Go through BSE Odisha Class 8 Science Notes Odia Medium and Class 8 Science Chapter 10 Notes Odia Medium ଆଲୋକ: ଦର୍ପଣ ଓ ଲେନ୍ସ to understand important concepts and topics more clearly.
8th Class Science Chapter 10 Notes Odia Medium
BSE Odisha Class 8 Science Chapter 10 Notes Odia Medium
ବିଷୟଭିଭିକ ସୂଚନା ଓ ବିଶ୍ଳେଷଣ
ସମତଳ ଦର୍ପଣ – ଯେଉଁ ଦର୍ପଣର ପ୍ରତିଫଳନ ପୃଷ୍ଠ ସମତଳ, ତାହାକୁ ସମତଳ ଦର୍ପଣ କହନ୍ତି । ସମତଳ ଦର୍ପଣରେ ଗଠିତ କୌଣସି ବସ୍ତର ପ୍ରତିବିମ୍ବ ସଳଖ, ଆଭାସୀ ଏବଂ ସମାନ ହୋଇଥାଏ । ଏଥିରେ ପ୍ରତିବିମ୍ବ ପାର୍ଶ୍ଵ ପରିବର୍ତ୍ତନ କରିଥାଏ ।
ବର୍ତ୍ତୁଳ ଦର୍ପଣ (Spherical Mirror)
କାର୍ଯ୍ୟ – ୧ : ଆସ ଅନ୍ଵେଷଣ କରିବା
କାର୍ଯ୍ୟପ୍ରଣାଳୀ : ଚକଚକିଆ ଧାତୁ ଚାମଚ ନିଆଯାଉ ଏବଂ ଏହାର ବକ୍ର ପୃଷ୍ଠକୁ ମୁହଁ ପାଖରେ ଧରି ରଖାଯାଉ । ଏଥିରେ ପ୍ରତିବିମ୍ବ ଦେଖିପାରିବା ।
ମୁହଁର ପ୍ରତିବିମ୍ବକୁ ଲକ୍ଷ୍ୟ କଲେ ଏହା ଏକ ସମତଳ ଦର୍ପଣରେ ଦେଖାଯାଉଥିବା ପ୍ରତିବିମ୍ବଠାରୁ ଭିନ୍ନ ଅଟେ । ପ୍ରତିବିମ୍ବକୁ ପର୍ଯ୍ୟବେକ୍ଷଣ କରିବା ସମୟରେ ଚାମଚକୁ ଧୀରେ ଧୀରେ ମୁହଁଠାରୁ ଦୂରେଇ ନେଲେ ।
ଚିତ୍ର ଏକ ଧାତବ ଚାମଚରେ ଏହାର (କ) ଅନ୍ତଃବକୁ ପୃଷ୍ଠରୁ ଗଠିତ ପ୍ରତିବିମ୍ବ; (ଖ) ବାହ୍ୟ ବକ୍ର ପୃଷ୍ଠରୁ
ପର୍ଯ୍ୟବେକ୍ଷଣ : ଆମେ ଦେଖୁବା ଯେ, ଚକଚକିଆ ଧାତୁ ଚାମଚ, ଏକ ଦର୍ପଣ ପରି କାର୍ଯ୍ୟ କରିଥିଲା ଏବଂ ଏଥିରେ ପ୍ରତିବିମ୍ବ ଦେଖୁରିଲୁ ?
ଚାମଚର ଭିତର ପାର୍ଶ୍ଵକୁ ଦେଖିଲେ ଏହା ଭିତରେ ଏକ ଖାଲୁଆ ଦେଖାଯାଉଛି, ଆମେ ନିଶ୍ଚିତ ହେବା ଯେ, ପ୍ରତିବିମ୍ବଟି ଓଲଟା (inverted) ଦେଖାଯାଏ । ଚାମଚର ବାହାର ପାର୍ଶ୍ଵକୁ ଦେଖିଲେ ବାହାର ପାର୍ଶ୍ଵ ଉଚ୍ଚ ହୋଇଛି, ଏହାର ପ୍ରତିବିମ୍ବ ସିଧା (erect) ଥୁଲା, କିନ୍ତୁ ଆକାରରେ ଛୋଟ ଦେଖାଯାଏ ।
ସିଦ୍ଧାନ୍ତ : ଚାମଚ ପରି ବକ୍ର ଦର୍ପଣ ମଧ୍ୟ ସ୍ଵତନ୍ତ୍ର ଭାବରେ ତିଆରି ହୋଇପାରିବ । ବର୍ତ୍ତୁଳ ଦର୍ପଣ (spherical mirror) ହେଉଛି ଏକ ସାଧାରଣ ପ୍ରକାର ବକ୍ର ଦର୍ପର ଯାହା ଏକ ଫମ୍ପା କାଚ ଗୋଲକର ଏକ ଅଂଶ । ଯେଉଁ ଦର୍ପଣଗୁଡ଼ିକର ପ୍ରତିଫଳକ ପୃଷ୍ଠ ବର୍ତ୍ତୁଳାକାର ହୋଇଥାଏ ସେଗୁଡ଼ିକ ବର୍ତ୍ତୁଳ ଦର୍ପଣ କୁହାଯାଏ । କହନ୍ତି ।
ଅବତଳ ଦର୍ପଣ – ଯେଉଁ ଦର୍ପଣର ପ୍ରତିଫଳନ ପୃଷ୍ଠ ଭିତର ଆଡ଼କୁ ବଙ୍କା ହୋଇଥାଏ ତାହାକୁ ଅବତଳ ଦର୍ପଣ କହନ୍ତି ।
ଉତ୍ତଳ ଦର୍ପଣ – ଯେଉଁ ବର୍ତ୍ତୁଳ ଦର୍ପଣର ପ୍ରତିଫଳନ ପୃଷ୍ଠ ବାହାରକୁ ବଙ୍କା ହୋଇଥାଏ, ତାହାକୁ ଉତ୍ତଳ ଦର୍ପଣ କହନ୍ତି । ବର୍ତ୍ତୁଳ ଦର୍ପଣ କିପରି ତିଆରି କରାଯାଏ :
ବର୍ତ୍ତୁଳ ଦର୍ପଣର ଆକୃତି ଏପରି ହୋଇଥାଏ ଯେ ଏହାକୁ ଏକ କାଳ୍ପନିକ ଫମ୍ପା ଗୋଲକର ଏକ ଅଂଶ ଭାବରେ ଚିନ୍ତା କରାଯାଏ । କିନ୍ତୁ ବର୍ତ୍ତୁଳ ଦର୍ପଣ ଏକ ଫମ୍ପା କାଚ ଗୋଲକଟିକୁ କାଟି ତିଆରି କରାଯାଏ ନାହିଁ । ଏକ ସମତଳ କାଚଖଣ୍ଡକୁ ଘଷି ଏବଂ ଚିକ୍କଣ (Polish) କରି ଏକ ବକ୍ରପୃଷ୍ଠର ଆକାରରେ ତିଆରି କରାଯାଏ । ଯଦି ଏକ ପ୍ରତିଫଳନ ପଲେପ (Coating) (ଆଲୁମିନିୟମର ଏକ ପତଳା ସ୍ତରପରି) ବାହ୍ୟ ବକ୍ର ପୃଷ୍ଠରେ ଲଗାଯାଏ, ତେବେ ତାହା ଏକ ଅବତଳ ଦର୍ପଣ ହୁଏ । ଯଦି ପ୍ରଲେପଟି ଭିତର ବଜ୍ରପୃଷ୍ଠରେ ଲଗାଯାଏ, ତେବେ ଉତ୍ତଳ ଦର୍ପଣ ଗଠିତ ହୁଏ ।
କାର୍ଯ୍ୟ ୨ : ଆସ ପାର୍ଥକ୍ୟ ଦେଖୁବା
ଟେବୁଲ ଉପରେ ପ୍ରତିଫଳନ ପୃଷ୍ଠ ଉପର ଆଡ଼କୁ ମୁହଁ କରିଥିବା ଅବତଳ ଏବଂ ଉତ୍ତଳ ଦର୍ପର ରଖାଯାଉ । ଏବେ ସେମାନଙ୍କୁ ପାର୍ଶ୍ଵରୁ ଦେଖିଲେ ପ୍ରତିଫଳନ ପୃଷ୍ଠ ଭିତରକୁ କିମ୍ବା ବାହାରକୁ ବଙ୍କା ଅଛି ।
ଆମେ କିପରି ଅବତଳ ଓ ଉତ୍ତଳ ଦର୍ପଣ ମଧ୍ଯରେ ପାର୍ଥକ୍ୟ ଜାଣିପାରିବା ?
ଉ-
ଅବତଳ ଦର୍ପଣର ପ୍ରତିଫଳକ ପୃଷ୍ଠ ଭିତର ଆଡ଼କୁ ବଙ୍କା ହୋଇଥାଏ । କିନ୍ତୁ ଉତ୍ତଳ ଦର୍ପଣର ପ୍ରତିଫଳକ ପୃଷ୍ଠ ବାହାରକୁ ବଙ୍କା ହୋଇଥାଏ । ପାର୍ଶ୍ଵରୁ ଦେଖୁ ଉତ୍ତଳ ଓ ଅବତଳ ବର୍ତ୍ତୁଳ ଦର୍ପଣର ଚିହ୍ନଟ ପ୍ରତିବିମ୍ବ ।
ଚିତ୍ର ବର୍ତ୍ତଳ ବର୍ପଣରେ ସୃଷ୍ଟି ହେଉଥିବା ପ୍ରତିବିମ୍ବଟୁଡ଼ିକର ଲକ୍ଷଣ କଣ ?
କାର୍ଯ୍ୟ ୩ : ଆସ ଅନ୍ଵେଷଣ କରିବା
ଅବତଳ ଓ ଉତ୍ତଳ ଦର୍ପଣରେ ଗଠିତ ପ୍ରତିବିମ୍ବଗୁଡ଼ିକର ତୁଳନା କରିବାପାଇଁ ପରୀକ୍ଷା : ଆବଶ୍ୟକୀୟ ଉପକରଣ : ଏକ ଅବତଳ ଦର୍ପଣ, ଏକ ଉତ୍ତଳ ଦର୍ପଣ, ଦୁଇଟି ଛୋଟ କାଠ ଖଣ୍ଡ କିମ୍ବା ପଦାର୍ଥ, ଏକ ଛୋଟ ଖେଲଣା କିମ୍ବା ଅନ୍ୟ ଏକ ବସ୍ତ ।
କାର୍ଯ୍ୟପ୍ରଣାଳୀ : ଗୋଟିଏ ଟେବୁଲ ଉପରେ ଦର୍ପଣ ଦୁଇଟିକୁ ଅବତଳ ବର୍ପଣ ଡାକ୍ତନ ଦର୍ପଣ ପାଖା ପାଖ୍ ସିଧା ସ୍ଥିତିରେ ରଖାଯାଉ ।
ବସ୍ତକୁ ସେମାନଙ୍କ ସମ୍ମୁଖରେ କିଛି ଦୂର ରେ ରଖାଯାଉ (3-4 ସେମି ଦୂରତାରେ) ।
ପ୍ରତ୍ୟେକ ଦର୍ପଣରେ ଆମେ ଭିନ୍ନ ଭିନ୍ନ ପ୍ରକାରର ପ୍ରତିବିମ୍ବ ଦେଖୁ ପାରିବା ।
ଅବତଳ ଦର୍ପଣରେ ପ୍ରତିବିମ୍ବ ଓଲଟା ଏବଂ ଉତ୍ତଳ ଦର୍ପଣରେ ଏହା ସଳଖ ଦେଖାଯିବ ।
ଚିତ୍ର ଏକ ହଳେ ଓ ଅବତଳ ବର୍ପଣ
ସମ୍ମୁଖରେ ରଖା ଯାଇଥିବା ଏକ ବହୁ (କ) ସ୍ଵଳ୍ପ ଦୂରତାରେ (ଖ) ଅଧିକ ଦୂରତାରେ
ଏବେ ଧୀରେ ଧୀରେ ବସ୍ତକୁ ଦର୍ପଣଠାରୁ ଦୂରକୁ ଘୁଞ୍ଚାଯାଉ (ଚିତ୍ର ୧୦.୫ ଖ) । ଉଭୟ ଦର୍ପଣରେ ଆମେ ପ୍ରତିବିମ୍ବଗୁଡ଼ିକର କ’ଣ ପରିବର୍ତ୍ତନ ଦେଖିବା ? ପ୍ରତିବିମ୍ବଗୁଡ଼ିକ କ୍ରମଶଃ ଛୋଟ ଦେଖାଯିବ ।
ପୁଣି, ଅବତଳ ଦର୍ପଣର ଖୁବ୍ ନିକଟରେ ଥିବା ବସ୍ତର ପ୍ରତିବିମ୍ବ ସଳଖ, ଆଭାସୀ ଓ ବଡ଼ ହେବ ଏବଂ ଦର୍ପଣ ଠାରୁ ବସ୍ତୁ ଦୂରେଇ ଗଲେ ପ୍ରତିବିମ୍ବ ଓଲଟା ଓ କ୍ରମଶଃ ସାନ ହେବାର ଦେଖାଯିବ ।
ଉତ୍ତଳ ଦର୍ପଣରେ ସର୍ବଦା ସାନ, ସଳଖ ଓ ଆଭାସୀ ପ୍ରତିବିମ୍ବ ସୃଷ୍ଟିହେବ । ବସ୍ତ ଉତ୍ତଳ ଦର୍ପଣଠାରୁ ଦୂରେଇଗଲେ ପ୍ରତିବିମ୍ବ ସାମାନ୍ୟ ଛୋଟ ହେବ ।
ସିଦ୍ଧାନ୍ତ : ଅବତଳ ଦର୍ପଣରେ, ଯେତେବେଳେ ବସ୍ତକୁ ଦର୍ପଣ ପାଖରେ ଅର୍ଥାତ୍ କମ୍ ଦୂରତାରେ ରଖାଯାଏ, ପ୍ରତିବିମ୍ବଟି ସିଧା ଦେଖାଯିବ କିନ୍ତୁ ଆକାରରେ ବସ୍ତୁଠାରୁ ବଡ଼ ହୋଇଥାଏ, ଅର୍ଥାତ୍ ବର୍ହିତ ହୋଇଥାଏ । ଯେତେବେଳେ ବସ୍ତକୁ ଦୂରକୁ ଘୁଞ୍ଚାଯାଏ, ପ୍ରତିବିମ୍ବଟି ଓଲଟା ହୋଇଯାଏ । ପ୍ରାରମ୍ଭରେ ପ୍ରତିବିମ୍ବଟି ଆକାରରେ ବଡ଼ ହୁଏ ଏବଂ ତା’ପରେ ଛୋଟ ହେବାକୁ ଲାଗେ ।
ଉତ୍ତଳ ଦର୍ପଣ କ୍ଷେତ୍ରରେ ପ୍ରତିବିମ୍ବଟି ସର୍ବଦା ସିଧା ହୋଇଥାଏ ଏବଂ ଉତ୍ତଳ ଦର୍ପଣଠାରୁ ଦୂରକୁ ଘୁଞ୍ଚାଇବା ଦ୍ଵାରା ପ୍ରତିବିମ୍ବର ଆକାର ସାମାନ୍ୟ
ବସ୍ତୁଠାରୁ ଛୋଟ ହୋଇଥାଏ । ବସ୍ତୁକୁ ହ୍ରାସ ପାଏ ।
ସମତଳ ଦର୍ପଣ ପରି ଅବତଳ ଦର୍ପଣ ଓ ଉତ୍ତଳ ଦର୍ପଣରେ ପ୍ରତିବିମ୍ବ ପାର୍ଶ୍ଵ ପରିବର୍ତ୍ତନ କରିଥାଏ ।
ଦର୍ପଣରେ ଗଠିତ କୌଣସି ବସ୍ତର ପ୍ରତିବିମ୍ବକୁ ଦେଖୁ ଆମେ ଦର୍ପଣଟି ସମତଳ, ଅବତଳ ବା ଉତ୍ତଳ ସହଜରେ ଜାଣିପାରିବା । ଯେପରି ଦର୍ପଣ ଉପରେ ଆଲୋକ ରଶ୍ମି, ଭିନ୍ନ ଏକ କୋଣରେ ପଡ଼ିବ । ଏହା ଦ୍ଵାରା ପ୍ରତିଫଳିତ ରଶ୍ମି ମଧ୍ଯ ସ୍ଥାନାନ୍ତରିତ ହୋଇ ତା’ର କୋଣ ପରିବର୍ତ୍ତନ କରିବ । ଭିନ୍ନ ଭିନ୍ନ କୋଣରେ ଦର୍ପଣରେ ଆଲୋକ ରଶ୍ମି ପକାଯାଉ ଏବଂ ଫ୍ରତିଫଳିତ ରଶ୍ମିର ଦିଗ ପରିବର୍ତ୍ତନ କିପରି ହୁଏ, ତାହା ନିରୀକ୍ଷଣ କରାଯାଉ । ଆଲୋକ ରଶ୍ମିକୁ ସାଧାରଣ ତୀରଯୁକ୍ତ ରେଖା ଦ୍ଵାରା ଅଙ୍କାଯାଏ । ଏହି ତୀରଯୁକ୍ତ ରେଖା ଆଲୋକର ଗତିପଥ ସୂଚାଏ, ଆଲୋକ ସର୍ବଦା ସରଳ ରେଖାରେ ଗତି କରେ ।
ସମତଳ ଦର୍ପଣର ଅବସ୍ଥାନକୁ ନେଇ ଏକ ରେଖା (ଚିତ୍ର ‘କ’) ଏକ ଦର୍ପଣରେ ଆପତିତ ପ୍ରତିଫଳିତ ରଶ୍ମିକୁ ନେଇ ରେଖା ଅଙ୍କନ କରାଯାଉ । ଦର୍ପଣ ଉପରେ ପଡ଼ିଥିବା ଆଲୋକ ରଶ୍ମିକୁ ଆପତିତ ରଶ୍ମି (incident ray) ବୋଲି କୁହାଯାଏ । ଦର୍ପଣରୁ ଫେରି ଆସୁଥିବା ଆଲୋକ ରଶ୍ମିକୁ ପ୍ରତିଫଳିତ ରଶ୍ମି (Reflected ray) କୁହାଯାଏ ।
ବର୍ତ୍ତମାନ ଦର୍ପଣକୁ ଅପସାରଣ କରାଯାଉ । ଯେଉଁ ସ୍ଥାନରେ ଆଲୋକ ରଶ୍ମି ପଡୁଥିଲା ସେହି ସ୍ଥାନରେ ଏକ ରେଖା ଅଙ୍କନ କର । ତାହାକୁ ଆପତିତ ରଶ୍ମି ବୋଲି ଧରାଯାଉ । ଯେଉଁ ସ୍ଥାନରେ ରଶ୍ମି ଦର୍ପଣ ଉପରେ ପଡ଼ୁଥିଲା ସେହି ବିନ୍ଦୁରୁ ଦର୍ପଣ ରହିଥିବା ରେଖା ସହ ୨୦ର ଏକ କୋଣ ସହ ସେହି ସ୍ଥାନରେ ଏକ ଲମ୍ବ ରେଖା ଅଙ୍କନ କରାଯାଉ । ଏହାକୁ ପ୍ରତିଫଳନ ପୃଷ୍ଠ ପ୍ରତି ପ୍ରତିଫଳନ ବିନ୍ଦୁରେ ଅଙ୍କିତ ଅଭିଲମ୍ବ (normal) କୁହାଯାଏ ।
ବିଜ୍ଞ (କ) ଆମେ ଚକ୍ଷୁ ଏବଂ ପ୍ରତିଚ୍ଛବି ଦେଇ ଆଙ୍କିବା (ଖ) ଅଙ୍କିବାରେ ଚିତ୍ର ଆଙ୍କିବା; (ଗ) ଆମେ ନୋଟ୍ ଏକ ପ୍ରତିଚ୍ଛବି କୋଟ ଆଙ୍କିବା (ଘ) କୋଟ ମାରିବା
ଅଭିଲମ୍ବ ଏବଂ ଆପତିତ ରଶ୍ମି ମଧ୍ୟରେ ଥିବା କୋଣକୁ ଆପତନ କୋଣ (i) କୁହାଯାଏ । ଅଭିଲମ୍ବ ଏବଂ ପ୍ରତିଫଳିତ ରଶ୍ମି ମଧ୍ୟରେ ଥିବା କୋଣକୁ ପ୍ରତିଫଳନ କୋଣ (r) କୁହାଯାଏ ।
ପର୍ଯ୍ୟବେକ୍ଷଣ :
ଚିତ୍ରରେ ଆପତନ କୋଣ ଓ ଏହାର ଅନୁରୂପ ପ୍ରତିଫଳନ କୋଣଗୁଡ଼ିକ ମାପିଲେ ସେଗୁଡ଼ିକ ସମାନ ହେବ ।
ଆପତନ କୋଣର ମାପ ପରିବର୍ତ୍ତନ କଲେ ପ୍ରତିଫଳନ କୋଣର ମାପ ବଦଳିବ ।
ଆପାତିତ ରଶ୍ମୀକୁ ଅଭିଲମ୍ବ ଦେଇ ଦର୍ପଣ ଉପରେ ପକାଇଲେ ପ୍ରତିଫଳିତ ରଶ୍ମି ମଧ୍ଯ ଅଭିଲମ୍ବ ଉପରେ ପଡ଼ିବ ।
ଉକ୍ତ କ୍ଷେତ୍ରରେ ଆପତନ କୋଣ = ପ୍ରତିଫଳନ କୋଣ = 0° ହେବ ।
ସାରଣୀ :
| କ୍ର.ନଂ. | ଆପତନ କୋଣ (i) | ପ୍ରତିଫଳନ କୋଣ (r) |
| 1. | 30° | 30° |
| 2. | 45° | 45° |
| 3. | 60° | 60° |
ସିଦ୍ଧାନ୍ତ : : ପରୀକ୍ଷାରୁ ଏହା ସ୍ପଷ୍ଟ ଯେ ଆଲୋକ ପ୍ରତିଫଳନ କ୍ଷେତ୍ରରେ ଉତ୍ପନ୍ନ ଆପତନ କୋଣ ଓ ଏହାର ଅନୁରୂପ ପ୍ରତିଫଳନ କୋଣ ଦୁଇଟିର ପରିମାଣ ସମାନ । ଏହା ଆଲୋକ ପ୍ରତିଫଳନର ଏକ ନିୟମ ।
କାର୍ଯ୍ୟ – ୫ : ଆସ ପରୀଷଣ କରିବା
ଶିକ୍ଷଣର ଲକ୍ଷ୍ୟ : ଆଲୋକ ପ୍ରତିଫଳନର ଦୁଇଟି ନିୟମ ଅନୁଧ୍ୟାନ କରିବା । କାର୍ଯ୍ୟ ୪ ପରି ସମାନ ବ୍ୟବସ୍ଥା ବ୍ୟବହାର କର । କିନ୍ତୁ ଏକ ଟେବୁଲ ଉପରେ ଏକ ଶକ୍ତ ଚାର୍ଟ ପେପର ରଖାଯାଉ । ଯେପରିକି ଏହାର କିଛି ଅଂଶ ଟେବୁଲର ଧାର ବାହାରକୁ ରହିବ । ଚାର୍ଟ ପେପର ଉପରେ ରଖାଯାଇଥିବା ଦର୍ପଣ ଉପରେ ଏକ ଆଲୋକ ରଶ୍ମି ପକାଇଲେ ବିସ୍ତାରିତ ଅଂଶରେ ପ୍ରତିଫଳିତ ରଶ୍ମି ପର୍ଯ୍ୟବେକ୍ଷଣ କରିବା
ଏବେ ଟେବୁଲର ଧାର ସହିତ ସିଟର ବିସ୍ତାରିତ ଅଂଶକୁ ବଙ୍କାଇଲେ ବିସ୍ତାରିତ ଅଂଶରେ ପ୍ରତିଫଳିତ ରଶ୍ମି ଦେଖୁ ।
ପର୍ଯ୍ୟବେକ୍ଷଣ : ଚାର୍ଟ ପେପରକୁ ପୁଣି ପୂର୍ବ ଭଳି ସମତଳ ରଖ ଏବଂ ପର୍ଯ୍ୟବେକ୍ଷଣ କରିବା ।
ଚାଟ ପେପର ବଙ୍କା ହେଲେ, ପ୍ରତିଫଳିତ ରଶ୍ମି ଅଦୃଶ୍ୟ ହୋଇଯାଏ କିନ୍ତୁ ପୁଣି ସମତଳ ହେଲେ, ପୁନର୍ବାର ଦେଖାଯାଏ । ଏହା ଦର୍ଶାଏ ଯେ ପ୍ରତିଫଳିତ ରଶ୍ମି ଓ ଆପତିତ ରଶ୍ମି ଏକ ସମତଳରେ ରହନ୍ତି ଚାର୍ଟ ପେପର ବଙ୍କା କରିବାଦ୍ଵାରା, ଏକ ନୂତନ ସମତଳ ସୃଷ୍ଟି ହୁଏ । ଏହି ସମତଳ ସଜ୍ଜୀକରଣ ଭାଙ୍ଗି ଥାଏ ।
ସିଦ୍ଧାନ୍ତ : ଆପତିତ ରଶ୍ମି ଆପତନ ବିନ୍ଦୁରେ ଦର୍ପଣର ଅଭିଲମ୍ବ ଏବଂ ପ୍ରତିଫଳିତ ରଶ୍ମି, ସମସ୍ତେ ସମାନ ସମତଳରେ ରହିଥାନ୍ତି, ଏହା
ପ୍ରତିଫଳନର ଆଉ ଏକ ନିୟମ ।
ବିଜୁ (କ) କାଗଜର ବିସ୍ତାରିତ ଅଂଶ ଉପରେ ଦୃଶ୍ୟମାନ ପ୍ରତିଫଳିତ ରଙ୍ଗି, (ଖ) କାଗଜର ବଙ୍ଗା ଅଂଶ ଉପରେ ପ୍ରତିଫଳିତ କର୍ଣ୍ଣ ଦୃଶ୍ୟ ନାହିଁ
1. ଆପତିତ ରଶ୍ମି (Incident Ray), ଅଭିଲମ୍ବ (Normal) ଏବଂ ପ୍ରତିଫଳିତ ରଶ୍ମି (Reflected Ray) ସମସ୍ତେ ଆପତନ ବିନ୍ଦୁରେ ଏକ ସମତଳରେ ଅବସ୍ଥାନ କରନ୍ତି ।
2. ଆପତନ କୋଣ (Angle of Incidence) ଓ ପ୍ରତିଫଳନ କୋଣ (Angle of Reflection) ପରସ୍ପର ସମାନ ।
ଆଲୋକ ପ୍ରତିଫଳନର ନିୟମଗୁଡ଼ିକ ଉଭୟ ସମତଳ ଦର୍ପଣ ଏବଂ ବର୍ତ୍ତୁଳ ଦର୍ପଣ ପାଇଁ ପ୍ରଯୁଜ୍ୟ ।
ଦେଖା ଯାଇଥିବା ଚିତ୍ରରେ ଦୁଇଟି କ୍ଷେତ୍ରରେ ଯଦି ଆପତିତ ରଶ୍ମି ଦିଗ ଭିନ୍ନ, ହେଲେ ମଧ୍ୟ ସେମାନେ ଦର୍ପଣ ଉପରେ ସମାନ ବିନ୍ଦୁରେ ପଡ଼ିଥାନ୍ତି, ତେଣୁ ଅଭିଲମ୍ବର ଦିଗ ସମାନ । ତଥାପି, ପ୍ରତିଫଳିତ ରଶ୍ମି ଦିଗ ଏପରି ଯେ, ଆପତିତ ରଶ୍ମି ଆପତିତ ରଶ୍ମି, ଆପତନ ବିନ୍ଦୁରେ ଅଭିଲମ୍ବ ଏବଂ ପ୍ରତିଫଳିତ ରଶ୍ମି ଉଭୟ କ୍ଷେତ୍ର ରେ ସମାନ ସମତଳରେ ରହିଥାଏ ।
କାର୍ଯ୍ୟ – ୬ : ଆସ ଅନ୍ଵେଷଣ କରିବା
ଶିକ୍ଷଣର ଲକ୍ଷ୍ୟ : ସମତଳ, ଉତ୍ତଳ ଓ ଅବତଳ ଦର୍ପଣରେ ସମାନ୍ତରାଳ ଆଲୋକରଶ୍ମି ଦ୍ଵାରା ପ୍ରତିଫଳ ନ
ପର୍ଯ୍ୟବେକ୍ଷଣ କରିବା :
ଆବଶ୍ୟକ ଉପକରଣ : ଏକ ସମତଳ ଦର୍ପଣ, ଏକ ଉତ୍ତଳ ଦର୍ପଣ, ଏକ ଅବତଳ ଦର୍ପଣ, ଧାରକ (stand), ଏକ ଟର୍ଚ, ଏକ ପାନିଆ, ପାନିଆକୁ ସିଧା ରଖୁବା ପାଇଁ କ୍ଲିପ୍ ସଂଗ୍ରହ କରାଯାଉ ।
ଗୋଟିଏ ଛିଦ୍ର ବଦଳରେ, ଏକାଧିକ ସମାନ୍ତରାଳ ଆଲୋକ ରଶ୍ମି ପାଇବା ପାଇଁ ପାନିଆର ଅନେକ ସ୍ଥାନକୁ ଖୋଲା ରଖାଯାଉ (ଚିତ୍ର ‘କ’) । ଆଲୋକର ଏକାଧ୍ଵ ସମାନ୍ତରାଳ ରଶ୍ମି ସମତଳ ଦର୍ପଣ, ଅବତଳ ଦର୍ପଣ ଏବଂ ଉତ୍ତଳ ଦର୍ପଣ ଉପରେ, ଅଲଗା ଅଲଗା କରି ପଡ଼ିବାକୁ ଦିଆଯାଉ । ପ୍ରତିଫଳିତ ରଶ୍ମି ଗୁଡ଼ିକୁ ପର୍ଯ୍ୟବେକ୍ଷଣ କରାଯାଉ (ଚିତ୍ର ‘ଖ’ ‘ଗ’ ଏବଂ ‘ଘ’) ।
ପର୍ଯ୍ୟବେକ୍ଷଣ : ଯେତେବେଳେ ଏକ ସମତଳ ଦର୍ପଣ ଉପରେ ଏକାଧ୍ଵ ସମାନ୍ତରାଳ ଆଲୋକ ରଶ୍ମି ପଡ଼ିଥାଏ, ସେତେବେଳେ ବହୁ ପ୍ରତିଫଳିତ ସମାନ୍ତରାଳ ରଶ୍ମି ମଧ୍ୟ ଦେଖାଯାଏ (ଚିତ୍ର ‘ଖ’) ।
କିନ୍ତୁ ଯେତେବେଳେ ଏକାଧ୍ଵକ ଆଲୋକ ରଶ୍ମି ଏକ ଅବତଳ ଦର୍ପଣ ଉପରେ ପଡ଼ିଥାଏ, ସେତେବେଳେ ବହୁ ପ୍ରତିଫଳିତ ରଶ୍ମି ନିକଟତର ହୁଅନ୍ତି, ସେମାନେ ସେତେବେଳେ ଏକ ବିନ୍ଦୁରେ ଏକତ୍ରିତ ହୁଅନ୍ତି (converge) (ଚିତ୍ର ‘ଗ’) ।
ଏକ ଉତ୍ତଳ ଦର୍ପଣ କ୍ଷେତ୍ରରେ ବହୁ ପ୍ରତିଫଳିତ ରଶ୍ମି ବିସ୍ତାରିତ ହୁଏ (diverge) (ଚିତ୍ର ‘ଘ’) ।
ଗଜଳ ଦର୍ପଣ
ଆଲୋକର ଏକାଧିକ ସମାନ୍ତରାଳ ଉଗ୍ନ (ଖ) ସମତଳ ବିପଣ ଉପରେ ପଡ଼ିଥାଏ (ଗ) ଅଳବଳ ଦମରେ ପନ୍ୟାସ (ଘ) ଜଜଳ ବନ ଉପରେ ପଢ଼ିଥାଏ ।
ସିଦ୍ଧାନ୍ତ : ବର୍ତ୍ତୁଳ ଦର୍ପଣ କ୍ଷେତ୍ରରେ ଯଦିଓ ପ୍ରତ୍ୟେକ ଆଲୋକ ରଶ୍ମୀ ପ୍ରତିଫଳନର ନିୟମ ପାଳନ କରେ, ବର୍ତ୍ତୁଳ ଦର୍ପଣର ବକ୍ର ପୃଷ୍ଠର ଆକୃତି ଉପରେ ନିର୍ଭର କରି ପ୍ରତିଫଳନ ପରେ ସମାନ୍ତରାଳ ରଶ୍ମିକୁ ଅବତଳ ଦର୍ପଣ ଏକତ୍ରିତ କରେ (converge) ଓ ଉତ୍ତଳ ଦର୍ପଣ ବିସ୍ତାରିତ/ ବିଚ୍ଛିନ୍ନ (diverge) କରିଥାଏ । ଏଣୁ ଅବତଳ ଦର୍ପଣକୁ ଅଭିସାରୀ ଦର୍ପଣ ଓ ଉତ୍ତଳ ଦର୍ପଣକୁ ଅପସାରୀ ଦର୍ପଣ କହନ୍ତି ।
ଯଦି ଆମେ କାର୍ଯ୍ୟରେ ଯାହା ଦେଖିଲୁ ତାହା ଆଙ୍କିବା, ତେବେ ଆମେ ନିମ୍ନରେ ଦେଖାଯାଇଥିବା ପରି ଚିତ୍ର ପାଇବା ।
କାର୍ଯ୍ୟ – ୭ : ଆସ ଅନ୍ଵେଷଣ କରିବା
ଶିକ୍ଷଣର ଲକ୍ଷ୍ୟ : ଅବତଳ ଦର୍ପଣ ଦ୍ଵାରା କେନ୍ଦ୍ରୀଭୂତ ସୂର୍ଯ୍ୟରଶ୍ମିର ତାପୀୟ ପ୍ରଭାବ ବିଷୟରେ ଜାଣିବା ।
ଗୋଟିଏ ଅବତଳ ଦର୍ପଣରେ ସୂର୍ଯ୍ୟରଶ୍ମୀଗୁଡ଼ିକୁ ପ୍ରତିଫଳିତ କରାଯାଇ ପ୍ରତିଫଳିତ ରଶ୍ମୀଗୁଡ଼ିକୁ ଗୋଟିଏ ବିନ୍ଦୁରେ କେନ୍ଦ୍ରୀଭୂତ କରାଗଲେ ଉକ୍ତ ବିନ୍ଦୁରେ ତାପ ଉତ୍ପନ୍ନ ହୁଏ, ଯାହା କାଗଜକୁ ପୋଡ଼ି ଦେଇପାରେ ।
ଏହା ଜାଣିବା ପାଇଁ ନିମ୍ନ ପରୀକ୍ଷାଟି କରାଯାଇପାରିବ –
କାର୍ଯ୍ୟ ପ୍ରଣାଳୀ :
ଏକ ଅବତଳ ଦର୍ପଣ ଏବଂ ପତଳା କାଗଜ କିମ୍ବା ଖବରକାଗଜର ଏକ ପୃଷ୍ଠା ନିଆଯାଉ ।
ଅବତଳ ଦର୍ପଣର ପ୍ରତିଫଳକ ପୃଷ୍ଠକୁ ସୂର୍ଯ୍ୟ ଆଡ଼କୁ ମୁହଁ କରି ଧରି ରଖାଯାଉ । ଦର୍ପଣ ଦ୍ଵାରା ପ୍ରତିଫଳିତ ସୂର୍ଯ୍ୟର ଆଲୋକକୁ କାଗଜ ପୃଷ୍ଠାରେ ପକାଯାଉ ।
ଚିତ୍ରରେ ଦର୍ଶାଯାଇଥିବା ପରି ଏକ ତୀକ୍ଷ୍ଣ ଉଜ୍ଜ୍ଵଳ ବିନ୍ଦୁ ପାଇବା ପାଇଁ, କାଗଜର ଦୂରତାକୁ ଘୁଞ୍ଚାଇ ସଜାଇ ରଖାଯାଉ ।
ପର୍ଯ୍ୟବେକ୍ଷଣ : ଦର୍ପଣ ଏବଂ କାଗଜକୁ କିଛି ମିନିଟ୍ ପାଇଁ ସ୍ଥିର ରଖାଯାଉ । କାଗଜ ଜଳିବାକୁ ଆରମ୍ଭ କରିବା ଦ୍ଵାରା ଧୂଆଁ ସୃଷ୍ଟି କରିବ ।
ଚିତ୍ର ଏକ ଅବତଳ ଦର୍ପଣ ବ୍ୟବହାର କରି ସୂର୍ଯ୍ୟକିରଣକୁ କାଗଜ ଉପରେ ଏକତ୍ରିତ କରିବା
ସିଦ୍ଧାନ୍ତ : ସୂର୍ଯ୍ୟର ଆଲୋକ ଦର୍ପଣରୁ ପ୍ରତିଫଳିତ ହେବା ପରେ ଏହି ବିନ୍ଦୁରେ କେନ୍ଦ୍ରୀଭୂତ ହୋଇଥିବାରୁ କାଗଜ ଉପରେ ଉଜ୍ଜ୍ଵଳ ବିନ୍ଦୁ ସୃଷ୍ଟି ହୁଏ । ଏହା ଏହି ବିନ୍ଦୁରେ ପର୍ଯ୍ୟାପ୍ତ ଉତ୍ତାପ ଉତ୍ପାଦନ କରେ ଯାହା କାଗଜକୁ ଜାଳି ଦେଇପାରିବ ।
ଯେଉଁ ଉପକରଣଗୁଡ଼ିକ ଦର୍ପଣ ଏବଂ ଲେନ୍ସ ବ୍ୟବହାର କରି ସୂର୍ଯ୍ୟକିରଣକୁ ଏକ ଛୋଟ ଅଞ୍ଚଳରେ କେନ୍ଦ୍ରିତ କରନ୍ତି, ସେମାନଙ୍କୁ ସୌର ସଂକେନ୍ଦ୍ରକ (solar concentrations) କୁହାଯାଏ । କେନ୍ଦ୍ରୀଭୂତ ସୂର୍ଯ୍ୟକିରଣ ଏକ ତରଳ ପଦାର୍ଥକୁ ଗରମ କରିବା ପାଇଁ ବ୍ୟବହ୍ୟତ ହୁଏ ଯାହା ବାଷ୍ପ ଉତ୍ପାଦନ ପାଇଁ କିମ୍ବା ବିଭିନ୍ନ କାର୍ଯ୍ୟ ପାଇଁ ବ୍ୟବହାର କରାଯାଇପାରିବ, ଯେପରିକି ବହୁ ଲୋକଙ୍କର ରୋଷେଇ ପାଇଁ ଉନ୍ନତ ସୌର ଚୁଲି ବ୍ୟବହାର କରାଯାଏ । ସୌର ବୁଲିଗୁଡ଼ିକ ଇସ୍ପାତ ତରଳାଇବା ପାଇଁ ମଧ୍ୟ ବ୍ୟବହାର କରାଯାଏ ।
ଲେନ୍ସ (Lens) :
ଏକ ଯବକାଚ ବା ଲେନ୍ସ ହେଉଛି ଏକ କାଚ ବା ପ୍ଲାଷ୍ଟିକ୍ରେ ତିଆରି ସାମଗ୍ରୀ ଯାହାର ପୃଷ୍ଠତଳ ବକ୍ର ଅଟେ । ଲେନ୍ସରେ ଆଲୋକର ପ୍ରତିସରଣ ଘଟି ବସ୍ତୁର ପ୍ରତିବିମ୍ବ ଦେଖାଯାଏ । ପ୍ରତିସରଣ ପୃଷ୍ଠକୁ ଭିଭିକରି ଲେନ୍ସ ଦୁଇ ପ୍ରକାର ଯଥା : ଉତ୍ତଳ ଲେନ୍ସ (Convex lens) ଏବଂ ଅବତଳ ଲେନ୍ସ (Concave lens) । ଲେନ୍ସ ହେଉଛି ଏକ ସ୍ଵଚ୍ଛ ଓ କାଳ୍ପନିକ ଗୋଲକର ଅଂଶବିଶେଷ ।
ଉତ୍ତଳ ଲେନ୍ସ : ଯେଉଁ ଲେନ୍ସର ମଝି ଅଂଶ ମୋଟା ଏବଂ ଧାରଆଡ଼କୁ ଏହା କ୍ରମଶଃ ସରୁ, ତାହାକୁ ଉତ୍ତଳ ଲେନ୍ସ କହନ୍ତି । ଉତ୍ତଳ ଲେନ୍ସକୁ ଅଭିସାରୀ ଲେନ୍ସ (Converging Lens) କହନ୍ତି ।
ଚିତ୍ର (କ) : ଉତ୍ତଳ ଲେନ୍ସ (ଖ) ଏହାର ଚିତ୍ର
ଅବତଳ ଲେନ୍ସ : ଯେଉଁ ଲେନ୍ସର ମଝି ଅଂଶ ସରୁ ଏବଂ ଧାରଆଡ଼କୁ ଏହା କ୍ରମଶଃ ମୋଟା ତାହାକୁ ଅବତଳ ଲେନ୍ସ କହନ୍ତି । ଅବତଳ ଲେନ୍ସକୁ ଅପସାରୀ ଲେନ୍ସ (Diverging Lens) କୁହାଯାଏ ।
ଚିତ୍ର (କ) ଏକ ଅବତଳ ଲେମ୍ବର
(ଖ) ଏହାର ଚିତ୍ର
କାର୍ଯ୍ୟ – ୮ : ଆସ ଅନୁସନ୍ଧାନ କରିବା
ଶିକ୍ଷଣର ଲକ୍ଷ୍ୟ : ଜଳ ବିନ୍ଦୁ କିପରି ଲେନ୍ସ ପରି କାର୍ଯ୍ୟକରିପାରେ ତାହା ଜାଣିବା ।
କାର୍ଯ୍ୟପ୍ରଣାଳୀ :
ଏକ କାଚ କିମ୍ବା ସ୍ୱଚ୍ଛ ପ୍ଲାଷ୍ଟିକର ପତଳା ପଟି, ଯେପରିକି ଏକ ସମତଳ ସ୍କେଲ୍, କିଛି ବୁନ୍ଦା ତେଲ, ଡ୍ରପର୍, ପାଣି ଏବଂ କିଛି ମୁଦ୍ରିତ ଲେଖା ଥିବା କାଗଜ ବା ବହି ସଂଗ୍ରହ କରାଯାଉ ।
କାଚ କିମ୍ବା ପ୍ଲାଷ୍ଟିକ୍ ପଟିର ପୃଷ୍ଠରେ କିଛି ବୁନ୍ଦା ତେଲ ପକାଇ, ଏହାକୁ ଘଷି ପତଳା ପ୍ରଲେପ ବା ଆବରଣ ତିଆରି କରାଯାଉ । ତେଲ ବଦଳରେ ଆମେ ମହମ ମଧ୍ୟ ବ୍ୟବହାର କରିପାରିବା ।
ଡ୍ରପର୍ କିମ୍ବା ତୁମର ଆଙ୍ଗୁଠି ବ୍ୟବହାର କରି, ତେଲ/ମହମ ଲଗାଥିବା. ସ୍ଥାନରେ ପାଣିର ଏକ ଛୋଟ ବୁନ୍ଦା ରଖାଯାଉ । (ତେଲ/ମହମ ପାଣିକୁ ଏକ ସୁନ୍ଦର ଗୋଲ ବୁନ୍ଦା ଆକାରରେ ଗଠନ କରାଇବାରେ ସାହାଯ୍ୟ କରେ ।)
ପର୍ଯ୍ୟବେକ୍ଷଣ : ଜଳବିନ୍ଦୁକୁ ପରୀକ୍ଷା କରାଯାଉ । ଏହାର ପୃଷ୍ଠରେ ଆକୃତି ଚେପଟା କିମ୍ବା ଭିତରକୁ ବଙ୍କା କିମ୍ବା ବାହାରକୁ ବଙ୍କା ହେବାର ଦେଖାଯିବ ।
କାଚ/ପ୍ଲାଷ୍ଟିକ୍ ପଟି ତଳେ କାଗଜ ରଖ ଯେପରି ଅକ୍ଷରଗୁଡ଼ିକ ସିଧାସଳଖ ଜଳବିନ୍ଦୁ ତଳେ ଥିବ ।
ଚିତ୍ର ଜଳବିନ୍ଦୁ ତଳେ ଦେଖାଯାଉଥିବା ମୁଦ୍ରିତ ବହିର ଦୃଶ୍ୟ
ଏକ ବର୍ଷକ କାଚ ବିଜ୍ଞାନ ବହିକୁ ଦେଖାଯାଉ । ଆମେ ଜଳବିନ୍ଦୁ ବର୍ତ୍ତମାନ, ଜଳବିନ୍ଦୁ ଦେଇ ତଳେ ଥିବା ତଳେ ଥିବା ଅକ୍ଷରର ଆକାରରେ କିଛି ପରିବର୍ତ୍ତନ ପାଇବା ?
ସେଗୁଡ଼ିକ ବଡ଼ କିମ୍ବା ଛୋଟ ଦେଖାଯିବ ।
ଜଳବିନ୍ଦୁର ବାହାରେ ବକ୍ର ପୃଷ୍ଠ ଅଛି । ଜଳବିନ୍ଦୁ ତଳେ ଥିବା ଅକ୍ଷରଗୁଡ଼ିକ ଭିନ୍ନ ଦେଖାଯାଏ, ସେମାନେ ପାଖରେ ଥିବା ଅକ୍ଷର ଅପେକ୍ଷା ବଡ଼ ଦେଖାଯାଇପାରନ୍ତି ! ଜଳବିନ୍ଦୁର ବକ୍ରପୃଷ୍ଠ ଅକ୍ଷରଗୁଡ଼ିକୁ ଭିନ୍ନ ଆକାରର ଦେଖାଉଛି ।
ସିଦ୍ଧାନ୍ତ : ଏହି ଜଳବିନ୍ଦୁ ଏକ ସରଳ ଲେନ୍ସ ପରି କାର୍ଯ୍ୟ କରୁଛି । ଏକ ବର୍ଷକ କାଚ ମଧ୍ୟ ଏକ ଲେନ୍ସ ଯେଉଁଥରେ ଅକ୍ଷରଗୁଡ଼ିକୁ ବଡ଼ ଦେଖାଯାଇଥାଏ, ଯାହା ପଢ଼ିବାରେ ସାହାଯ୍ୟ କରେ ।
କାର୍ଯ୍ୟ – ୯ : ଆସ ପରୀକ୍ଷା କରିବା
ଶିକ୍ଷଣର ଉଦ୍ଦେଶ୍ୟ : ଉତ୍ତଳ ଲେନ୍ସ ମାଧ୍ୟମରେ ବସ୍ତର ପ୍ରତିବିମ୍ବରେ କି ପରିବର୍ତ୍ତନ ଦେଖାଯାଏ ଜାଣିବା : କାର୍ଯ୍ୟପ୍ରଣାଳୀ :
(i) ଏକ ଉତ୍ତଳ ଲେନ୍ସ, ଏକ ଅବତଳ ଲେନ୍ସ, ଏକ ଲେନ୍ସ ଧାରକ ଏବଂ ଏକ ଛୋଟ ବସ୍ତ ସଂଗ୍ରହ କରାଯାଉ ।
(ii) ଧାରକ ସାହାଯ୍ୟରେ ଉତ୍ତଳ ଲେନ୍ସକୁ ସିଧା କରି ରଖାଯାଉ ।
(iii) ଉତ୍ତଳ ଲେନ୍ସର ପଛରେ ବସ୍ତକୁ ରଖାଯାଉ । ଏହାକୁ ଲେନ୍ସ ସହ ସମାନ ଉଚ୍ଚତାରେ ରଖୁବା ଆବଶ୍ୟକ ।
(iv) ଲେନ୍ସ ଅନ୍ୟପାର୍ଶ୍ଵକୁ ଲେନ୍ସ ମାଧ୍ୟମରେ ଦେଖୁଲେ ବସ୍ତର ପ୍ରତିବିମ୍ବ ଦେଖାଯିବ ।
ଉତ୍ତଳ ଲେନ୍ସରେ ବସ୍ତୁର ପ୍ରତିବିମ୍ବର ରେଖାଚିତ୍ର :
(a) ବସ୍ତ ଅନନ୍ତ ଦୂରତାରେ ରହିଲେ,
(b) ବସ୍ତ ଲେନ୍ସର 2F ଠାରୁ ଦୂରରେ ରହିଲେ
(c) ବସ୍ତ 2F ଠାରେ ରହିଲେ,
(d) ବସ୍ତ 2F ଓ F1 ମଝିରେ ରହିଲେ,
(e) ବସ୍ତୁ F1 ଠାରେ ରହିଲେ,
(f) ବସ୍ତୁ O ଓ F1 ମଝିରେ ରହିଲେ,
ଉତ୍ତଳ ଲେନ୍ସରେ ବସ୍ତର ବିଭିନ୍ନ ସ୍ଥିତି ପାଇଁ ସୃଷ୍ଟ ପ୍ରତିବିମ୍ବର ସ୍ଥିତି, ଆକାର ଓ ପ୍ରକୃତି
ଉତ୍ତଳ ଲେନ୍ସରେ ବସ୍ତୁ ଲେନ୍ସର ନିକଟରେ ଥିଲେ ପ୍ରତିବିମ୍ବ ବସ୍ତୁପଟେ ସୃଷ୍ଟିହେବ ଏବଂ ଏହା ସଳଖ, ଆଭାସୀ ଓ ବଡ଼ ହେବ ।
ଲେନ୍ସରେ ବସ୍ତ ଲେନ୍ସଠାରୁ ଦୂରରେ ରହିଲେ ପ୍ରତିବିମ୍ବ ଓଲଟା ହେବ । ବସ୍ତ୍ର ଲେନ୍ସଠାରୁ ଯେତେ ଅଧିକ ଦୂରତାରେ ରହିବ ପ୍ରତିବିମ୍ବ ଓଲଟା ଏବଂ ସେତେ ସାନ ହେବ । ଏକ ନିର୍ଦ୍ଦିଷ୍ଟ ଦୂରତାରେ ବସ୍ତର ସମାନ ପ୍ରତିବିମ୍ବ ମଧ୍ଯ ଗଠିତ ହେବ ।
ଅବତଳ ଲେନ୍ସରେ ବସ୍ତୁର ପ୍ରତିବିମ୍ବ :
(i) ବସ୍ତ ଅନନ୍ତ ଦୂରତାରେ ରହିଲେ,
(ii) ସ୍ତ 2F1 ଓ F1 ମଝିରେ ରହିଲେ,
ସିଦ୍ଧାନ୍ତ : ଅବତଳ ଲେନ୍ସର ପଛପଟେ ବସ୍ତକୁ ରଖିଲେ ପ୍ରତିବିମ୍ବ ସର୍ବଦା ସାନ, ସଳଖ ଓ ଆଭାସୀ ହୁଏ । ଲେନ୍ସଠାରୁ ବସ୍ତର ଦୂରତା ବୃଦ୍ଧି ପାଇଲେ ପ୍ରତିବିମ୍ବର ଆକାର କ୍ରମଶଃ ହ୍ରାସ ପାଇବ ।
କାର୍ଯ୍ୟ ୧୦ : ଆସ ଅନୁସନ୍ଧାନ କରିବା
ଶିକ୍ଷଣର ଉଦ୍ଦେଶ୍ୟ : ଲେନ୍ସଗୁଡ଼ିକ ଆଲୋକ ରଶ୍ମୀ ଅଭିସାରୀ କିମ୍ବା ଅପସାରୀ :
ଆବଶ୍ୟକ ଉପକରଣ : ଏକ ପତଳା ସ୍ଵଚ୍ଛ କାଚ ପ୍ଲେଟ୍, ଏକ ଉତ୍ତଳ ଲେନ୍ସ, ଏକ ଅବତଳ ଲେନ୍ସ, ଏକ ଟର୍ଚ୍ଚ ଏବଂ ଆଲୋକର ଏକାଧିକ ସମାନ୍ତରାଳ ବିମ୍ ପାଇବା ପାଇଁ ଏକ ପାନିଆ, ପାନିଆକୁ ସିଧା ରଖୁବା ପାଇଁ ଏକ କାଗଜ କ୍ଲିପ୍, ଦୁଇଟି ସମାନ ପ୍ରକାର ପୁସ୍ତକ ଏବଂ ଧଳା କାଗଜ ଫର୍ଦ୍ଦ ।
କାର୍ଯ୍ୟପ୍ରଣାଳୀ : ପରସ୍ପର ନିକଟରେ ରଖାଯାଇଥିବା ପରି ସେମାନଙ୍କ ମଧ୍ୟରେ କାଚ ପ୍ଲେଟ୍ କିମ୍ବା ଦୁଇଟି ପୁସ୍ତକ ବ୍ୟବହାର କରାଯାଇ, ଚିତ୍ରରେ ଦେଖା ଯାଇଥିବା ଲେନ୍ସକୁ ସିଧା ସଳଖ ଧରି ରଖାଯାଉ ।
ଚିତ୍ର ଅନେକ ସମାନ୍ତର ରଶ୍ମି ପଢ଼ୁଥିବା (କ) ପତଳା ସ୍ଵଚ୍ଛ କାଚ ପ୍ଲେଟ (ଖ) ଉତ୍ତଳ ଲେନ୍ସ (ଗ) ଅବତଳ ଲେନ୍ସ
ଉଭୟ ପୁସ୍ତକ ଉପରେ କାଗଜ ଫର୍ଦ୍ଦ ଖୋଲି ରଖ । ବର୍ତ୍ତମାନ ଚିତ୍ରରେ ଦେଖାଯାଇଥିବା ପରି ପତଳା କାଚ ପ୍ଲେଟ୍, ଉତ୍ତଳ ଲେନ୍ସ ଏବଂ ଅବତଳ ଲେନ୍ସ ଉପରେ ଆଲୋକର ଏକାଧ୍ଵ ସମାନ୍ତରାଳ ରଶ୍ମି ଅଲଗା ଅଲଗା କରି ପଡ଼ିବାକୁ ଦିଆଯାଉ । କ’ଣ ଆଲୋକର ସମାନ୍ତରାଳ ରଶ୍ମି ତିନୋଟି କ୍ଷେତ୍ରରେ ପରିବର୍ତ୍ତନ ସୃଷ୍ଟି କରିବ ।
ସିଦ୍ଧାନ୍ତ : ଆଲୋକ ରଶ୍ମି ପତଳା କାଚ ପ୍ଲେଟ୍ ଦେଇ ଯେପରି ଅଛି ସେହିପରି ଗତି କରେ । ଉତ୍ତଳ ଲେନ୍ସ ଏହା ଉପରେ ପଡ଼ିଥିବା ଆଲୋକକୁ କେନ୍ଦ୍ରାଭିସାରୀ ବା ଏକତ୍ରିତ (convergent) କରେ, କିନ୍ତୁ ଅବତଳ ଲେନ୍ସ ଆଲୋକକୁ କେନ୍ଦ୍ରାପସାରୀ (divergent) ବା ବିଚ୍ଛିନ୍ନ କରେ । ଏଣୁ ଉତ୍ତଳ ଲେନ୍ସକୁ ଅଭିସାରୀ ଏବଂ ଅବତଳ ଲେନ୍ସକୁ ଏକ ଅପସାରୀ (diverging) ଲେନ୍ସ କୁହାଯାଏ ।
ସମାନ୍ତର ଆଲୋକର ରଶ୍ମୀଗୁଚ୍ଛ ଲେନ୍ସ ମାଧ୍ୟମରେ ଗତି କରି ଯେଉଁ ବିନ୍ଦୁରେ ଏକତ୍ରିତ ହୁଅନ୍ତି ବା ହେଲାଭଳି ଜଣା ପଡ଼ନ୍ତି ସେହି ବିନ୍ଦୁକୁ ଲେନ୍ସର ଫୋକସ୍ (focus) କୁହାଯାଏ ।
ଉତ୍ତଳ ଲେନ୍ସର ବ୍ୟବହାର :
ବହିରେ ଥିବା ଛୋଟ ଛୋଟ ଅକ୍ଷରଗୁଡ଼ିକ ପଢ଼ିବା ପାଇଁ ଯେଉଁ ପରିବର୍ଷକ କାଚ (Magnifying glass) ବ୍ୟବହାର କରାଯାଏ ତାହା ଉତ୍ତଳ ଲେନ୍ସ ।
ଦୂରବୀକ୍ଷଣ ଓ ଅଣୁବୀକ୍ଷଣ ଯନ୍ତ୍ରରେ ଉତ୍ତଳ ଲେନ୍ସ ବ୍ୟବହୃତ ହୁଏ ।
ବୟସ୍କ ବ୍ୟକ୍ତିମାନେ ଦୂରଦୃଷ୍ଟି ଦୋଷର ପ୍ରତିକାର ପାଇଁ ଉତ୍ତଳ ଲେନ୍ସରେ ତିଆରି ଚଷମା ପିନ୍ଧନ୍ତି ।
ଅବତଳ ଲେନ୍ସର ବ୍ୟବହାର :
ଛୋଟ ପିଲାଙ୍କଠାରେ ଦେଖାଯାଉଥିବା ସମୀପ ଦୃଷ୍ଟିଦୋଷ ଦୂର କରିବା ପାଇଁ ଅବତଳ ଲେନ୍ସର ଚଷମା ବ୍ୟବହାର କରାଯାଏ ।
ଆମେ ଯାହା ଜାଣିଲୁ
- ଆଲୋକ ଏକପ୍ରକାର ରଶ୍ମି ଏବଂ ଏହା ସରଳରେଖାରେ ଗତିକରେ ।
- ଆଲୋକ ରଶ୍ମି କୌଣସି ପଦାର୍ଥର ପୃଷ୍ଠଭାଗରେ ପଡ଼ି ପ୍ରତ୍ୟାବର୍ତ୍ତନ କଲେ, ଏହାକୁ ଆଲୋକର ପ୍ରତିଫଳନ କହନ୍ତି । ଆଲୋକ ପ୍ରତିଫଳନର ଦୁଇଟି ନିୟମ ଅଛି ।
ସମତଳ ଦର୍ପଣର ପ୍ରତିଫଳନ ପୃଷ୍ଠ ସମତଳ । ଏହି ଦର୍ପଣରେ ବସ୍ତର ସଳଖ, ଆଭାସୀ ଓ ସମାନ ଆକୃତିର ପ୍ରତିବିମ୍ବ ସୃଷ୍ଟିହୁଏ । - ବର୍ତ୍ତୁଳ ଦର୍ପଣର ପ୍ରତିଫଳନ ପୃଷ୍ଠ ବର୍ତ୍ତୁଳାକାର । ଏହା ଦୁଇ ପ୍ରକାର ଯଥା; ଅବତଳ ଦର୍ପଣ ଓ ଉତ୍ତଳ ଦର୍ପଣ । ଅବତଳ ଦର୍ପଣକୁ ଅଭିସାରୀ ଦର୍ପଣ କହନ୍ତି । ଏଥିରେ ବସ୍ତୁର ବାସ୍ତବ ଓ ଓଲଟା ପ୍ରତିବିମ୍ବ ଗଠିତ ହୁଏ । ପ୍ରତିବିମ୍ବ ସାନ, କିମ୍ବା ବଡ଼ କିମ୍ବା ସମାନ ହୋଇପାରେ । ଏହା ବସ୍ତର ଅବସ୍ଥାନ ଉପରେ ନିର୍ଭର କରେ । ବିଶେଷ ଅବସ୍ଥାନରେ ଅବତଳ ଦର୍ପଣରେ ବସ୍ତର ସଳଖ, ଆଭାସୀ ଓ ବଦ୍ଧିତ ପ୍ରତିବିମ୍ବ ଗଠିତ ହୁଏ ।
- ଉତ୍ତଳ ଦର୍ପଣକୁ ଅପସାରୀ ଦର୍ପଣ କହନ୍ତି । ଏହି ଦର୍ପଣରେ ଗଠିତ ପ୍ରତିବିମ୍ବ ସର୍ବଦା ସାନ, ସଳଖ ଆଭାସୀ । ବର୍ତ୍ତୁଳ ଦର୍ପଣରେ ବସ୍ତ ଦର୍ପଣଠାରୁ ଯେତେ ଦୂରରେ ଅବସ୍ଥାନ କରେ ପ୍ରତିବିମ୍ବ ଅନୁରୂପ ମାତ୍ରାରେ କ୍ଷୁଦ୍ରତ୍ତର ହୁଏ । ସମତଳ ଓ ବର୍ତ୍ତୁଳ ଦର୍ପଣରେ ପ୍ରତିବିମ୍ବ ପାର୍ଶ୍ଵ ପରିବର୍ଭନ କରେ ।
- ଅବତଳ ଦର୍ପଣ ଯାନବାହାନର ହେଡ୍ଲାଇଟ୍, ସର୍ଜଲାଇଟ ଓ ଆଧୁନିକ ଦୂରବୀକ୍ଷଣଯନ୍ତ୍ରରେ ବ୍ୟବହୃତ ହୁଏ । ଦନ୍ତ ଚିକିତ୍ସକମାନେ ଦାନ୍ତର ବର୍ଦ୍ଧିତ ପ୍ରତିବିମ୍ବ ଦେଖିବା ପାଇଁ ଅବତଳ ଦର୍ପଣ ବ୍ୟବହାର କରନ୍ତି ।
- ଗାଡ଼ିଚାଳକ ପାର୍ଶ୍ଵରେ ଉତ୍ତଳ ଦର୍ପଣ ବ୍ୟବହାର କରାଯାଏ । ଦୋକାନ ଓ ମଲ୍ଟିଗୁଡ଼ିକରେ ମଧ୍ୟ ଉତ୍ତଳ ଦର୍ପଣ ବ୍ୟବହୃତ ହୁଏ ।