Odisha State Board BSE Odisha 9th Class History Solutions Chapter 3 ରୁଷ ବିପ୍ଲବ: କାରଣ ଓ ଫଳାଫଳ Textbook Exercise Questions and Answers.
BSE Odisha Class 9 History Solutions Chapter 3 ରୁଷ ବିପ୍ଲବ : କାରଣ ଓ ଫଳାଫଳ
୧। ପ୍ରତ୍ୟେକ ପ୍ରଶ୍ନର ଉତ୍ତର ୬୦ ଗୋଟି ଶବ୍ଦ ମଧ୍ଯରେ ଲେଖ ।
(କ) ରୁଷ୍ ବିପ୍ଳବ ପୂର୍ବରୁ ରୁଷିଆର ଜାର୍ମାନଙ୍କ ସ୍ୱେଚ୍ଛାଚାରୀ ଶାସନର ଏକ ବିବରଣୀ ଦିଅ ।
Answer:
- ରୁଷିଆରେ ଶାସନର ସମସ୍ତ କ୍ଷମତା ଜାର୍ଙ୍କ ହାତରେ କେନ୍ଦ୍ରୀଭୂତ ହୋଇଥିଲା । ସେ ଦେଶର ପଦାତିକ ବାହିନୀ, ନୌବାହିନୀ ଏବଂ ରୁଷୀୟ ଚର୍ଜର ମୁଖ୍ୟ ଥିଲେ ।
- ସେ ବିନା ବିଚାରରେ ଯେକୌଣସି ଲୋକଙ୍କୁ ମୃତ୍ୟୁଦଣ୍ଡ ଆଦେଶ ଦେଇପାରୁଥିଲେ ବା ବନ୍ଦୀ କରିପାରୁଥିଲେ କିମ୍ବା ସୁଦୂର ବରଫାବୃତ ସାଇବେରିଆକୁ ମଧ୍ୟ ନିର୍ବାସନରେ ପଠାଇ ଦେଉଥିଲେ । ମୋଟାମୋଟି ଦେଖିବାକୁ ଗଲେ ଦେଶରେ ଏକଚ୍ଛତ୍ରବାଦୀ ଓ ସ୍ୱେଚ୍ଛାଚାରୀ ଶାସନ ଚାଲିଥିଲା ।
- ରୁଷ ବିପ୍ଳବ ପୂର୍ବରୁ ରାଜତ୍ଵ କରୁଥିବା ପାଞ୍ଚଜଣ ଜାର୍ ରୁଷରେ ସ୍ୱେଚ୍ଛାଚାରୀ ଶାସନକୁ ଚରମ ସୀମାରେ ପହଞ୍ଚାଇ ଦେଇଥିଲେ ।
- ରୁଷିଆର ଜନସଂଖ୍ୟାର ଅର୍ଦ୍ଧେକ ଭାଗ କୃଷିଭୃତ୍ୟ ଥିଲେ ଓ ସେମାନେ ସମସ୍ତ ପ୍ରକାର ଅଧିକାରରୁ ବଞ୍ଚିତ ହୋଇ ଅତି ଦୟନୀୟ ଭାବରେ ଜୀବନଯାପନ କରୁଥିଲେ । ସମୟକ୍ରମେ ସେମାନଙ୍କର ଅସନ୍ତୋଷ ଭାବ ରୁଷ୍ ବିପ୍ଳବକୁ ଇନ୍ଧନ ଯୋଗାଇଥିଲା ।
(ଖ) ରୁଷ୍ ବିପ୍ଳବର ଅବ୍ୟବହିତ ପୂର୍ବରୁ ରୁଷିଆର ସାମାଜିକ ଅବସ୍ଥା କିପରି ଥିଲା ?
Answer:
- ରୁଷ୍ ବିପ୍ଳବ ପୂର୍ବରୁ ରୁଷିଆର ସମାଜ ମୁଖ୍ୟତଃ ଦୁଇଟି ଶ୍ରେଣୀରେ ବିଭକ୍ତ ହୋଇଥିଲା; ଯଥା – ଥିଲାବାଲା ଶ୍ରେଣୀ ଓ ନ ଥିଲାବାଲା ଶ୍ରେଣୀ ।
- ଥିଲାବାଲା ଶ୍ରେଣୀରେ ଧନିକ ଓ ସଂଭ୍ରାନ୍ତ ଗୋଷ୍ଠୀର ଲୋକମାନେ ଅନ୍ତର୍ଭୁକ୍ତ ଥିଲେ ଓ ସେମାନେ ଜାରଙ୍କ
- ସେମାନେ ଶାସନର ପ୍ରାୟ ସମସ୍ତ ପଦପଦବୀ ଅଧିକାର କରିଥିଲେ ଓ ଦେଶର ସମସ୍ତ ଜମିର ମାଲିକ ଥିଲେ ।
- ନ ଥିଲାବାଲା ଶ୍ରେଣୀରେ ଥିଲେ କୃଷକ ଓ ଶ୍ରମିକ । ସେମାନେ ଧନିକ ଗୋଷ୍ଠୀର ଲୋକଙ୍କ ଅତ୍ୟାଚାରର
- ଶ୍ରମିକମାନେ ଅସ୍ୱାସ୍ଥ୍ୟକର ପରିବେଶରେ ରହୁଥିଲେ ଓ ଭୋକ୍କା ନାମକ ନିଶାକାରୀ ପାନୀୟ ପ୍ରତି ଆସକ୍ତ ଥିଲେ । ଫଳରେ ଅକାଳରେ ରୋଗାକ୍ରାନ୍ତ ହୋଇ ମୃତ୍ୟୁବରଣ କରୁଥିଲେ ।
(ଗ) ରୁଷ୍ ବିପ୍ଳବ ପାଇଁ ଚିନ୍ତାଶୀଳ ବ୍ୟକ୍ତିମାନଙ୍କ ରଚନା କିପରି ଇନ୍ଧନ ଯୋଗାଇଥିଲା ?
Answer:
- ପାଶ୍ଚାତ୍ୟ ଇଉରୋପର ଉଦାର ରାଜନୈତିକ ଚିନ୍ତାଧାରା ରୁଷିଆର ଶିକ୍ଷିତ ମଧ୍ୟବିତ୍ତ ଶ୍ରେଣୀକୁ ଗଭୀରଭାବେ
- ରୁଷିଆର ପ୍ରଗତିଶୀଳ ମତବାଦଗୁଡ଼ିକର ପ୍ରଚାରରେ ଅନେକ ପାଶ୍ଚାତ୍ୟ ସାହିତ୍ୟ ରୁଷ୍ ଭାଷାରେ ଅନୂଦିତ ହୋଇ ଶିକ୍ଷିତ ଲୋକଙ୍କଦ୍ବାରା ପଠିତ ହେଲା ।
- ଲିଓ ଟଲଷ୍ଟୟ, ଦସ୍ତୋଭସ୍କି, ମାକ୍ସିମ୍ ଗୋର୍କୀ, ଲାଭରୋଭ୍ ଆଦି ଚିନ୍ତାଶୀଳ ଲେଖକଙ୍କ ରଚନା ଶିକ୍ଷିତ ରୁଷିବାସୀଙ୍କ ଉପରେ ବିଶେଷ ପ୍ରଭାବ ପକାଇଥିଲା ।
- ୧୮୪୮ ମସିହାରେ ମହାନ୍ ଚିନ୍ତାନାୟକ କାର୍ଲ ମାର୍ସ ଓ ଫ୍ରେଡ଼େରିକ୍ ଏଞ୍ଜେଲ୍ସଙ୍କଦ୍ୱାରା ରଚିତ ବୈପ୍ଳବିକ ଚିନ୍ତାଧାରା ସମ୍ବଳିତ ପ୍ରସିଦ୍ଧ ପୁସ୍ତିକା ‘କମ୍ୟୁନିଷ୍ଟ ମାନିଫେଷ୍ଟୋ’ ଏବଂ ୧୮୬୭ ମସିହାରେ କାର୍ଲ ମାର୍କ୍ସଙ୍କ ରଚିତ ‘ଦ କ୍ୟାପିଟାଲ’ ପୁସ୍ତକ ଶୋଷଣ ଓ ବୈଷମ୍ୟ ବିରୋଧରେ ବିପ୍ଳବ କରିବାପାଇଁ ସର୍ବହରାମାନଙ୍କୁ ଆହ୍ୱାନ ଦେଇଥିଲା ।
- ମାର୍କ୍ସଙ୍କ ଆଦର୍ଶବାଦରେ ଉଦ୍ବୁଦ୍ଧ ହୋଇ ରୁଷିଆର ଜନସାଧାରଣ ସମ୍ଭ୍ରାନ୍ତ ଓ ପୁଞ୍ଜିବାଦୀଙ୍କ ଶୋଷଣ ବିରୋଧରେ ବିପ୍ଳବ କରିବାପାଇଁ ଆଗେଇ ଆସିଲେ ।
(ଘ) ଫେବୃୟାରୀ ବିପ୍ଳବ ପରବର୍ତ୍ତୀ କାମଚଳା ସରକାର ତାଙ୍କ ଉଦାରନୀତି ସତ୍ତ୍ବେ କାହିଁକି ବେଶିଦିନ ତିଷ୍ଠି ପାରିଲା ନାହିଁ ?
Answer:
ନିମ୍ନଲିଖିତ କାରଣଗୁଡ଼ିକ ଯୋଗୁଁ ଫେବୃୟାରୀ ବିପ୍ଳବର ପରବର୍ତ୍ତୀ କାମଚଳା ସରକାର ତାଙ୍କ ଉଦାର ନୀତି ସତ୍ତ୍ବେ ବେଶିଦିନ ତିଷ୍ଠି ପାରିନଥିଲା ।
- କାମଚଳା ସରକାରଙ୍କୁ ଶାସନ ଆରମ୍ଭରୁ ହିଁ କେତେକ ପ୍ରତିବନ୍ଧକର ସମ୍ମୁଖୀନ ହେବାକୁ ପଡ଼ିଥିଲା । ପ୍ରଥମତଃ ଓ ଖାଦ୍ୟାଭାବ କାରଣରୁ ଏବଂ ପରାଜୟଜନିତ ନିରୁତ୍ସାହିତ ସୈନ୍ୟବାହିନୀ ଯୋଗୁଁ ଯୁଦ୍ଧ ସପକ୍ଷରେ ନ ଥିଲେ ।
- ସମାଜବାଦ ନୀତିଦ୍ୱାରା ପରିଚାଳିତ ଶ୍ରମିକମାନେ ସରକାରଙ୍କ ଘୋର ବିରୋଧ କରିଥିଲେ । ଶ୍ରମିକ ଓ ସୈନ୍ୟମାନଙ୍କର ସଙ୍ଗଠନ ‘ସୋଭିଏତ୍’ ଏବଂ ଉଦାରବାଦୀ ସରକାରଙ୍କ ମଧ୍ୟରେ ଆଦର୍ଶଗତ ପାର୍ଥକ୍ୟ ଓ ସରକାରଙ୍କ ଅନୁପଯୁକ୍ତ କାର୍ଯ୍ୟଶୈଳୀ ହେତୁ ଦେଶରେ ବିବାଦ ଦେଖାଦେଲା ।
- ବିନା କ୍ଷତିପୂରଣରେ ଜମିମାଲିକଙ୍କଠାରୁ ଜମି ଆଣି କୃଷକମାନଙ୍କ ମଧ୍ୟରେ ବାଣ୍ଟିବା ଓ ଶିଳ୍ପଗୁଡ଼ିକର ନେବାରୁ କୃଷକ ଓ ଶ୍ରମିକମାନେ ସରକାରଙ୍କ ବିରୋଧୀ ହେଲେ ।
- ସମାଜବାଦୀ ନେତାମାନଙ୍କ ନେତୃତ୍ୱରେ ସେମାନେ ସରକାରଙ୍କ ଉପରେ ଚାପ ପକାଇବାପାଇଁ ଉଗ୍ର ଓ ଧମକପୂର୍ଣ ସହ କାର୍ଯ୍ୟ କରିବା ଅସମ୍ଭବ ହୋଇପଡ଼ିଲା ।
୨। ପ୍ରତ୍ୟେକ ପ୍ରଶ୍ନର ଉତ୍ତର ୨୦ ଗୋଟି ଶବ୍ଦ ମଧ୍ଯରେ ଲେଖ ।
(କ) କାର୍ଲ ମାର୍କଙ୍କଦ୍ବାରା ରଚିତ ଦୁଇଟି ସୁପ୍ରସିଦ୍ଧ ପୁସ୍ତକ କ’ଣ ଥିଲା ?
Answer:
କାର୍ଲ ମାର୍କଙ୍କଦ୍ୱାରା ରଚିତ ଦୁଇଟି ସୁପ୍ରସିଦ୍ଧ ପୁସ୍ତକର ନାମ ହେଲା – ‘କମ୍ୟୁନିଷ୍ଟ ମାନିଫେଷ୍ଟୋ’ ଓ ‘ଦ କ୍ୟାପିଟାଲ’ ।
(ଖ) ରୁଷ୍ ବିପ୍ଳବ ପୂର୍ବରୁ ଅସନ୍ତୁଷ୍ଟ ଶ୍ରମିକମାନଙ୍କଦ୍ୱାରା ଓ ଭୂମିହୀନ କୃଷକମାନଙ୍କଦ୍ୱାରା ଯଥାକ୍ରମେ କେଉଁ
Answer:
ରୁଷ୍ ବିପ୍ଳବ ପୂର୍ବରୁ ଅସନ୍ତୁଷ୍ଟ ଶ୍ରମିକମାନଙ୍କଦ୍ୱାରା ‘ସାମାଜିକ ଗଣତାନ୍ତ୍ରିକ ଦଳ’ ଓ ଭୂମିହୀନ କୃଷକମାନଙ୍କଦ୍ୱାରା ‘ସାମାଜିକ ବିପ୍ଳବୀ ଦଳ’ ନାମରେ ଦୁଇଟି ଦଳ ଗଠନ କରାଯାଇଥିଲା ।
(ଗ) ୧୯୦୩ ମସିହାରେ ରୁଷିଆରେ କେଉଁ ଦୁଇଟି ଦଳ ସୃଷ୍ଟି ହୋଇଥିଲା ?
Answer:
୧୯୦୩ ମସିହାରେ ରୁଷିଆରେ ‘ମେସେଭିକ୍ ଦଳ’ ଓ ‘ବୋଲ୍ସେଭିକ୍ ଦଳ’ ନାମରେ ଦୁଇଟି ଦଳ ସୃଷ୍ଟି ହୋଇଥିଲା ।
(ଘ) ପ୍ରଥମ ବିଶ୍ଵଯୁଦ୍ଧ ଆରମ୍ଭ ହେବା ପୂର୍ବରୁ କେଉଁ ଦୁଇଟି ଯୁଦ୍ଧରେ ରୁଷିଆର ପରାଜୟ ଦେଶର ସମ୍ମାନକୁ କ୍ଷୁଣ୍ଣ କରି ଜାର୍ ଶାସନର ଦୁର୍ବଳତା ପ୍ରମାଣ କରିଥିଲା ?
Answer:
ପ୍ରଥମ ବିଶ୍ଵଯୁଦ୍ଧ ଆରମ୍ଭ ହେବା ପୂର୍ବରୁ ୧୮୫୪ ମସିହାର କ୍ରିମିଆ ଯୁଦ୍ଧ ଓ ୧୯୦୪ ମସିହାର ରୁଷ୍-ଜାପାନ ଯୁଦ୍ଧରେ ରୁଷିଆର ପରାଜୟ ଦେଶର ସମ୍ମାନକୁ କ୍ଷୁଣ୍ଣ କରି ଜାର୍ ଶାସନର ଦୁର୍ବଳତା ପ୍ରମାଣ କରିଥିଲା ।
(ଙ) ୧୯୦୫ ମସିହା ଜାନୁଆରୀ ୨୨ ତାରିଖରେ ବିକ୍ଷୋଭକାରୀମାନେ କାହା ନେତୃତ୍ବରେ ଏବଂ କେଉଁ ସ୍ଥାନରେ ଜାରଙ୍କୁ ଏକ ଦାବିପତ୍ର ଦେବାପାଇଁ ଶୋଭାଯାତ୍ରାରେ ଯାଉଥିଲେ ?
Answer:
୧୯୦୫ ମସିହା ଜାନୁୟାରୀ ୨୨ ତାରିଖରେ ବିକ୍ଷୋଭକାରୀମାନେ ଧର୍ମଯାଜକ ଫାଦର ଗ୍ୟାପନ୍ଙ୍କ ନେତୃତ୍ୱରେ ଜାର୍ ଦ୍ୱିତୀୟ ନିକୋଲାସ୍ଙ୍କୁ ଏକ ଦାବିପତ୍ର ଦେବାପାଇଁ ସେଣ୍ଟ ପିଟରସ୍ଵର୍ଗସ୍ଥିତ ଜାର୍ଙ୍କ ଶୀତକାଳୀନ ପ୍ରାସାଦ ଅଭିମୁଖେ ଯାଉଥିଲେ ।
(ଚ) ୧୯୧୭ ବିପ୍ଳବ ସମୟରେ ରୁଷିଆରେ ଜାର୍ କିଏ ଥିଲେ ଏବଂ ତାଙ୍କ ରାଜବଂଶର ନାମ କ’ଣ ଥିଲା ?
Answer:
୧୯୧୭ ବିପ୍ଳବ ସମୟରେ ରୁଷିଆରେ ଜାର୍ ଦ୍ବିତୀୟ ନିକୋଲାସ୍ ଥିଲେ ଏବଂ ତାଙ୍କ ରାଜବଂଶର ନାମ ରୋମାନୋଭ୍ ଥିଲା ।
(ଛ) ୧୯୧୭ ନଭେମ୍ବର ୭ ତାରିଖ ସନ୍ଧ୍ୟାରେ ଲେନିନ୍ କ’ଣ ଘୋଷଣା କରିଥିଲେ
Answer:
୧୯୧୭ ନଭେମ୍ବର ୭ ତାରିଖ ସନ୍ଧ୍ୟାରେ ଲେନିନ୍ ରୁଷିଆରେ ସୋଭିଏତ୍ ସାଧାରଣତନ୍ତ୍ର ସ୍ଥାପିତ ହେଲା ବୋଲି ଘୋଷଣା କରିଥିଲେ ।
(ଜି) ୧୯୧୭ ନଭେମ୍ବର ୭ ତାରିଖରେ କେଉଁଠାରେ ଏବଂ କାହାଦ୍ଵାରା ଲେନିନ୍ ତାଙ୍କର ତିନିଗୋଟି
Answer:
୧୯୧୭ ନଭେମ୍ବର ୭ ତାରିଖରେ ପେଟ୍ରୋଗ୍ରାଡ୍ ଠାରେ ନିଖିଳ ରୁଷିଆ ସୋଭିଏତ୍ କଂଗ୍ରେ ସର ସଦସ୍ୟମାନଙ୍କଦ୍ୱାରା ଲେନିନ୍ ତାଙ୍କର ତିନିଗୋଟି ଆଦେଶନାମା ଅନୁମୋଦିତ କରାଇ ନେଇଥିଲେ ।
(ଝ) ୧୯୧୭ ଅକ୍ଟୋବର ବିପ୍ଳବ ପରେ ରୁଷିଆର ନୂତନ ସରକାରରେ କିଏ ପ୍ରଧାନମନ୍ତ୍ରୀ ଓ କିଏ ବୈଦେଶିକ ମନ୍ତ୍ରୀ ହୋଇଥିଲେ ?
Answer:
୧୯୧୭ ଅକ୍ଟୋବର ବିପ୍ଳବ ପରେ ରୁଷିଆର ନୂତନ ସରକାରରେ ଲେନିନ୍ ପ୍ରଧାନମନ୍ତ୍ରୀ ଓ ଟ୍ରଟସ୍କି ବୈଦେଶିକ ବ୍ୟାପାର ମନ୍ତ୍ରୀଭାବେ ନିଯୁକ୍ତି ପାଇଥିଲେ ।
(ଞ) ୧୯୧୮ ମସିହା ସମ୍ବିଧାନରେ ଏବଂ ୧୯୨୪ ମସିହା ସମ୍ବିଧାନରେ ଯଥାକ୍ରମେ ରୁଷିଆକୁ କେଉଁ କେଉଁ ନାମରେ ନାମିତ କରାଯାଇଥିଲା ?
Answer:
୧୯୧୮ ମସିହା ସମ୍ବିଧାନରେ ରୁଷିଆକୁ ‘ରୁଷୀୟ ସୋସିଆଲିଷ୍ଟ ଫେଡ଼େରେଟିଭ୍ ସୋଭିଏତ୍ ରିପବ୍ଲିକ୍’ ଏବଂ ୧୯୨୪ ମସିହା ସମ୍ବିଧାନରେ ରୁଷିଆକୁ ‘ୟୁନିଅନ୍ ଅଫ୍ ସୋଭିଏତ୍ ସୋସିଆଲିଷ୍ଟ ରିପବ୍ଲିକ୍ସ୍’ ନାମରେ ନାମିତ କରାଯାଇଥିଲା ।
୩ । ପ୍ରତ୍ୟେକ ପ୍ରଶ୍ନର ଉତ୍ତର ଗୋଟିଏ ବାକ୍ୟରେ ଲେଖ ।
(କ) କେଉଁ ମସିହାରେ ଦ୍ବିତୀୟ ନିକୋଲାସ୍ ରୁଷିଆର ଜାର୍ ହେଲେ ?
Answer:
୧୮୯୪ ମସିହାରେ ଦ୍ବିତୀୟ ନିକୋଲାସ୍ ରୁଷିଆର ଜାର୍ ହେଲେ ।
(ଖ) ରୁଷ୍ ବିପ୍ଳବ ପୂର୍ବରୁ ଦରିଦ୍ର କୃଷକ ଓ ଶ୍ରମିକମାନେ କେଉଁ ନିଶାକାରୀ ଦ୍ରବ୍ୟ ପ୍ରତି ଆସକ୍ତ ଥିଲେ ?
Answer:
ରୁଷ୍ ବିପ୍ଳବ ପୂର୍ବରୁ ଦରିଦ୍ର କୃଷକ ଓ ଶ୍ରମିକମାନେ ‘ଭୋଦ୍କା’ ନାମକ ନିଶାକାରୀ ଦ୍ରବ୍ୟ ପ୍ରତି ଆସକ୍ତ ଥିଲେ ।
(ଗ) କାର୍ଲ ମାର୍କଙ୍କ ‘‘କମ୍ୟୁନିଷ୍ଟ ମାନିଫେଷ୍ଟୋ’’ କେବେ ପ୍ରକାଶିତ ହୋଇଥିଲା ?
Answer:
କାର୍ଲ ମାର୍କଙ୍କ ‘କମ୍ୟୁନିଷ୍ଟ ମାନିଫେସ୍କୋ’ ୧୮୪୮ ଖ୍ରୀ.ଅ.ରେ ପ୍ରକାଶିତ ହୋଇଥିଲା ।
(ଘ) ରୁଷିଆରେ ‘ଅକ୍ଟୋବର ଇସ୍ତାହାର’ କେବେ ଘୋଷଣା କରାଯାଇଥିଲା ?
Answer:
ରୁଷିଆରେ ୧୯୦୫ ମସିହା ଅକ୍ଟୋବର ୩୦ ତାରିଖରେ ‘ଅକ୍ଟୋବର ଇସ୍ତାହାର’ ଘୋଷଣା କରାଯାଇଥିଲା ।
(ଙ) ରୁଷ୍ ବିପ୍ଲବ ସମୟରେ ରୁଷିଆର ଜାରିନା କିଏ ଥିଲେ ?
Answer:
ରୁଷ୍ ବିପ୍ଳବ ସମୟରେ ରୁଷିଆର ଜାରିନା ଆଲେକ୍ଜାଣ୍ଡ୍ରା ଥିଲେ ।
(ଚ) ରାସ୍ପୁଟିନ୍ଙ୍କ ପ୍ରକୃତ ନାମ କ’ଣ ଥିଲା ?
Answer:
ରାସ୍ପୁଟିନ୍ଙ୍କ ପ୍ରକୃତ ନାମ ଶ୍ରୀଗୋରୀ ଏଫିମୋଭିଚ୍ ଥିଲା ।
(ଛ) ରୁଷିଆରେ କାମଚଳା ସରକାରଙ୍କ ବିଫଳତା ପରେ କିଏ ପ୍ରଧାନମନ୍ତ୍ରୀ ହୋଇଥିଲେ ?
Answer:
ରୁଷିଆରେ କାମଚଳା ସରକାରଙ୍କ ବିଫଳତା ପରେ କେରେନ୍ସ୍କି ପ୍ରଧାନମନ୍ତ୍ରୀ ହୋଇଥିଲେ ।
(ଜ) ରୁଷିଆର କେଉଁ ବିପ୍ଳବକୁ ‘‘ବୋଲ୍ସେଭିକ୍ ବିପ୍ଳବ’’ କୁହାଯାଏ ?
Answer:
ରୁଷିଆର ଅକ୍ଟୋବର ବିପ୍ଳବକୁ ‘ବୋଲ୍ସେଭିକ୍ ବିପ୍ଳବ’ କୁହାଯାଏ ।
(ଝ) ରୁଷିଆରେ ଜାର୍ଙ୍କ ଶୀତକାଳୀନ ପ୍ରାସାଦ କେଉଁଠାରେ ଅବସ୍ଥିତ ଥିଲା ?
Answer:
ରୁଷିଆରେ ଜାର୍ଙ୍କ ଶୀତକାଳୀନ ପ୍ରାସାଦ ସେଣ୍ଟ ପିଟରସ୍ବର୍ଗଠାରେ ଅବସ୍ଥିତ ଥିଲା ।
(ଞ) ରୁଷ୍ ବିପ୍ଲବ ପରେ କାହାକୁ ‘ରୁଷୀୟ କମ୍ୟୁନିଷ୍ଟ ଦଳ’’ଭାବେ ନାମିତ କରାଗଲା ?
Answer:
ରୁଷ୍ ବିପ୍ଲବ ପରେ ବୋଲ୍ସେଭିକ୍ ଦଳକୁ ‘ରୁଷୀୟ କମ୍ୟୁନିଷ୍ଟ ଦଳ’ ଭାବେ ନାମିତ କରାଗଲା ।
୪ । ପ୍ରତ୍ୟେକ ପ୍ରଶ୍ନରେ ଦିଆଯାଇଥିବା ଚାରିଗୋଟି ବିକଳ୍ପ ମଧ୍ୟରୁ ଠିକ୍ ଉତ୍ତରଟି ସଙ୍ଗେ ତା’ର କ୍ରମିକ ନମ୍ବର ବାଛି ଲେଖ ।
(କ) କିଏ ରୁଷିଆରେ କୃଷିଭୃତ୍ୟ ପ୍ରଥା ଉଚ୍ଛେଦ କରିଥିଲେ ?
(i) ପ୍ରଥମ ଅଲେକ୍ଜାଣ୍ଡାର
(ii) ଦ୍ଵିତୀୟ ଆଲେକ୍ଜାଣ୍ଡାର
(iii) ତୃତୀୟ ଅଲେକ୍ଜାଣ୍ଡାର
(iv) ପ୍ରଥମ ନିକୋଲାସ୍
Answer:
(ii) ଦ୍ଵିତୀୟ ଆଲେକ୍ଜାଣ୍ଡାର
(ଖ) ରୁଷିଆର ସର୍ବହରାମାନଙ୍କୁ କ’ଣ କୁହାଯାଉଥିଲା ?
(i) ମେସେଭିକ୍
(ii) ବୋଲ୍ସେଭିକ୍
(iii) ସର୍ପ
(iv) ପ୍ରୋଲେତାରିଏତ୍
Answer:
(iv) ପ୍ରୋଲେତାରିଏତ୍
(ଗ) ରୁଷ୍ ବିପ୍ଳବ ସମୟରେ ଲେନିନ୍ କେଉଁ ଦଳର ନେତୃତ୍ବ ନେଇଥିଲେ ?
(i) ସାମାଜିକ ଗଣତାନ୍ତ୍ରିକ ଦଳ
(ii) ମେସେଭିକ୍
(ii) ସାମାଜିକ ବିପ୍ଳବୀ ଦଳ
(iv) ବୋଲ୍ସେଭିକ୍
Answer:
(iv) ବୋଲ୍ସେଭିକ୍
(ଘ) କେଉଁ ଦିବସଟି ରୁଷ୍ ଇତିହାସରେ ‘ରକ୍ତାକ୍ତ ରବିବାର’’ ଭାବେ ନାମିତ ?
(i) ୧୯୦୫ ଜାନୁଆରୀ ୨୨
(ii) ୧୯୦୬ ମେ ୬
(iii) ୧୯୧୭ ମାର୍ଚ୍ଚ ୮
(iv) ୧୯୧୭ ନଭେମ୍ବର ୭
Answer:
(i) ୧୯୦୫ ଜାନୁଆରୀ ୨୨
(ଙ) ଦ୍ଵିତୀୟ ନିକୋଲାସ୍ଙ୍କ ପ୍ରଥମ ଡୁମା କେବେ ଉଦ୍ଘାଟିତ ହୋଇଥିଲା ?
(i) ୧୯୦୫ ଅଗଷ୍ଟ
(ii) ୧୯୦୬ ମେ
(iii)୧୯୦୫ ଅକ୍ଟୋବର
(iv) ୧୯୦୭ ମାର୍ଚ୍ଚ
Answer:
(ii) ୧୯୦୬ ମେ
(ଚ) ଜାର୍ ଦ୍ଵିତୀୟ ନିକୋଲାସ୍ କେଉଁଦିନ ରାଜଗାଦି ତ୍ୟାଗ କଲେ ?
(i) ୧୯୧୭ ମାର୍ଚ୍ଚ ୮
(iii) ୧୯୧୭ ମାର୍ଚ୍ଚ ୧୨
(ii) ୧୯୧୭ ମାର୍ଚ୍ଚ ୧୦
(iv) ୧୯୧୭ ମାର୍ଚ୍ଚ ୧୫
Answer:
(iv) ୧୯୧୭ ମାର୍ଚ୍ଚ ୧୫
(ଛ) ୧୯୧୭ ଫେବୃଆରୀ ବିପ୍ଳବ ପରେ ପ୍ରତିଷ୍ଠିତ କାମଚଳା ସରକାରର ମୁଖ୍ୟ କିଏ ଥିଲେ ?
(i)
(ii) ଲେନିନ୍
(iii) ଲୋଭୋଭ୍
(iv) ଟ୍ରଟସ୍କି
Answer:
(iii) ଲୋଭୋଭ୍
(ଜ) ରୁଷ୍ ବିପ୍ଳବ ପରେ କେଉଁ ଅନୁଷ୍ଠାନ ରୁଷ୍ ଦେଶର ସଂସଦ ଭାବେ କାର୍ଯ୍ୟ କଲା ?
(i) ସୋଭିଏତ୍
(ii) ରୁଷୀୟ କମ୍ୟୁନିଷ୍ଟ ଦଳ
(iii) ସର୍ବ-ରୁଷୀୟ ସୋଭିଏତ୍ କଂଗ୍ରେସ
(iv) ଡୁମା
Answer:
(iii) ସର୍ବ-ରୁଷୀୟ ସୋଭିଏତ୍ କଂଗ୍ରେସ
(ଝ) କେବେଠାରୁ ରୁଷିଆକୁ ‘‘ୟୁନିୟନ୍ ଅଫ୍ ସୋଭିଏତ୍ ସୋସିଆଲିଷ୍ଟ ରିପବ୍ଲିକ୍ସ୍’’ କୁହାଗଲା ?
(i) ୧୯୧୭
(ii) ୧୯୧୮
(iii) ୧୯୨୪
(iv) ୧୯୯୧
Answer:
(iii) ୧୯୨୪
(ଞ) ପ୍ରଥମ ବିଶ୍ୱଯୁଦ୍ଧରୁ ଓହରିବା ପରେ ଜର୍ମାନୀ ସହିତ ରୁଷିଆ କେବେ ବ୍ରେଷ୍ଟ-ଲିତୋଭସ୍କ ସନ୍ଧି ସ୍ୱାକ୍ଷର
କରିଥିଲା ?
(i) ୧୯୧୭ ମାର୍ଚ୍ଚ ୧୨
(ii) ୧୯୧୭ ନଭେମ୍ବର ୭
(iii) ୧୯୧୭ ଡିସେମ୍ବର ୧୫
(iv) ୧୯୧୮ ମାର୍ଚ୍ଚ ୩
Answer:
(iv) ୧୯୧୮ ମାର୍ଚ୍ଚ ୩
୫। ପାଠରେ ଦିଆଯାଇଥିବା ତୁମ ପାଇଁ କାମଗୁଡ଼ିକ ଶିକ୍ଷକଙ୍କ ନିର୍ଦ୍ଦେଶନା ଓ ସହାୟତାରେ ସମ୍ପାଦନ କର ।
Answer:
(ପିଲାମାନେ ଶିକ୍ଷକଙ୍କ ସହାୟତା ଓ ନିର୍ଦ୍ଦେଶନାରେ ଉତ୍ତର ଲେଖିବେ ।)