକ ଯୋଜନା କାଳରେ ଜାତୀୟ ଅଭିବୃଦ୍ଧି ହାର ଧାର୍ଯ୍ୟ ଲକ୍ଷ୍ୟଠାରୁ ଅଧିକ ହୋଇଥିଲା ?
Answer:
ଅଷ୍ଟମ ପଞ୍ଚବାର୍ଷିକ ଯୋଜନା
6. ୧୯୯୧ ମସିହାରେ ଭାରତର ଅର୍ଥନୀତିରେ ପରିବର୍ତ୍ତିତ ପ୍ରକ୍ରିୟାକୁ କ’ଣ କୁହାଯାଏ ?
Answer:
ଅର୍ଥନାତିକ ଉଦାରାକରଶ
7. ଅନ୍ତୋଦୟ ଯୋଜନାରେ ଦରିଦ୍ର ପରିବାରକୁ କେତେ କି.ଗ୍ରା. ଚାଉଳ ଯୋଗାଇ ଦିଆଯାଇଥିଲା ?
Answer:
୩୫ କି.ଗ୍ରା
8. ଭାରତରେ ‘ବିମୁକ୍ତ ଓ ଅବାଧ’ ଅର୍ଥନୀତି କେଉଁ ମସିହାଠାରୁ ପ୍ରଚଳିତ ହେଲା ?
Answer:
୧୯୯୧
9. ୧୯୫୨ରୁ ୨୦୦୦ ପର୍ଯ୍ୟନ୍ତ ଅନ୍ୟୁନ କେତୋଟି ଦାରିଦ୍ର୍ୟ ଓ ବେକାରୀ ଦୂରୀକରଣ ଯୋଜନା କାର୍ଯ୍ୟକାରୀ ହୋଇଛି ?
Answer:
୧୦୦ଟି
10. ପ୍ରଥମ ପଞ୍ଚବାର୍ଷିକ ଯୋଜନା କେଉଁ ଅବଧୂ ମଧ୍ଯରେ କାର୍ଯ୍ୟକାରୀ ହୋଇଥିଲା ?
Answer:
୧୯୫୧ରୁ ୧୯୫୬
11. କେଉଁ ପଞ୍ଚବାର୍ଷିକ ଯୋଜନା କାଳରେ ବାଂଲାଦେଶ ଶରଣାର୍ଥୀ ସମସ୍ୟା ସୃଷ୍ଟି ହୋଇଥିଲା ?
Answer:
ଚତୁର୍ଥ ପଞ୍ଚବାର୍ଷିକ ଯୋଜନା
12. କେଉଁ ବିଶିଷ୍ଟ ଅର୍ଥନୀତିଜ୍ଞ ଭାରତର ଦ୍ଵିତୀୟ ପଞ୍ଚବାର୍ଷିକ ଯୋଜନାର ରୂପରେଖ ପ୍ରସ୍ତୁତ କରିଥିଲେ ?
Answer:
ପ୍ରଫେସର ପି.ସି. ମାହାଲାନୋବିସ୍
13. ଗ୍ରାମାଞ୍ଚଳ ନାରୀ ଓ ଶିଶୁ ବିକାଶ ଯୋଜନା କେବେ କାର୍ଯ୍ୟକାରୀ ହେଲା ?
Answer:
୧୯୭୮
14. ଭାରତରେ ନୂତନ ଶିଳ୍ପନୀତି କେବେ ଘୋଷିତ ହୋଇଥିଲା ?
Answer:
୧୯୫୬
15. କେବେ ଭାରତ ସରକାର ୯ଟି ଲାଭଜନକ ସରକାରୀ ଉଦ୍ୟୋଗକୁ ନବରତ୍ନ ମାନ୍ୟତା ପ୍ରଦାନ କରିଥିଲେ ?
Answer:
୧୯୯୭
C. ଶୂନ୍ୟସ୍ଥାନ ପୂରଣ କର ।
1. ______________ ମସିହାରେ ଭାରତ ସରକାର ଯୋଜନା ଆୟୋଗ ଗଠନ କରିଥିଲେ ।
Answer:
୧୯୫୦
2. _____________ ମସିହାରେ ଚୀନ୍ ଭାରତ ଉପରେ ଆକ୍ରମଣ କରିଥିଲା ।
Answer:
୧୯୬୨
3. କୃଷିଜାତ ଦ୍ରବ୍ୟର ଅଧିକ ଉତ୍ପାଦନ କରିବା ____________ ପଞ୍ଚବାର୍ଷିକ ଯୋଜନାର ଉଦ୍ଦେଶ୍ୟ ଥିଲା ।
Answer:
ଚତୁର୍ଥ
4. ୧୯୬୯ ମସିହାରେ ____________ ଟି ବ୍ୟାକୁ ଜାତୀୟକରଣ କରାଯାଇଥିଲା ।
Answer:
୧୪
5. ପଞ୍ଚମ ପଞ୍ଚବାର୍ଷିକ ଯୋଜନା _______________ ମସିହାରେ ବନ୍ଦ କରି ଦିଆଯାଇଥିଲା ।
Answer:
୧୯୭୮
6. ଜବାହାର ରୋଜଗାର ଯୋଜନା ______________ ଯୋଜନା କାଳରେ କାର୍ଯ୍ୟକାରୀ ହୋଇଥିଲା ।
Answer:
ପଞ୍ଚମ
7. ______________ ଦୂରୀକରଣ ଥିଲା ଷଷ୍ଠ ପଞ୍ଚବାର୍ଷିକ ଯୋଜନାର ଉଦ୍ଦେଶ୍ୟ ।
Answer:
ଦାରିଦ୍ର୍ୟ
8. ଭାଗଚାଷାମାନଙ୍କ ______________ କୁହାଯାଉଥିଲା ।
Answer:
ରୟତ
9. ______________ ଜରିଆରେ ଦେଶର ଖାଦ୍ୟାଭାବକୁ ଦୂରକରି ଦିଆଯାଇଥିଲା ।
Answer:
ହରିତକ୍ରାନ୍ତି
10. ଭାରତ ସରକାରଙ୍କ ନ’ଟି ଲାଭଜନକ ସରକାରୀ ଉଦ୍ୟୋଗକୁ _____________ ଆଖ୍ୟା ପ୍ରଦାନ କରାଯାଇଥିଲା ।
Answer:
ନବରତ୍ନ
11. ____________ ପ୍ରକ୍ରିୟାଦ୍ଵାରା ଦେଶରେ ବିଦେଶୀ ପୁଞ୍ଜି ବିନିଯୋଗ ସମ୍ଭବ ହୁଏ ଓ ବିଦେଶୀ ବଜାର ଉନ୍ମକ୍ତ ହୁଏ ।
Answer:
ଜଗତୀକରଣ
12. ________________ ମସିହାରେ ଏକ ନୂତନ ଶିଳ୍ପନୀତି ଘୋଷଣା କରାଯାଇଥିଲା ।
Answer:
୧୯୫୬
13. ଭାରତୀୟ ଅର୍ଥନୀତିରେ _____________ ମସିହାରେ ଏକ ଯୁଗାନ୍ତକାରୀ ପରିବର୍ତ୍ତନ ଆସିଥିଲା ।
Answer:
୧୯୯୧
14. ପି.ସି. ମହାଲାନୋବିସ୍ ଜଣେ _____________ ଥିଲେ ।
Answer:
ଅର୍ଥନୀତିଜ୍ଞ
15. ବିଦେଶୀ ଜ୍ଞାନ କୌଶଳରେ _______________ ଟି ସମନ୍ବିତ ଇସ୍ପାତ ଶିଳ୍ପ ଆମ ଦେଶରେ ସ୍ଥାପିତ ହୋଇଥିଲା ।
Answer:
୩
D. ଠିକ୍ ଉକ୍ତି ପାଇଁ (✓) ଚିହ୍ନ ଓ ଭୁଲ୍ ଉକ୍ତି ପାଇଁ (×) ଚିହ୍ନ ଦିଅ ।
1. ୧୯୫୬ ରୁ ୧୯୬୧ ମସିହା ଥିଲା ତୃତୀୟ ପଞ୍ଚବାର୍ଷିକ ଯୋଜନା ।
Answer:
x
2. ଭାରତୀୟ ସମାଜରେ ସମାଜବାଦୀ ବ୍ୟବସ୍ଥାର ପ୍ରଚଳନ ଥିଲା ଦ୍ବିତୀୟ ପଞ୍ଚବାର୍ଷିକ ଯୋଜନାର ଉଦ୍ଦେଶ୍ୟ ।
Answer:
✓
3. ବିଦେଶୀ ଜ୍ଞାନ କୌଶଳକୁ ଉପଯୋଗ କରି ୪ଟି ସମନ୍ବିତ ଇସ୍ପାତ ଶିଳ୍ପ ସ୍ଥାପିତ ହୋଇଥିଲା ।
Answer:
x
4. ୧୯୬୨ ମସିହା ଭାରତ ଓ ଚୀନ୍ ଯୁଦ୍ଧ ଯୋଗୁଁ ତୃତୀୟ ପଞ୍ଚବାର୍ଷିକ ଯୋଜନା ବାଧାପ୍ରାପ୍ତ ହୋଇଥିଲା ।
Answer:
✓
5. ଚତୁର୍ଥ ପଞ୍ଚବାର୍ଷିକ ଯୋଜନା ୧୯୬୯ ରୁ ୧୯୭୪ ମସିହା ପର୍ଯ୍ୟନ୍ତ ଚାଲିଥିଲା ।
Answer:
✓
6. ୧୯୬୮ ମସିହାରେ ଏକକାଳୀନ ୧୪ଟି ବ୍ୟାକୁ ଜାତୀୟକରଣ କରାଯାଇଥିଲା ।
Answer:
x
7. ଆର୍ଥନୀତିକ ଆତ୍ମନିର୍ଭରଶୀଳତା ଥିଲା ଚତୁର୍ଥ ପଞ୍ଚବାର୍ଷିକ ଯୋଜନାର ଉଦ୍ଦେଶ୍ୟ ।
Answer:
x
8. ବେକାରୀ ସମସ୍ୟା ହ୍ରାସ କରିବା ଓ ନିଯୁକ୍ତି ସୁଯୋଗ ସୃଷ୍ଟି କରିବା ଥିବା ଜବାହାର ରୋଜଗାର ଯୋଜନାର ଉଦ୍ଦେଶ୍ୟ ।
Answer:
✓
9. ଅଷ୍ଟମ ଯୋଜନା କାଳରେ ବାର୍ଷିକ ଶତକଡ଼ା ୫.୬ ଜାତୀୟ ଅଭିବୃଦ୍ଧି ହାର ପାଇଁ ଲକ୍ଷ୍ୟ ରଖାଯାଇଥିଲା ।
Answer:
✓
10. ୧୯୬୯ରେ ସମନ୍ବିତ ଗ୍ରାମ୍ୟ ଉନ୍ନୟନ ଯୋଜନା କାର୍ଯ୍ୟକାରୀ ହୋଇଥିଲା ।
Answer:
x
11. ଗ୍ରାମାଞ୍ଚଳରେ ରୋଜଗାର ବଢ଼ାଇବାପାଇଁ ସ୍ଵର୍ଣ୍ଣଜୟନ୍ତୀ ଗ୍ରାମ୍ୟ ସ୍ଵରୋଜଗାର ଯୋଜନା କାର୍ଯ୍ୟକାରୀ ହୋଇଥିଲା ।
Answer:
✓
12. ‘ ଅନ୍ତୋଦୟ ଅନ୍ନ ଯୋଜନା’ ମଧ୍ୟବିତ୍ତ ପରିବାର ପାଇଁ ଉଦ୍ଦିଷ୍ଟ ଥିଲା ।
Answer:
x
13. ୧୯୫୨ ରୁ ୨୦୦୦ ମସିହା ମଧ୍ୟରେ ଅନ୍ୟୁନ୍ ଏକଶହ ଦାରିଦ୍ର୍ୟ ଓ ବେକାରୀ ଦୂରୀକରଣ ଯୋଜନା କାର୍ଯ୍ୟକାରୀ ହୋଇଥିଲା ।
Answer:
✓
14. ଦେଶର ଖାଦ୍ୟାଭାବକୁ ଏକ ପ୍ରକାର ଦୂର କରିବାପାଇଁ ଶ୍ଵେତବିପ୍ଳବ କାର୍ଯ୍ୟକାରୀ ହୋଇଥିଲା ।
Answer:
✓
15. ୧୯୯୦ ମସିହାରେ ଭାରତୀୟ ଅର୍ଥନୀତିରେ ଅନେକ ଯୁଗାନ୍ତକାରୀ ପରିବର୍ତ୍ତନ ଆସିଥିଲା ।
Answer:
✓
16. ପ୍ରତିରକ୍ଷା ସାମଗ୍ରୀ ଉତ୍ପାଦନ କ୍ଷେତ୍ରରେ ଶତକଡ଼ା ୨୫ ଭାଗ ବିଦେଶୀ ପୁଞ୍ଜି ବିନିଯୋଗ କରାଯାଇଥିଲା ।
Answer:
x
E. ‘କ’ ସ୍ତମ୍ଭ ସହିତ ‘ଖ’ ସ୍ତମ୍ଭର ମିଳନ କର ।
