Go through Class 6 Social Science Solutions Odia Medium and Class 6 Social Science Chapter 5 Question Answer Odia Medium ଇଣ୍ଡିଆ, ଅର୍ଥାତ୍ ଭାରତ to understand textbook questions more clearly.
6th Class Social Science Chapter 5 Question Answer Odia Medium
Class 6 Social Science Chapter 5 Odia Medium
ପ୍ରଶ୍ନ, ଅଭ୍ୟାସକାର୍ଯ୍ୟ ଏବଂ ପ୍ରକଳ୍ପ:
Question 1.
ଅଧ୍ୟାୟ ଆରମ୍ଭରେ ଥିବା ଉଦ୍ଧୃତି (quotation) ଅର୍ଥ କ’ଣ ହୋଇପାରେ ସେ ବିଷୟରେ ଆଲୋଚନା କର ।
Answer:
ଅଧ୍ୟାୟର ଆରମ୍ଭରେ ଥିବା ଉଦ୍ଧୃତି ସୂଚାଇଦିଏ ଯେ ପ୍ରାଚୀନ ଭାରତରେ ଯେଉଁ ଆଧ୍ୟାତ୍ମିକ ଏବଂ ସାଂସ୍କୃତିକ ଏକତ୍ଵର ମୂଳଦୁଆ ନିର୍ମାଣ ହୋଇଥିଲା ତାହା ହଜାର ହଜାର ବର୍ଷଧରି ଅଦ୍ୟାବଧୂ ଜୀବନର ମାର୍ଗ ହୋଇ ରହିଛି । ଉଦାହରଣ ସ୍ୱରୂପ ଭାରତର ବେଦ, ଉପନିଷଦ, ବୌଦ୍ଧଧର୍ମ ଓ ଜୈନଧର୍ମର ନୀତିବାଣୀ ଏହାର ଆଧାର ହୋଇ ରହିଅଛି । ଏତଦ୍ବ୍ୟତୀତ ମହାପୁରାଣଗୁଡ଼ିକ ମଧ୍ୟ ଆଧ୍ୟାମ୍ବିକ ଚେତନାକୁ ଜାଗ୍ରତ କରିଥାଏ । ଏକ ବସ୍ତୁବାଦୀ ଚିନ୍ତାଧାରାରୁ ମୁକ୍ତ ହୋଇ ଜୀବନର ବାସ୍ତବ ମୂଲ୍ୟକୁ ବୁଝାଇଥାଏ । ପୁନଶ୍ଚ, ଆମ ଦେଶର ସଂସ୍କୃତି ବିଭିନ୍ନ ଧର୍ମର ବିଶ୍ୱାସକୁ ଆରମ୍ଭ କରିଛି ଏବଂ ଐତିହ୍ୟ, କଳା, ଭାସ୍କର୍ଯ୍ୟ ଓ ସଙ୍ଗୀତକୁ ଋଦ୍ଧିମନ୍ତ କରିଛି ।
Question 2.
ଭୁଲ୍ କିମ୍ବା ଠିକ୍ ଲେଖ ।
(କ) ଋକ୍ବେଦରେ ଭାରତର ସମଗ୍ର ଭୂଗୋଳ ବିଷୟରେ ବର୍ଣ୍ଣନା କରାଯାଇଛି ।
(ଖ) ବିଷ୍ଣୁ ପୁରାଣରେ ସମଗ୍ର ଉପମହାଦେଶର ବର୍ଣ୍ଣନା କରାଯାଇଛି ।
(ଗ) ଅଶୋକଙ୍କ ସମୟରେ ‘ଜମ୍ବୁଦ୍ଵୀପ’ରେ ଆଜିର ଭାରତ, ଆଫଗାନିସ୍ତାନର କିଛି ଅଂଶ, ବାଂଲାଦେଶ ଏବଂ ପାକିସ୍ତାନର କିଛି ଅଂଶ ଅନ୍ତର୍ଭୁକ୍ତ ଥୁଲା ।
(ଘ) ମହାଭାରତରେ କାଶ୍ମୀର, କଚ୍ଛ ଓ କେରଳ ସମେତ ଅନେକ ଅଞ୍ଚଳର ତାଲିକା ରହିଛି ।
(ଙ) ହିନ୍ଦୁସ୍ଥାନ ଶବ୍ଦଟି ୨୦୦୦ ବର୍ଷ ପୂର୍ବେ ଏକ ଗ୍ରୀକ୍ ଶିଳାଲେଖରେ ପ୍ରଥମେ ଉଲ୍ଲେଖ କରାଯାଇଥିଲା ।
(ଚ) ପ୍ରାଚୀନ ପାରସୀ ଭାଷାରେ ହିନ୍ଦୁ ଶବ୍ଦ ହିନ୍ଦୁ ଧର୍ମକୁ ବୁଝାଏ ।
(ଛ) ବିଦେଶୀ ପର୍ଯ୍ୟଟକମାନେ ଭାରତକୁ ଦେଇଥିବା ଏକ ନାମ ହେଉଛି ‘ଭାରତ’ ।
Answer:
(କ) ଭୁଲ୍
(ଖ) ଠିକ୍
(ଗ) ଭୁଲ୍
(ଘ) ଠିକ୍
(ଙ) ଭୁଲ୍
(ଚ) ଭୁଲ୍
(ଛ) ଭୁଲ୍ ।
Question 3.
ଯଦି ତୁମେ ପ୍ରାୟ ୨୦୦୦ ବର୍ଷ ପୂର୍ବେ ଜନ୍ମଗ୍ରହଣ କରିଥା’ନ୍ତ ଏବଂ ଆମ ଦେଶର ନାମ ରଖୁବାର ସୁଯୋଗ ପାଇଥା’ନ୍ତି, ତେବେ ତୁମେ କେଉଁ ନାମ ଚୟନ କରିଥା’ନ୍ତ ଏବଂ କାହିଁକି ? ତୁମ କଳ୍ପନାର ବ୍ୟବହାର କର ।
Answer:
ଯଦି ମୁଁ ୨୦୦୦ ବର୍ଷ ପୂର୍ବେ ଜନ୍ମଗ୍ରହଣ କରିଥା’ନ୍ତି ଏବଂ ଆମ ଦେଶର ନାମ ରଖୁବାର ସୂଯୋଗ ପାଇଥା’ନ୍ତି, ତେବେ ମୁଁ ଆମ ଦେଶର ନାମ ଭାରତବର୍ଷ ରଖୁଥା’ନ୍ତି ଏବଂ ଏହି ପ୍ରାଚୀନ ଦେଶ ସମସ୍ତ ଗୌରବ, ଜ୍ଞାନ ଓ ସଂସ୍କୃତିର ଗନ୍ତାଘର ହୋଇଥିବାରୁ ସମଗ୍ର ପୃଥିବୀରେ ଏହା ଏକ ଅନନ୍ୟ ଦେଶରୂପେ ଏପରି ଭାବନା ମୋ ଭିତରେ ସୃଷ୍ଟି ହୋଇଥା’ନ୍ତା ।
Question 4.
ପ୍ରାଚୀନ କାଳରେ ପୃଥିବୀର ବିଭିନ୍ନ ପ୍ରାନ୍ତରୁ ଲୋକମାନେ ଭାରତକୁ କାହିଁକି ଯାତ୍ରା କରୁଥିଲେ ? ଏତେ ଲମ୍ବା ଯାତ୍ରା କରିବାରେ ସେମାନଙ୍କର ପ୍ରେରଣା କ’ଣ ହୋଇପାରେ ?
(ସୂଚନା : ଅତି କମ୍ରେ ଚାରି କିମ୍ବା ପାଞ୍ଚଟି ଅଭିପ୍ରେରଣା ହୋଇପାରେ)
Answer:
- ପ୍ରାଚୀନ କାଳରେ ପୃଥିବୀର ବିଭିନ୍ନ ପ୍ରାନ୍ତରୁ ଲୋକମାନେ ଭାରତକୁ ବାଣିଜ୍ୟିକ ଉଦ୍ଦେଶ୍ୟରେ ଆସୁଥିଲେ ।
- ଭାରତ ଏକ ମୁନିଋଷିର ଦେଶ ହୋଇଥିବାରୁ କେତେକ ଜ୍ଞାନ ଆହରଣ କରିବା ଉଦ୍ଦେଶ୍ୟରେ ଆସୁଥିଲେ ।
- ଧର୍ମ ଉଦ୍ଦେଶ୍ୟରେ ଯଥା ବୌଦ୍ଧଧର୍ମ, ଜୈନଧର୍ମ ସମ୍ବନ୍ଧରେ ଜାଣିବାପାଇଁ କେତେକ ଆସୁଥିଲେ ।
- ଧନରନ୍ ଲୁଣ୍ଠନ ଉଦ୍ଦେଶ୍ୟରେ ଏବଂ ଶେଷରେ ଦେଶକୁ ଆକ୍ରମଣ କରିବାପାଇଁ ଅନେକ ଭାରତକୁ ଆସୁଥିଲେ ।
ଦୀର୍ଘ ଉତ୍ତରମୂଳକ ପ୍ରଶ୍ନୋତ୍ତର
Question 1.
ଇତିହାସର ଗତିରେ ଭାରତକୁ ତାର ଅଧ୍ଵବାସୀମାନେ ବହୁତ ନାମରେ ନାମିତ କରିଛନ୍ତି । ସେଗୁଡ଼ିକୁ ବୁଝାଅ ।
Answer:
ଇତିହାସରେ ଆମ ଦେଶ ଭାରତକୁ ବିଭିନ୍ନ ନାମରେ ନାମିତ କରାଯାଇଛି । ଭାରତୀୟ ଉପମହାଦେଶର ଉତ୍ତର-ପଶ୍ଚିମ ଅଞ୍ଚଳକୁ ‘ସପ୍ତସିନ୍ଧୁ’ ବା ସାତୋଟି ନଦୀର ଅଞ୍ଚଳ କୁହାଯାଏ । ‘ସିନ୍ଧକ’ ଶବ୍ଦଟି ‘ସିନ୍ଧି’ରୁ ଆସିଛି ଯାହା ‘ସିନ୍ଧୁ’ ନଦୀକୁ ବୁଝାଏ । ପରବର୍ତ୍ତୀ କାଳରେ ମହାଭାରତରେ ଭାରତକୁ ଦୁଇଟି ନାମରେ ଦର୍ଶାଯାଇଛି ଯଥା ଭାରତବର୍ଷ ଏବଂ ଜମ୍ବୁଦ୍ଵୀପ ।
ଦ୍ଵିତୀୟତଃ ଭାରତକୁ ଜମ୍ବୁଦ୍ଵୀପ ମଧ୍ଯ କୁହାଯାଏ । ସମଗ୍ର ଭାରତରେ ଜାମୁକୋଳି ଗଛ ପ୍ରଚୁର ପରିମାଣରେ ଥିବାରୁ ଏହି ଦେଶକୁ ଜମ୍ବୁଦ୍ଵୀପ ବୋଲି କୁହାଯାଏ । ମୌର୍ଯ୍ୟ ସମ୍ରାଟ ଅଶୋକ ତାଙ୍କର ଗୋଟିଏ ଶିଳାଲିପିରେ ‘ଭାରତବର୍ଷ’କୁ ବର୍ଣ୍ଣନା କରିବା ପାଇଁ ‘ଜମ୍ବୁଦ୍ଵୀପ’ ନାମ ବ୍ୟବହାର କରିଥିଲେ । ବିଷ୍ଣୁ ପୁରାଣରେ ମଧ୍ଯ ‘ଭାରତ’ ନାମଟିର ବର୍ଣ୍ଣନା କରାଯାଇଛି । ଦକ୍ଷିଣ ଭାରତର ‘ଭାରତମ’ ମଧ୍ୟ କୁହାଯାଏ । ସବୁଠାରୁ ଗ୍ରହଣଯୋଗ୍ୟ କଥା ହେଲା ଯେ ଭାରତବର୍ଷର ନାମ ପ୍ରସିଦ୍ଧ ରାଜା ଭରତଙ୍କ ନାମ ଅନୁସାରେ ରଖାଯାଇଛି ।
Question 2.
ଭାରତର ଅନେକ ଭିନ୍ନ ନାମ ବୈଦେଶିକମାନଙ୍କଦ୍ଵାରା ଦିଆଯାଇଛି । ସେମାନେ ଏସବୁ ସିନ୍ଧୁ ଶବ୍ଦରୁ ଆଣିଛନ୍ତି । ଆଲୋଚନା କର ।
Answer:
ପାରସ୍ୟର ସମ୍ରାଟ ସାଇରସ୍ ଭାରତର ଉତ୍ତର-ପଶ୍ଚିମ ଅଂଶକୁ ଅଧିକାର କରିଥିଲେ ଯାହା ସେ ସମୟରେ ସିନ୍ଧୁ ନାମରେ ପରିଚିତ ଥିଲା । ସିନ୍ଧୁ ଶବ୍ଦକୁ ସେମାନେ ପାର୍ସୀ ଭାଷାରେ ହିନ୍ଦ୍, ହିନ୍ଦୁ ବା ହିନ୍ଦୁ ବୋଲି କହୁଥିଲେ । ସେଥିପାଇଁ ପାରସ୍ୟ ବା ପାର୍ସୀ ଭାଷାରେ ଥିବା ନଥିପତ୍ର ଏବଂ ପ୍ରସ୍ତର ଅଭିଲେଖରୁ ଜଣାପଡ଼େ ଯେ ସେମାନେ ଭାରତକୁ ହିନ୍ଦ ବା ହିନ୍ଦୁ ବୋଲି କହୁଥିଲେ । ସେହିପରି ଗ୍ରୀକ୍ରାମାନେ ପାର୍ସୀଭାଷାରେ ଲେଖାଥିବା ହିନ୍ଦ୍ ବା Hindu ଶବ୍ଦରୁ hକୁ ନକହି ଏହି ଅଞ୍ଚଳର ନାମ ‘ଇଣ୍ଡୋଇ’ ବା ‘ଇଣ୍ଡିକେ’ ରଖେ । ପୁନଶ୍ଚ, ଚୀନାମାନେ ସିନ୍ଧୁ ଶବ୍ଦକୁ ୟୁଣ୍ଟୁ ବା ୟୁନ୍ଦୁ ବୋଲି ଉଚ୍ଚାରଣ କରିଥିଲେ ।
ବର୍ତ୍ତମାନ ଭାରତକୁ ହିନ୍ଦୁସ୍ତାନ ବୋଲି କୁହାଯାଇଛି । ଏହି ‘ହିନ୍ଦୁସ୍ତାନ’ ଶବ୍ଦ ୧୮୦୦ ବର୍ଷ ତଳେ ଏକ ପାର୍ସୀ ଅଭିଲେଖରେ ବର୍ଦ୍ଧିତ ଥିଲା । ପରବର୍ତୀ ସମୟରେ ଆକ୍ରମଣକାରୀମାନେ ଭାରତକୁ ହିନ୍ଦୁସ୍ଥାନ ବା ଇଣ୍ଡିଆ ନାମରେ ବର୍ଣ୍ଣନା କରିଥିଲେ ।
Question 3.
ପ୍ରାଚୀନ ଚୀନ ଦେଶରେ ଭାରତକୁ କ’ଣ କୁହାଯାଇଥିଲା ?
Answer:
ପ୍ରାଚୀନ ଚୀନ ଦେଶରୁ ଅନେକ ଧର୍ମଗୁରୁ ବା ସନ୍ନ୍ୟାସୀ ଭାରତକୁ ପରିଭ୍ରମଣରେ ଆସିଥିଲେ । ଜୁଆନଜାଙ୍ଗ ବା ହୁଏନ୍ସାଙ୍ଗ ଖ୍ରୀଷ୍ଟୀୟ ସପ୍ତମ ଶତାବ୍ଦୀରେ ଚୀନରୁ ଭାରତକୁ ଯାତ୍ରା କରିଥିଲେ । ସେ ଭାରତର ଉତ୍ତର-ପଶ୍ଚିମ ସୀମାନ୍ତ ବା ସିନ୍ଧୁ ଅଞ୍ଚଳ ଦେଇ ଭାରତକୁ ପ୍ରବେଶ କରିଥିଲେ । ସେ ଭାରତରେ ଦୀର୍ଘ ୧୭ ବର୍ଷ ରହି ବୌଦ୍ଧ ଧର୍ମସ୍ଥଳୀ ପରିଦର୍ଶନ ପୂର୍ବକ ବହୁତ ଜ୍ଞାନ ଅର୍ଜନ କରିଥିଲେ । ଚୀନର ଅନେକ ପୁରାତନ ଗ୍ରନ୍ଥରେ ସେମାନେ ଭାରତକୁ ‘ୟୁଣ୍ଟୁ’ ବା ‘ୟିନ୍ଦୁ’ ବୋଲି ସମ୍ବୋଧନ କରିଥିଲେ । ଏହି ଶବ୍ଦ ‘ସିନ୍ଧୁ’ ଶବ୍ଦରୁ ଆସିଅଛି ।
ଆଉ ଏକ ଚାଇନିଜ୍ ଶବ୍ଦ ଯାହା ‘ସିନ୍ଧୁ’ ଶବ୍ଦରୁ ମଧ୍ଯ ଆସିଅଛି, ତାହା ହେଲା ‘ତିଆନ୍ଟୁ’ ଯାହାକୁ ଦିବ୍ୟଗୁରୁ ଭାବରେ ମଧ୍ୟ ବୁଝାଯାଏ । ବୁଦ୍ଧଙ୍କ ଦେଶ ଭାବରେ ଭାରତ ପ୍ରତି ପ୍ରାଚୀନ ଚୀନ୍ର ସମ୍ମାନ ଏହି ଶବ୍ଦରୁ ପ୍ରତିଫଳିତ ହୁଏ ।
Question 4.
କେଉଁ ପରିବ୍ରାଜକ ବା ତୀର୍ଥଯାତ୍ରୀମାନେ ଚୀନ୍ରୁ ଭାରତକୁ ଭ୍ରମଣରେ ଆସିଥିଲେ ?
Answer:
ପ୍ରାଚୀନ ଚୀନ୍ରୁ ଭାରତକୁ ତିନିଜଣ ପ୍ରମୁଖ ପରିବ୍ରାଜକ ବା ଧର୍ମଗୁରୁ ଆସିଥିଲେ । ସେମାନେ ଥିଲେ ଫାହିୟାନ, ହୁଏନ୍ସାଂ ଏବଂ ଇସିଂ । ସେମାନେ ସମସ୍ତେ ଭାରତର ଅନେକ ବୌଦ୍ଧସ୍ଥଳୀ ଭ୍ରମଣ କରି ବୁଦ୍ଧ ଓ ବୌଦ୍ଧ ଧର୍ମ ଉପରେ ତଥ୍ୟ ସଂଗ୍ରହ କରି ସ୍ଵଦେଶକୁ ପ୍ରତ୍ୟାବର୍ତ୍ତନ କରିଥିଲେ । ସେମାନେ ମଧ୍ୟ କିଛି ବୌଦ୍ଧ ପୁସ୍ତକ ଓ ବୁଦ୍ଧଙ୍କ ମୂର୍ତ୍ତି ମଧ୍ୟ ନେଇଥିଲେ ।
ଫାହିୟାନ ଦ୍ଵିତୀୟ ଚନ୍ଦ୍ରଗୁପ୍ତଙ୍କ ସମୟରେ ଆସିଥିଲାବେଳେ ହୁଏନ୍ସାଂ ସମ୍ରାଟ ହର୍ଷବର୍ଦ୍ଧନଙ୍କ ସମୟରେ ଆସିଥିଲେ ।
Question 5.
ଭାରତକୁ ବିଷ୍ଣୁ ପୁରାଣରେ କିପରି ବର୍ଣ୍ଣନା କରାଯାଇଛି ? ଏହି ସଂଜ୍ଞାର ଗୁରୁତ୍ଵ କ’ଣ ?
Answer:
ବିଷ୍ଣ ପୁରାଣ ହେଉଛି ଭାରତର ଏକ ପୁରାତନ ଧର୍ମପୁସ୍ତକ । ଏଥିରେ ବର୍ଣ୍ଣିତ ଅଛି ଯେ ଯେଉଁ ଅଞ୍ଚଳ ଦକ୍ଷିଣରେ ଥିବା ମହାସାଗରର ଉତ୍ତରକୁ ଏବଂ ହିମାଳୟରର ଦକ୍ଷିଣକୁ ଅଛି- ତାହାକୁ ଭାରତ କୁହାଯାଏ । ଏହି ପୁରାଣରେ ଥିବା ଶ୍ଳୋକରୁ ଜଣାପଡ଼େ ଯେ ଏଠାକାର ଅଧିବାସୀ ହେଉଛନ୍ତି ଏକ ମହାନ ପୁରାତନ ରାଜା ଭରତଙ୍କ ପ୍ରଜାଙ୍କ ବଂଶଧର ଓ ଉତ୍ତରାଧିକାରୀ । ପୁରାଣରେ ମଧ୍ୟ ସମଗ୍ର ଉପମହାଦେଶର ଭୌଗୋଳିକ ବୈଶିଷ୍ଟ୍ୟ ବର୍ଣ୍ଣନା କରାଯାଇଛି । ଏହି ଦେଶର ସଂସ୍କୃତି, ପରମ୍ପରା ଓ ପ୍ରାକୃତିକ ଉତ୍ସ ଉପରେ ମଧ୍ୟ ପୁରାଣ ଆଲୋକପାତ କରିଅଛି ।
ଆସ, ଅନୁସନ୍ଧାନ କରିବା
Question 1.
ଚିତ୍ର ୫.୪ ମାନଚିତ୍ରରେ ଦିଆଯାଇଥିବା କୌଣସି ଅଞ୍ଚଳର ନାମ ଚିହ୍ନି ପାରିବ କି ? ଯାହା ବିଷୟରେ ତୁମେ ଶୁଣିଛ ସେଗୁଡ଼ିକର ତାଲିକା ପ୍ରସ୍ତୁତ କର ।
Answer:
ମୁଁ ଶୁଣିଥିବା କେତେକ ଅଞ୍ଚଳର ନାମ ନିମ୍ନରେ ପ୍ରଦାନ କରାଗଲା ।
(୧) ପାଞ୍ଚାଳ,
(୨) କାଶୀ,
(୩)ଅଙ୍ଗ,
(୪) ବଙ୍ଗ,
(୫) କୋଶଳ,
(୬) ଚେଦି,
(୭) କଳିଙ୍ଗ,
(୮) ଚୋଳ,
(୯) ପାଣ୍ଡ୍ଯ,
(୧୦) ମତ୍ସ୍ୟ ।
Question 2.
ଚିତ୍ର ୫.୫ରେ ଥିବା ମୂଳ ସମ୍ବିଧାନର ପ୍ରଥମ ପୃଷ୍ଠାର ଏହି ପୁନଃପ୍ରକାଶନରେ ତୁମେ ଇଣ୍ଡିଆ ଅର୍ଥାତ୍ ଭାରତ ଶବ୍ଦ ବାହାର କରିପାରିବ କି ?
Answer:
ଭାରତ ସମ୍ବିଧାନର ପ୍ରଥମ ପୃଷ୍ଠାର ଧାରା ୧ ରେ ଲେଖାଯାଇଛି, ଇଣ୍ଡିଆ ଅର୍ଥାତ୍ ଭାରତ ଏକ ରାଜ୍ୟମାନଙ୍କର ସଙ୍ଘ ।
Question 3.
ବିଭିନ୍ନ ଭାଷା ଅନୁସାରେ ଭାରତର ବିଭିନ୍ନ ନାମ ଲେଖୁ ଏହି ସାରଣୀକୁ ତୁମେ ସମ୍ପୂର୍ଣ୍ଣ କରିପାରିବ କି ? (ପ୍ରଶ୍ନ ସହିତ ଉତ୍ତର)
Answer:
| ପର୍ସିଆନ | ହିନ୍ଦ୍, ହିନ୍ଦୁ, ହିନ୍ଦୁ |
| ଗ୍ରୀକ | ଇଣ୍ଡୋଇ, ଇଣ୍ଡିକେ |
| ଲାଟିନ୍ | ଇଣ୍ଡିଆ |
| ଚାଇନିଜ | ୟିଣ୍ଡୁ, ୟିନ୍ଦୁ |
| ଆରବୀ ଓ ପାର୍ସି | ହିନ୍ଦ୍, ହିନ୍ଦୁସ୍ଥାନ |
| ଇଂରାଜୀ | ଇଣ୍ଡିଆ |
| ଫ୍ରେଞ୍ଚ | ଇଣ୍ଡ |
ଏହା ବିଷୟରେ ଚିନ୍ତାକର :
Question 1.
ଅଧ୍ୟାୟ ଆରମ୍ଭରେ ଭାରତୀୟ ଉପମହାଦେଶର ଭୌତିକ ମାନଚିତ୍ର ଉପରେ ବିଚାର କରାଯାଉ । ଏହାର ପ୍ରାକୃତିକ ସୀମାଗୁଡ଼ିକ କ’ଣ ଯାହା ତୁମେ ତିଆରି କରିପାରିବ ।
Answer:
ଭାରତର ଭୌଗୋଳିକ ଅବସ୍ଥିତିକୁ ଅବଲୋକନ କଲେ ଦେଖିବାକୁ ମିଳେ ଯେ ଏହାର ଚାରିପଟେ ପ୍ରାକୃତିକ ସୁରକ୍ଷା ବଳୟ ରହିଅଛି । ଏହାର ପୂର୍ବ, ପଶ୍ଚିମ ଓ ଦକ୍ଷିଣ ଦିଗରେ ସମୁଦ୍ର ଘେରି ରହିଅଛି । ଏହାର ଉତ୍ତରରେ ହିମାଳୟ ଓ ହିନ୍ଦୁକୁଶ ପାର୍ବତ୍ୟମାଳା ରହିଅଛି ।
Question 2.
ତୁମେ ହିମାଳୟକୁ ଚିହ୍ନଟ କରିଛ କି ? ଭାରତର ଏହି ସଂକ୍ଷିପ୍ତ ବର୍ଣ୍ଣନା ଠିକ୍ ବୋଲି ତୁମେ ଭାବୁଛ କି ?
Answer:
ବିଷ୍ଣ ପୁରାଣର ବର୍ଣ୍ଣନା ଅନୁସାରେ ତୁଷାର ଆଚ୍ଛାଦିତ ପର୍ବତମାଳା ହିମାଳୟର ଦକ୍ଷିଣରେ ଏବଂ ସମୁଦ୍ରର ଉତ୍ତରରେ ଭାରତବର୍ଷ ଅବସ୍ଥିତ । ସୁତରାଂ ଭାରତର ଉତ୍ତର ପାର୍ଶ୍ଵ ସୁଉଚ୍ଚ ପର୍ବତ ହିମାଳୟଦ୍ଵାରା ଏବଂ ଦକ୍ଷିଣ ପାର୍ଶ୍ଵ ସମୁଦ୍ରଦ୍ଵାରା ସୁରକ୍ଷିତ ରହିଛି ।
ଅତିସଂକ୍ଷିପ୍ତ ଉତ୍ତରମୂଳକ ପ୍ରଶ୍ନୋତ୍ତର
Question 1.
ଋଗ୍ବେଦ କ’ଣ ?
Answer:
ଭାରତବର୍ଷର ସର୍ବପୁରାତନ ବେଦ ହେଉଛି ଋଗ୍ବେଦ ଯାହାକି ଅନେକ ହଜାର ବର୍ଷତଳେ ଲେଖାଯାଇଥିଲା ।
Question 2.
କେଉଁ ଅଞ୍ଚଳ ‘ସପ୍ତ ସିନ୍ଧକ’ ନାମରେ ପରିଚିତ ?
Answer:
ଭାରତୀୟ ଉପମହାଦେଶର ଉତ୍ତର-ପଶ୍ଚିମ ଅଞ୍ଚଳ ‘ସପ୍ତ ସିନ୍ଧକ’ ନାମରେ ପରିଚିତ । ଏହା ସାତୋଟି ନଦୀର ଭୂମି ଅଟେ ।
Question 3.
ମହାଭାରତରେ ବର୍ଣ୍ଣିତ ଯେକୌଣସି ତିନୋଟି ଅଞ୍ଚଳର ନାମ ଲେଖ ।
Answer:
ମହାଭାରତରେ ବର୍ଣ୍ଣିତ ତିନୋଟି ଅଞ୍ଚଳ ହେଉଛି କାଶ୍ମୀର, ବଙ୍ଗ ଏବଂ କଚ୍ଛ ।
Question 4.
ସମ୍ପୂର୍ଣ୍ଣ ଭାରତୀୟ ଉପମହାଦେଶର ନାମ ପ୍ରଥମେ କେଉଁଠି ଉଲ୍ଲେଖ ଥିଲା ?
Answer:
ସମଗ୍ର ଭାରତୀୟ ଉପମହାଦେଶର ନାମ ମହାଭାରତରେ ପ୍ରଥମେ ଉଲ୍ଲେଖ ଥିଲା ।
Question 5.
ମହାଭାରତରେ ଭାରତୀୟ ଉପମହାଦେଶକୁ ବର୍ଣ୍ଣନା କରିବାରେ ବା ନାମିତ କରିବାରେ କେଉଁ ଦୁଇଟି ଶବ୍ଦ ବ୍ୟବହାର କରାଯାଇଥିଲା ?
Answer:
ମହାଭାରତରେ ଭାରତୀୟ ଉପମହାଦେଶକୁ ବର୍ଣ୍ଣନା ବା ନାମିତ କରିବାରେ ବ୍ୟବହୃତ ଦୁଇଟି ଶବ୍ଦ ହେଉଛି ଯଥା— ‘ଭାରତବର୍ଷ’ ଏବଂ ଜମ୍ବୁଦ୍ଵୀପ ।
Question 6.
‘ଭାରତବର୍ଷ’ କହିଲେ କ’ଣ ବୁଝ ?
Answer:
ଭାରତବର୍ଷ କହିଲେ ଭାରତ ଦେଶକୁ ବୁଝାଏ ।
Question 7.
ଜମ୍ବୁଦ୍ଵୀପ କହିଲେ କ’ଣ ବୁଝ ?
Answer:
‘ଜମ୍ବୁଦ୍ଵୀପ’ କହିଲେ ଜାମୁକୋଳି ଗଛର ଦ୍ଵୀପକୁ ବୁଝାଏ । ଏହି ଦେଶରେ ପ୍ରଚୁର ଜାମୁଗଛ ଥିବାରୁ ଏପରି ନାମକରଣ କରାଯାଇଛି ।
Question 8.
ଭାରତୀୟ ଉପମହାଦେଶକୁ କେଉଁ ସମ୍ରାଟ ଜମ୍ବୁଦ୍ୱୀପ ବୋଲି ବର୍ଣ୍ଣନା କରିଥିଲେ ?
Answer:
ମହାନ୍ ମୌର୍ଯ୍ୟ ସମ୍ରାଟ ଅଶୋକ ଭାରତୀୟ ଉପମହାଦେଶକୁ ଜମ୍ବୁଦ୍ଵୀପ ବୋଲି ବର୍ଣ୍ଣନା କରିଥିଲେ ।
Question 9.
ପାରସ୍ୟର ଅଧ୍ଵବାସୀମାନେ ଭାରତକୁ କେଉଁ ନାମରେ ଡାକୁଥିଲେ ?
Answer:
ପାରସ୍ୟର ଅଧିବାସୀମାନେ ଭାରତକୁ ହିନ୍ଦ୍, ହିନ୍ଦୁ କିମ୍ବା ହିନ୍ଦୁ ବୋଲି ଡାକୁଥିଲେ । ସେମାନେ ‘ସିନ୍ଧୁ’ ଶବ୍ଦର ସଠିକ୍ ଉଚ୍ଚାରଣ ନ କରିପାରି ଏପରି କହୁଥିଲେ ।
Question 10.
ପ୍ରାଚୀନ ଗ୍ରୀକ୍ ଭାରତକୁ କେଉଁ ନାମରେ ସମ୍ବୋଧନ କରୁଥିଲେ ?
Answer:
ପ୍ରାଚୀନ ଗ୍ରୀକ୍ମାନେ ଭାରତକୁ ଇଣ୍ଡୋଇ ବା ଇଣ୍ଡିକେ ନାମରେ ସମ୍ବୋଧନ କରୁଥିଲେ ।
Question 11.
ଚୀନାମାନେ ଭାରତକୁ କେଉଁ ନାମରେ ନାମିତ କରିଥିଲେ ?
Answer:
ଚୀନମାନେ ଭାରତକୁ ୟିଣ୍ଟୁ ବା ୟିନ୍ଦୁ ନାମରେ ନାମିତ କରିଥିଲେ ।
Question 12.
କେବେ ‘ହିନ୍ଦୁସ୍ତାନ’ ଶବ୍ଦଟି ଭାରତକୁ ବର୍ଣ୍ଣନା କରିବା ପାଇଁ ବ୍ୟବହୃତ ହୋଇଥିଲା ?
Answer:
ପ୍ରାୟ ୧୮୦୦ ବର୍ଷ ତଳେ, ହିନ୍ଦୁସ୍ତାନ ଶବ୍ଦଟି ଏକ ପାର୍ସି ଶିଳାଲେଖରେ ଭାରତକୁ ବର୍ଣ୍ଣନା କରିବାପାଇଁ ବ୍ୟବହୃତ ହୋଇଥିଲା ।
Question 13.
ଭାରତୀୟ ସମ୍ବିଧାନ ପ୍ରଥମେ କେଉଁ ଭାଷାରେ ଲେଖାଯାଇଥିଲା ?
Answer:
ଭାରତୀୟ ସମ୍ବିଧାନ ପ୍ରଥମେ ଇଂରାଜୀ ଭାଷାରେ ଲେଖାଯାଇଥିଲା ।
Question 14.
ଭାରତୀୟ ସମ୍ବିଧାନ କେଉଁ ନାମରେ ଭାରତକୁ ସମ୍ବୋଧନ କରିଅଛି ?
Answer:
ଭାରତୀୟ ସମ୍ବିଧାନ ଦେଶକୁ ଇଣ୍ଡିଆ ଅର୍ଥାତ୍ ଭାରତ ବୋଲି ସୂଚିତ କରିଛି ।
Question 15.
ହିନ୍ଦୀ ଭାଷାରେ ସମ୍ବିଧାନରେ ଭାରତକୁ କେଉଁ ନାମରେ ବର୍ଣ୍ଣନା କରାଯାଇଛି ?
Answer:
ହିନ୍ଦୀ ଭାଷାରେ ସମ୍ବିଧାନରେ ଭାରତକୁ ଭାରତ ଅର୍ଥାତ୍ ଇଣ୍ଡିଆ ବୋଲି ବର୍ଣ୍ଣନା କରାଯାଇଛି ।
ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନୋତ୍ତର
Question 1.
ଆମେ ଭାରତର ସଂଜ୍ଞା କିପରି ନିରୂପଣ କରିବା ?
Answer:
ଭାରତ ଏକ ବୃହତ୍ ପ୍ରାଚୀନ ଦେଶ ଯାହାର ଗୌରବମୟ ଅତୀତ, ଉଚ୍ଚ ସଂସ୍କୃତି ଏବଂ ଆଧ୍ୟାତ୍ମିକ ଇତିହାସ ପ୍ରାୟ ହଜାର ହଜାର ବର୍ଷ ତଳର ଯାହାକି ବୈଦିକ ଯୁଗ ଓ ସିନ୍ଧୁ ସଭ୍ୟତାଠାରୁ ଆରମ୍ଭ ହୋଇଛି ।
Question 2.
ଭାରତର ପୁରାତନ ନାମଗୁଡ଼ିକ କ’ଣସବୁ ଥିଲା ?
Answer:
ଭାରତର ପୁରାତନ ନାମଗୁଡ଼ିକ ଥିଲା ଯଥା ଭାରତବର୍ଷ, ଜମ୍ବୁଦୀପ ଓ ଭାରତ ।
Question 3.
‘ଭାରତବର୍ଷ’ ଏବଂ ‘ଜମ୍ବୁଦ୍ଵୀପ’ ଏହି ଦୁଇଟି ଶବ୍ଦର ଅର୍ଥ କ’ଣ ଅଟେ ?
Answer:
‘ଭାରତବର୍ଷ’ ଶବ୍ଦର ଅର୍ଥ ହେଉଛି ଭରତଙ୍କ ଭୂମି । ଭାରତର କିମ୍ବଦନ୍ତୀ ସମ୍ରାଟ ଭରତଙ୍କ ନାମ ଅନୁସାରେ ଏହି ଦେଶର ନାମ ଭାରତବର୍ଷ ରଖାଯାଇଛି । ମହାଭାରତ ଏବଂ ବିଷ୍ଣୁ ପୁରାଣରେ ମଧ୍ୟ ଏହି ନାମ ବର୍ଣ୍ଣିତ ହୋଇଛି । ଏହି ନାମ ପ୍ରଥମେ ସର୍ବପୁରାତନ ବେଦ ଋଗ୍ଵେଦରେ ଉଲ୍ଲେଖ କରାଯାଇଛି । ସେହିପରି ଭାରତକୁ ମଧ୍ୟ ଜମ୍ବୁଦ୍ଵୀପ କୁହାଯାଏ କାରଣ ଏହି ଦେଶର ବଣ ଜଙ୍ଗଲ ଏବଂ ପାହାଡ଼ ପର୍ବତରେ ପ୍ରଚୁର ପରିମାଣରେ ଜାମୁକୋଳି ଗଛ ଦେଖିବାକୁ ମିଳେ । ସୁତରାଂ ଭାରତବର୍ଷ ଓ ଜମ୍ବୁଦ୍ଵୀପ କହିଲେ ଭାରତକୁ ହିଁ ବୁଝାଏ ।
Question 4.
ଜମ୍ବୁଦ୍ଵୀପ କିପରି ଭାରତୀୟ ଉପମହାଦେଶକୁ ବୁଝାଏ ?
Answer:
ଜାମୁକୋଳି ଗଛ ଭାରତୀୟ ଉପମହାଦେଶରେ ସାଧାରଣଭାବେ ସର୍ବତ୍ର ଦେଖିବାକୁ ମିଳେ । ସୁତରାଂ ଏହି ଦେଶକୁ ଜମ୍ବୁଦ୍ଵୀପ ବୋଲି ଆଖ୍ୟା ଦିଆଯାଇଛି ।
ସମ୍ରାଟ ଅଶୋକ ମଧ୍ୟ ଭାରତକୁ ଜମ୍ବୁଦ୍ଵୀପ ବୋଲି ତାଙ୍କ ଅଭିଲେଖରେ ଉଲ୍ଲେଖ କରିଛନ୍ତି ।
Question 5.
କେଉଁ ପ୍ରଥମ ବୈଦେଶିକମାନେ ଭାରତ ବିଷୟରେ ଉଲ୍ଲେଖ କରିଥିଲେ ? ସେମାନେ ଭାରତର କେଉଁ ତିନୋଟି ନାମ ଦେଇଛନ୍ତି ?
Answer:
ଭାରତ ବିଷୟରେ ଉଲ୍ଲେଖ କରିଥିବା ପ୍ରଥମ ବୈଦେଶିକମାନେ ଥିଲେ ପାରସ୍ୟର ଅଧିବାସୀ । ଖ୍ରୀ.ପୂ. ୫୩୫ରେ ପାରସ୍ୟର ସମ୍ରାଟ ସାଇରସ୍ ଭାରତକୁ ଆକ୍ରମଣ କରି ଉତ୍ତର-ପଶ୍ଚିମରେ ଥିବା ସିନ୍ଧୁନଦୀର ଅବବାହିକା ଅଞ୍ଚଳକୁ ଅଧିକାର କରିଥିଲେ । ସେମାନେ ସିନ୍ଧୁ ନଦୀକୁ ‘ହିନ୍ଦ୍’ ବୋଲି ସମ୍ବୋଧନ କରିବା ଫଳରେ ଭାରତ ନାମକୁ ହିନ୍ଦ୍, ହିନ୍ଦୁ କିମ୍ବା ହିନ୍ଦୁ ବୋଲି ବିବେଚନା କଲେ । ପାରସିକମାନେ ଭାରତକୁ ଏହି ତିନୋଟି ନାମ ଦେଇଥିଲେ ।
Question 6.
ତିଆଟୁ ଶବ୍ଦର ଅର୍ଥ କ’ଣ ? ଏହା କେଉଁ ଭାରତୀୟ ଶବ୍ଦରୁ ଉଦ୍ଧୃତ ହୋଇଛି ? ଏହି ଶବ୍ଦ କ’ଣ ସୂଚନା ଦେଇଛି ?
Answer:
ତିଆଟୁ ଶବ୍ଦର ଅର୍ଥ ହେଉଛି ଦିବ୍ୟଗୁରୁ । ଏହା ସିନ୍ଧୁ ଶବ୍ଦରୁ ଆନୀତ ହୋଇଅଛି । ଏହା ସୂଚନା ଦେଉଛି ଯେ ପୁରାତନ ଚୀନ୍ ଅଧିବାସୀମାନେ ଭାରତକୁ ସମ୍ମାନପୂର୍ଣ୍ଣ ଦୃଷ୍ଟିରେ ଦେଖୁଥିଲେ ।
Question 7.
ହୁଏନ୍ସାଂ କିଏ ଥିଲେ ? ସେ କେବେ ଭାରତ ଆସିଥିଲେ ?
Answer:
ଉଦ୍ଭ ହୁଏନ୍ସାଂ ଥିଲେ ଚୀନର ଜଣେ ବୌଦ୍ଧ ସନ୍ୟାସୀ । ସେ ଭାରତକୁ ସପ୍ତମ ଶତାବ୍ଦୀରେ ଆସିଥିଲେ । ସେ ଭାରତର ଅନେକ ବୌଦ୍ଧ ସ୍ଥଳ ପରିଭ୍ରମଣ କରି ବହୁତ ତଥ୍ୟ ସଂଗ୍ରହ କରି ଚୀନକୁ ପ୍ରତ୍ୟାବର୍ତ୍ତନ କରିଥିଲେ ।
ନିର୍ଦ୍ଦିଷ୍ଟ ଉତ୍ତରମୂଳକ ପ୍ରଶ୍ନୋତ୍ତର
ଶୂନ୍ୟସ୍ଥାନ ପୂରଣ କର ।
Question 1.
ଭାରତର ଅନ୍ୟନାମଟି ______________ ଅଟେ ।
Answer:
ଭାରତ
Question 2.
ଭାରତ ସହ ପାକିସ୍ତାନ, ବାଲଂଲାଦେଶ ଓ ଆଫଗାନିସ୍ତାନର କେତେକ ଅଂଶ ମିଶି ____________ ନାମରେ ପରଚିତ ଥିଲେ ।
Answer:
ଭାରତୀୟ ଉପମହାଦେଶ
Question 3.
____________ ବେଦରେ ଭାରତକୁ ସପ୍ତ ସିନ୍ଧବ ବା ସାତଟି ନଦୀର ଭୂମି ବୋଲି ବର୍ଣ୍ଣନା କରାଯାଇଛି ।
Answer:
ଋକ୍ବେଦ
Question 4.
ଇଣ୍ଡସ ନଦୀ କହିଲେ _____________ ନଦୀକୁ ବୁଝାଏ ।
Answer:
ସିନ୍ଧୁ
Question 5.
ସିନ୍ଧୁ ଅଞ୍ଚଳଟି ଭାରତର __________ ଦିଗରେ ଅଛି ।
Answer:
ଉତ୍ତର-ପଶ୍ଚିମ
Question 6.
___________ ପୁରାଣରେ ଭାରତର ନାମ ଭାରତବର୍ଷ ଓ ଜମ୍ବୁଦ୍ଵୀପ ଭାବେ ବର୍ଣ୍ଣିତ ଅଛି ।
Answer:
ମହାଭାରତ
Question 7.
ଭାରତବର୍ଷର ନାମକରଣ ରାଜା ___________ ଙ୍କ ନାମ ଅନୁସାରେ ନାମିତ ହୋଇଛି ।
Answer:
ଭରତ
Question 8.
ଜମ୍ବୁଦ୍ଵୀପର ଅର୍ଥ ହେଉଛି ______________ ଦ୍ଵୀପ ।
Answer:
ଜାମୁକୋଳି ଗଛର
Question 9.
ଭାରତର ଜଣେ ସମ୍ରାଟ ___________ ଙ୍କ ଏକ ଶିଳାଲିପିରେ ଜମ୍ବୁଦ୍ଵୀପର ନାମ ଉଲ୍ଲେଖ କରାଯାଇଛି ।
Answer:
ଅଶୋକ
Question 10.
ଦକ୍ଷିଣ ଭାରତରେ ଭାରତର ନାମ ________________ ଲେଖାଯାଇଛି ।
Answer:
ଭାରତମ୍
Question 11.
ସିନ୍ଧୁ ଶବ୍ଦକୁ ହିନ୍ଦ, ହିନ୍ଦୁ କି ହିନ୍ଦୁ ରୂପରେ _____________ ଭାଷାରେ ଲିଖୁ ଥିବାର ଦେଖିବାକୁ ମିଳିଥିଲା ।
Answer:
ପାର୍ସୀ
Question 12.
ପ୍ରାଚୀନ ___________ ଲୋକ ସିନ୍ଧୁ ଅଞ୍ଚଳକୁ ଇଣ୍ଡୋଇ ବା ଇଣ୍ଡିକୋ ନାମରେ ଲେଖୁଥିଲେ ।
Answer:
ଗ୍ରୀକ୍
Question 13.
ଚାଇନିଜ ଶବ୍ଦ ତିଆଟୁର ଅର୍ଥ ______________ ଅଟେ ।
Answer:
ଦିବ୍ୟଗୁରୁ
Question 14.
ଜୁଆନଜାଙ୍ଗ ଭାରତରେ ______________ ନାମରେ ପରିଚିତ ।
Answer:
ହୁଏନ୍ସାଂ
Question 15.
_____________ ବର୍ଷ ପୂର୍ବେ ଏକ ପାର୍ସୀ ଶିଳାଲେଖରେ ହିନ୍ଦୁସ୍ତାନ ନାମ ବ୍ୟବହୃତ ହୋଇଥିଲା ।
Answer:
୧୮୦୦
Question 16.
_______________ ଗଛ ଜମ୍ବୁଦ୍ଵୀପ ସହିତ ସଂଶ୍ଳିଷ୍ଟ ।
Answer:
ଜାମୁକୋଳି ଗଛ
Question 17.
ଚୀନାମାନେ ଭାରତପାଇଁ ବ୍ୟବହାର କରିଥିବା ନାମ _____________ ଅଟେ ।
Answer:
ଯିଣ୍ଟ ବା ୟିନ୍ଦୁ
Question 18.
‘ସପ୍ତ ସିନ୍ଧବ’ର ଅର୍ଥ _____________ ଅଟେ ।
Answer:
ସାତଟି ନଦୀର ଭୂମି
Question 19.
ହିନ୍ଦୁସ୍ତାନ ଶବ୍ଦ ପ୍ରଥମେ ______________ ଅଭିଲେଖରେ ବ୍ୟବହୃତ ହୋଇଥିଲା ।
Answer:
ପାର୍ସି
Question 20.
ଆରବ ସାଗର ଭାରତର _____________ ଦିଗରେ ଅବସ୍ଥିତ ।
Answer:
ପଶ୍ଚିମ
ଚାରୋଟି ବିକଳ୍ପ ଉତ୍ତର ମଧ୍ୟରୁ ଠିକ୍ ଉତ୍ତରଟି ବାଛି ଲେଖ ।
Question 1.
ତିଆଟୁ ଶବ୍ଦର ଅର୍ଥ କ’ଣ ?
(କ) ଦିବ୍ଯମୂର୍ତ୍ତି
(ଖ) ଦିବ୍ୟଗୁରୁ
(ଗ) ଦିବ୍ଯ ବ୍ରହ୍ମ
(ଘ) କୌଣସିଟି ନୁହେଁ
Answer:
(ଖ) ଦିବ୍ୟଗୁରୁ
Question 2.
ଚୀନ୍ ପରିବ୍ରାଜକ ଫାହିୟାନ କେଉଁ ରାଜାଙ୍କ ଶାସନ କାଳରେ ଭାରତକୁ ଆସିଥିଲେ ?
(କ) ଦ୍ଵିତୀୟ-ଚନ୍ଦ୍ରଗୁପ୍ତ
(ଖ) ଚନ୍ଦ୍ରଗୁପ୍ତ ମୌର୍ଯ୍ୟ
(ଗ) ହର୍ଷବର୍ଦ୍ଧନ
(ଘ) କନିଷ୍ଠ
Answer:
(କ) ଦ୍ଵିତୀୟ-ଚନ୍ଦ୍ରଗୁପ୍ତ
Question 3.
କେଉଁ ବୈଦେଶିକମାନେ ଭାରତକୁ ଇଣ୍ଡୋଇ ବା ‘ଇଣ୍ଡିକେ’ ଆଖ୍ୟା ଦେଇଥିଲେ ?
(କ) ଚୀନାମାନେ
(ଖ) ପାର୍ସୀମାନେ
(ଗ) ଜର୍ମାନମାନେ
(ଘ) ଗ୍ରୀକ୍ଳାମାନେ
Answer:
(ଘ) ଗ୍ରୀକ୍ଳାମାନେ
Question 4.
ସିନ୍ଧୁଶବ୍ଦକୁ ହିନ୍ଦ, ହିନ୍ଦୁ କିମ୍ବା ହିନ୍ଦୁ ରୂପେ କେଉଁ ଭାଷାରେ ଲେଖାଯାଇଥିଲା ?
(କ) ଗ୍ରୀକ୍
(ଖ) ଲାଟିନ
(ଗ) ପାର୍ସି
(ଘ) ଊର୍ଦ୍ଧ୍ବ
Answer:
(ଗ) ପାର୍ସି
Question 5.
କେଉଁ ଦେଶର ଗ୍ରନ୍ଥରେ ଭାରତକୁ ୟିଣ୍ଟୁ ବା ‘ୟିନ୍ଦୁ’ ବୋଲି ଲେଖାଯାଇଛି ?
(କ) ମିଶର
(ଖ) ଚୀନ
(ଗ) ମେସୋପଟାମିଆ
(ଘ) ଘାନା
Answer:
(ଖ) ଚୀନ
Question 6.
ଆମ ଦେଶର ସମ୍ବିଧାନର ହିନ୍ଦୀ ସଂସ୍କରଣରେ ନିମ୍ନୋକ୍ତ କେଉଁ କଥାଟି ଲେଖାଯାଇଛି ?
(କ) ଭାରତ ଅର୍ଥାତ୍ ଇଣ୍ଡିଆ
(ଗ) ସିନ୍ଧୁ ଅର୍ଥାତ୍ ଭାରତ
(ଖ) ଇଣ୍ଡିଆ ଅର୍ଥାତ୍ ଭାରତ
(ଘ) ସିନ୍ଧୁ ଅର୍ଥାତ୍ ଇଣ୍ଡିଆ
Answer:
(କ) ଭାରତ ଅର୍ଥାତ୍ ଇଣ୍ଡିଆ
Question 7.
ଭାରତର ନାମକୁ ଦକ୍ଷିଣ ଭାରତରେ କ’ଣ କୁହାଯାଏ ?
(କ) ଭାରତ
(ଖ) ମହାନ୍ ଭାରତ
(ଗ) ଭାରତମ୍
(ଘ) ହିନ୍ଦୁସ୍ଥାନ
Answer:
(ଗ) ଭାରତମ୍
Question 8.
ନିମ୍ନୋକ୍ତ କେଉଁ ପୁରାଣରେ ଭାରତ ବିଷୟରେ ବର୍ଣ୍ଣନା କରାଯାଇଛି ?
(କ) ସ୍କନ୍ଦ ପୁରାଣ
(ଖ) ବିଷ୍ଣୁ ପୁରାଣ
(ଗ) ଲକ୍ଷ୍ମୀ ପୁରାଣ
(ଘ) ରାମାୟଣ
Answer:
(ଖ) ବିଷ୍ଣୁ ପୁରାଣ
Question 9.
ନିମ୍ନୋକ୍ତ କେଉଁଟି ‘ଭାରତବର୍ଷ’ର ପ୍ରକୃତ ଅର୍ଥ ?
(କ) ଭରତ ଦେଶ
(ଖ) ଅନେକ ବର୍ଷର ଭାରତ
(ଗ) ଭାରତ ରାଷ୍ଟ୍ର
(ଘ) ଭରତଙ୍କ ଦେଶ
Answer:
(ଘ) ଭରତଙ୍କ ଦେଶ
Question 10.
ନିମ୍ନୋକ୍ତ କେଉଁଟି ଜମ୍ବୁଦ୍ଵୀପର ପ୍ରକୃତ ଅର୍ଥ ଅଟେ ?
(କ) ଜାମ୍ବବାନଙ୍କ ଦ୍ଵୀପ
(ଗ) ଯବାନମାନଙ୍କ ଦ୍ଵୀପ
(ଖ) ଜାମୁକୋଳି ଗଛର ଦ୍ଵୀପ
(ଘ) ଭାରତ ମହାସାଗରରେ ଥିବା ଦ୍ଵୀପ
Answer:
(ଖ) ଜାମୁକୋଳି ଗଛର ଦ୍ଵୀପ
Question 11.
ନିମ୍ନୋକ୍ତ କେଉଁ ବେଦରେ ‘ସପ୍ତ ସିନ୍ଧବ’ ବା ସାତଟି ନଦୀର ଭୂମି ଭାରତ ବିଷୟରେ ବର୍ଣ୍ଣନା କରାଯାଇଛି ?
(କ) ଋଗ୍ ବେଦ
(ଖ) ସାମ୍ବବେଦ
(ଗ) ଯଜୁର୍ବେଦ
(ଘ) ଅଥର୍ବ ବେଦ
Answer:
(କ) ଋଗ୍ ବେଦ
Question 12.
ହିମାଳୟ ପର୍ବତମାଳା ଭାରତର କେଉଁ ଦିଗରେ ଅବସ୍ଥିତ ?
(କ) ପୂର୍ବ
(ଖ) ପଶ୍ଚିମ
(ଗ) ଦକ୍ଷିଣ
(ଘ) ଉତ୍ତର
Answer:
(ଘ) ଉତ୍ତର
‘କ’ ସ୍ତମ୍ଭ ସହିତ ‘ଖ’ ସ୍ତମ୍ଭର ମିଳନ କର ।
| ‘କ’ ସ୍ତମ୍ଭ | ‘ଖ’ ସ୍ତମ୍ଭ |
| ବିଷ୍ଣ ପୁରାଣ | ଉତ୍ତର-ପଶ୍ଚିମ ଭାରତ |
| ସପ୍ତସିନ୍ଧବ | ଆଜିର ଆସାମ |
| ପ୍ରାଗ୍ତିଷ | ଭାରତ |
| ବିଷ୍ଣୁ ପୁରାଣ | ପ୍ରାଗ୍ତିଷ |
| ମହାଭାରତ | ହିମାଳୟ |
| ତୁଷାର ଆଚ୍ଛାଦିତ ପର୍ବତ | ଜମ୍ବୁଦ୍ବୀପ |
Answer:
| ‘କ’ ସ୍ତମ୍ଭ | ‘ଖ’ ସ୍ତମ୍ଭ |
| ବିଷ୍ଣ ପୁରାଣ | ଭାରତ |
| ସପ୍ତସିନ୍ଧବ | ଉତ୍ତର-ପଶ୍ଚିମ ଭାରତ |
| ପ୍ରାଗ୍ତିଷ | ଆଜିର ଆସାମ |
| ମହାଭାରତ | ଜମ୍ବୁଦ୍ବୀପ |
| ତୁଷାର ଆଚ୍ଛାଦିତ ପର୍ବତ । | ହିମାଳୟ |