Go through Class 6 Social Science Solutions Odia Medium and Class 6 Social Science Chapter 8 Question Answer Odia Medium ବିବିଧତା ମଧ୍ୟରେ ଏକତା, ବା ‘ଅନେକରେ ଏକ’ to understand textbook questions more clearly.
6th Class Social Science Chapter 8 Question Answer Odia Medium
Class 6 Social Science Chapter 8 Odia Medium
ପ୍ରଶ୍ନ, ଅଭ୍ୟାସ କାର୍ଯ୍ୟ ଏବଂ ପ୍ରକଳ୍ପ :
Question 1.
ଅଧ୍ୟାୟ ଆରମ୍ଭରେ ଦିଆଯାଇଥବା ଦୁଇଟି ଉଦାହରଣ ଉପରେ ଶ୍ରେଣୀରେ ଏକ ଆଲୋଚନା ଚକ୍ର ଆୟୋଜନ କର ।
Answer:
ବିଷୟ ଆରମ୍ଭରେ ଦୁଇଟି ଉଦାହରଣ ପ୍ରଦତ୍ତ ଅଛି । ଗୋଟିଏ ରବୀନ୍ଦ୍ରନାଥ ଠାକୁରଙ୍କର ହୋଇଥିଲାବେଳେ ଅନ୍ୟଟି ଶ୍ରୀଅରବିନ୍ଦଙ୍କର । ଉଭୟଙ୍କର ଉଦାହରଣରେ ଭାରତୀୟ ସଂସ୍କୃତିର ବିବିଧତା ମଧ୍ୟରେ ଏକତ୍ଵକୁ ଦର୍ଶାଯାଇଛି । ତେବେ ଆମେ ପ୍ରଥମେ ରବୀନ୍ଦ୍ରନାଥ ଠାକୁରଙ୍କର ଉଦାହରଣକୁ ବିଶ୍ଳେଷଣ କରିବା ।
‘ହେ ବନ୍ଧୁ, ମୋ ପ୍ରାର୍ଥନା ସ୍ଵୀକାର କର, ଯେପରି ମୁଁ ଅନେକଙ୍କ ମଧ୍ୟରେ ମଧ୍ୟ ଜଣଙ୍କ ସ୍ପର୍ଶର ଆନନ୍ଦ କେବେ ବି ହରାଇବି ନାହିଁ”? – ରବୀନ୍ଦ୍ରନାଥ ଠାକୁର ।
ଏହି ଉକ୍ତିରେ ରବୀନ୍ଦ୍ରନାଥ ଠାକୁର ପ୍ରାର୍ଥନା କରି କହିଛନ୍ତି ଯେ ‘ହେ ପ୍ରଭୁ, ମୋର ଭାବନାକୁ ସ୍ଵୀକାର କର ଯାହାଫଳରେ ମୁଁ ଅନେକ ବିବିଧତା ମଧ୍ୟରେ ଜଣକର ସ୍ପର୍ଶର ଆନନ୍ଦ ପାଇପାରିବି । ଏହାର ଅର୍ଥ ସମଗ୍ର ଭାରତବର୍ଷରେ ଥିବା ବିବିଧତା ଯେପରି ତା’ର ଏକତ୍ଵକୁ ବଜାୟ ରଖୁବ । ବାସ୍ତବରେ ଆମ ଦେଶ ଭାରତବର୍ଷ ଅନେକ ଭାଷା, ଧର୍ମ, ସଂସ୍କୃତି, ପ୍ରଥା ଓ ପରମ୍ପରାରେ ବିଭିନ୍ନତା ଦର୍ଶାଇଲେ ବି ଏ ସମସ୍ତଙ୍କ ଭିତରେ ଏକ ଅଦେଖା ଡୋରି ରହିଛି ଯାହା ସେସବୁକୁ ବାନ୍ଧି ରଖୁଛି । ଏହି ସତ୍ତାକୁ ଅନୁଭବ କରିବାପାଇଁ ରବୀନ୍ଦ୍ରନାଥ ଠାକୁର ଇଚ୍ଛା କରିଛନ୍ତି ।
ଦ୍ଵିତୀୟ ଉଦାହରଣଟି ହେଉଛି ଶ୍ରୀ ପାଇଁ ସର୍ବଦା ସ୍ଵାଭାବିକ ରହି ଆସିଛି ଏବଂ ଏହାର ପ୍ରକୃତି, ଅନେକରେ ଏକ, ଏହା କରିବ ।””
ଅରବିନ୍ଦଙ୍କର । ‘ବିବିଧତା ମଧ୍ୟରେ ଏକତାର ନୀତି ଯାହା ଭାରତ ଏହାକୁ ଚରିତାର୍ଥ କରିବା ଭାରତର ଅସ୍ତିତ୍ଵର ମୌଳିକ ଗତିପଥ ଏବଂ ଭାରତକୁ ତାହାର ସ୍ଵଭାବ ଓ ସ୍ଵଧର୍ମର ନିଶ୍ଚିତ ଭିଭିଭୂମିରେ ସ୍ଥାପନ ଶ୍ରୀଅରବିନ୍ଦଙ୍କର ଏହି ଉକ୍ତି ଭାରତର ନିଜସ୍ଵ ସ୍ଵଭାବ ଏବଂ ସାମର୍ଥ୍ୟ ଯାହା ବିବିଧତା ମଧ୍ୟରେ ଏକତ୍ଵକୁ ପ୍ରତିଷ୍ଠା କରିପାରିଛି । ବିବିଧତା ମଧ୍ୟରେ ନିଜର ମୌଳିକ ଅସ୍ତିତ୍ଵକୁ ସେ ଚରିତାର୍ଥ କରିଛି ଏବଂ ପ୍ରକୃତି ମଧ୍ୟରେ ଥିବା ଅନେକ ପାର୍ଥକ୍ୟ ମଧ୍ୟରେ ଏକତ୍ଵ ସୃଷ୍ଟି କରିପାରିଛି । ଏହାହିଁ ଭାରତବର୍ଷକୁ ସ୍ଵଭାବ ଏବଂ ସ୍ଵଧର୍ମରେ ଭିତ୍ତିଭୂମି ସ୍ଥାପନ କରିବାରେ ସହାୟକ ହୋଇଛି ।
Question 2.
ଏହି ପାଠ୍ୟପୁସ୍ତକର ପ୍ରାରମ୍ଭିକ ପୃଷ୍ଠାଗୁଡ଼ିକରେ ଜାତୀୟ ସଙ୍ଗୀତ ଏବଂ ଏହାର ଅନୁବାଦ ପଢ଼ । ତୁମେ କେଉଁଠାରେ ବିବିଧତାକୁ ଦେଖୁଛ ? ଆଉ କେଉଁଠି ଏକତା ? ଏହା ଉପରେ ଏକ ପୃଷ୍ଠା ଲେଖ ।
Answer:
ପାଠ୍ୟପୁସ୍ତକରେ ପ୍ରଦତ୍ତ ଜାତୀୟ ସଙ୍ଗୀତରେ ଲେଖାଥିବା ‘ଜନଗଣ ମନ ଅଧିନାୟକ ଜୟ ହେ’ ସୁନ୍ଦର ଭାବରେ ଭାରତର ବିବିଧତା ମଧ୍ୟରେ ଏକତ୍ଵର ଭାବନାକୁ ପ୍ରତିଷ୍ଠା କରିଛି । ଏହା ରବୀନ୍ଦ୍ରନାଥ ଠାକୁରଙ୍କଦ୍ଵାରା ବେଙ୍ଗଲୀ ଭାଷାରେ ଲେଖାଯାଇଛି ।
ସେହିପରି ଜାତୀୟ ସଙ୍ଗୀତରେ ଲିଖୁତ ପଞ୍ଜାବ, ସିନ୍ଧୁ, ଗୁଜରାଟ, ମରାଠା, ଦ୍ରାବିଡ଼, ଉତ୍କଳ, ବଙ୍ଗ ଦର୍ଶାଇଦିଏ ଯେ କିପରି ଭାରତବର୍ଷରେ ବିଭିନ୍ନ ଅଞ୍ଚଳ ଏବଂ ଭାଷାଭାଷୀର ଲୋକ ଏକତ୍ର ବସବାସ କରିଛନ୍ତି । ଏହା ଏକ ବିବିଧତାର ପ୍ରସଙ୍ଗ ହେଲେ ବି ତା’ ମଧ୍ୟରେ ଏକ ଏକତ୍ଵର ଭାବନା ସୃଷ୍ଟି କରିଛି ।
ଭୌଗୋଳିକ ଦୃଷ୍ଟିକୋଣରୁ ଜାତୀୟ ସଙ୍ଗୀତରେ ହିମାଳୟ ପର୍ବତମାଳା, ଗଙ୍ଗା, ଯମୁନା ଆଦି ପବିତ୍ର ନଦୀ ଓ ଭାରତ ମହାସାଗର ମଧ୍ଯ ଭୌଗୋଳିକ ବିବିଧତା ଦର୍ଶାଇଛି । ଏସବୁ ସତ୍ତ୍ଵେ ଭାରତବାସୀଙ୍କ ମନ ଭିତରେ ଜାତୀୟ ସଙ୍ଗୀତ ଆଣିଦେଇଛି ଏକ ଜାତୀୟ ଏକତ୍ଵ । ଏହି ଭାବନା ବିଶେଷକରି ଭାରତୀୟମାନଙ୍କ ମନରେ ସୃଷ୍ଟି ହୋଇଛି ଜାତୀୟ ସଙ୍ଗୀତରେ ଥିବା ଲେଖା, ‘ଜୟ ହେ, ଜୟ ହେ, ଜନଗଣ ମଙ୍ଗଳ ଦାୟକ ଜୟ ହେ’’, ଏହା ଭାରତର ବିଜୟର ବାର୍ତ୍ତା ଦେବା ସଙ୍ଗେ ସଙ୍ଗେ ସମଗ୍ର ଜନତାର ମଙ୍ଗଳ କାମନା କରିଛି ।
ଦେଶର ଏହି ଜାତୀୟ ସଙ୍ଗୀତ ଭାରତର ବିବିଧତା ମଧ୍ୟରେ ଏକତ୍ଵର ଏକ ଶକ୍ତିଶାଳୀ ସଙ୍କେତ ।
Question 3.
ପଞ୍ଚତନ୍ତ୍ରରୁ କିଛି କାହାଣୀ ଚୟନ କର ଏବଂ ସେମାନଙ୍କର ବାର୍ତ୍ତା କିପରି ଆଜି ବି ପ୍ରାସଙ୍ଗିକତା ବହନ କରେ ସେ ବିଷୟରେ ଆଲୋଚନା କର । ତୁମ ଅଞ୍ଚଳର ଏହିପରି କୌଣସି ସମାନ କାହାଣୀ ବିଷୟରେ ତୁମେ ଜାଣ କି ?
Answer:
ପଞ୍ଚତନ୍ତ୍ର ଗପଗୁଡ଼ିକ ହେଉଛି କାଳାତୀତ ଜ୍ଞାନ । ଏଠାରେ ସେଗୁଡ଼ିକ ମଧ୍ୟରୁ କିଛି ବର୍ଣ୍ଣନା କରାଯାଇଛି ଯାହାକି ଆଜି ମଧ୍ୟ ପ୍ରାସଙ୍ଗିକ ।
(୧) ସିଂହ ଏବଂ ଶୃଗାଳ – ଏହି ଗପରେ ନିଜର ଉପସ୍ଥିତ ବୁଦ୍ଧିକୁ ଗୁରୁତ୍ୱାରୋପ କରାଯାଇଛି । ଦୁର୍ବଳ ଶୃଗାଳ ଶକ୍ତିଶାଳୀ ସିଂହକୁ ନିଜର ଚତୁରତା ବଳରେ ହରାଇ ଦେଇଛି । ଆଧୁନିକ ଯୁଗରେ ଏହା ସ୍ଵୀକାର୍ଯ୍ୟ ଯେ ଜଣେ ନିଜର କୌଶଳ ଓ ସମସ୍ୟା ସମାଧାନ କରିବାର ସାମର୍ଥ୍ୟ ବଳରେ ଦୁଷ୍ଟ ଶକ୍ତି ଉପରେ ମଧ୍ୟ ବିଜୟ ହାସଲ କରିପାରିବ ।
(୨) କୁଆ ଓ ମାଠିଆ : ପଞ୍ଚତନ୍ତ୍ରରେ ଲିଖ୍ ଅନ୍ୟତମ ଗଳ୍ପ ହେଉଛି ‘‘କୁଆ ଏବଂ ମାଠିଆ’ । ଏହି ଗଳ୍ପ ଶିକ୍ଷା ଦିଏ ଯେ ନିଜର ଅଧ୍ୟବସାୟ ଏବଂ ସମ୍ବଳ ବଳରେ ତୁମେ ନିଜର କାର୍ଯ୍ୟ ସମ୍ପାଦନ କରିପାରିବ । ଯେପରି ଏକ ତୃଷାର୍ଥ କୁଆ ସ୍ଵଳ୍ପ ପାଣି ଥିବା ମାଠିଆ ମଧ୍ୟକୁ ଛୋଟ ଛୋଟ ଗୋଡ଼ି ପଥର ପକାଇ ପାଣିର ସ୍ତରକୁ ଉପରକୁ ଉଠାଇ ପିଇପାରିଲା, ସେହିଭଳି ଆମେ ଏହି ଶିକ୍ଷାକୁ ଆମ ଜୀବନର ନିଜସ୍ୱ ସଂଗ୍ରାମକୁ ଅବ୍ୟାହତ ରଖ୍ ଲକ୍ଷ୍ୟସ୍ଥଳରେ ପହଞ୍ଚିପାରିବା ।
(୩) ନିର୍ବୋଧ ସିଂହ ଏବଂ ଚତୁର ଠେକୁଆ – ପଞ୍ଚତନ୍ତ୍ରରେ ଲିଖୁ ଏହି ଗଳ୍ପ ଶିକ୍ଷା ଦିଏ ଯେ ନିଜର ବୁଦ୍ଧି ଏବଂ ଜ୍ଞାନ ବଳରେ ତୁମେ ଶକ୍ତିଶାଳୀ ଓ କ୍ଷମତାଶାଳୀ ବ୍ୟକ୍ତିଙ୍କୁ ମଧ୍ୟ ପରାହତ କରିପାରିବ, ଯେପରି ନିଜର ଚତୁରତା ପ୍ରଦର୍ଶନ କରି ଠେକୁଆ ସିଂହକୁ ବୋକା ବନାଇପାରିଲା । ସେହିପରି ନିଜର ଧୈର୍ଯ୍ୟ, ଉପସ୍ଥିତ ବୁଦ୍ଧି ଏବଂ ସମସ୍ୟା ସମାଧାନର ଦକ୍ଷତା ବଳରେ ମନୁଷ୍ୟ କଷ୍ଟସାଧ୍ୟ ସମୟରେ ନିଜକୁ ସଫଳ କରିପାରିବ । ପଞ୍ଚତନ୍ତ୍ରର ଏହି ଗଳ୍ପମାନଙ୍କରୁ ଆମେ ସାର୍ବଜନୀନ ବିଜ୍ଞତା ଶିକ୍ଷା କରିଥାଉ ଯାହା ଜୀବନର ଆହ୍ଵାନକୁ ସାମନା କରିପାରିବ ।
Question 4.
ତୁମ ଅଞ୍ଚଳରୁ କିଛି ଲୋକକାହାଣୀ ସଂଗ୍ରହ କର ଏବଂ ସେଗୁଡ଼ିକରେ ଥିବା ବାର୍ତ୍ତା ବିଷୟରେ ଆଲୋଚନା କର ।
Answer:
ଏହି ପ୍ରଶ୍ନ ଉପରେ ବିଦ୍ୟାର୍ଥୀମାନେ ନିଜ ନିଜ ଅଞ୍ଚଳରେ ଥିବା ଲୋକକାହାଣୀ ସଂଗ୍ରହ କରି ଲେଖୁବେ । କିନ୍ତୁ ସେମାନଙ୍କୁ ବୁଝିବାପାଇଁ ଆମେ କିଛି ଲୋକକାହାଣୀ ନିମ୍ନରେ ଉପସ୍ଥାପନ କରିଛୁ ।
ଲୋଭୀ ତନ୍ତୀ : ଏହି ଗଳ୍ପଟି ପୁରାତନ ଯୁଗର ବିଦର୍ଭ ଅଞ୍ଚଳର । ବର୍ତ୍ତମାନ ଏହି ଅଞ୍ଚଳ ମହାରାଷ୍ଟ୍ରରେ ଅବସ୍ଥିତ । ଏକଦା ଏହି ଅଞ୍ଚଳରେ ଏକ ତନ୍ତୀ ବସବାସ କରୁଥିଲା ଯେ କି ଅତ୍ୟନ୍ତ ଲୋଭୀ ପ୍ରକୃତିର ଥିଲା ।
ଜୀବନର ପ୍ରାରମ୍ଭରେ ସେ ଏକ ସରଳ ଜୀବନ ଯାପନ କରୁଥିଲା । କାଳକ୍ରମେ ଲୋଭ ମୋହର ବଶବର୍ତ୍ତୀ ହୋଇ ସେ ସର୍ବଦା ଅଧ୍ବକ ଧନପ୍ରାପ୍ତି ପାଇଁ ଇଚ୍ଛା କଲା । ଦିନ ରୁ ଦିନ ସେ ଅଧିକ ଧନ ରୋଜଗାର କଲା; କିନ୍ତୁ ସେ ଅଧିକ ଧନଲୋଭରେ ଅସୁଖୀ ରହିଲା । କାରଣ ଧନର ଲାଳସା ତା ମନରେ ଶାନ୍ତି ଆଣିପାରିଲା ନାହିଁ । ଶେଷରେ ସେ ନିଜର ଲୋଭ ପାଇଁ ସମସ୍ତ ଧନକୁ ହରାଇଲା । ଏହି ଗଳ୍ପରୁ ଶିକ୍ଷା ମିଳେ ଯେ ଲୋଭ କିପରି ଭୟଙ୍କର ପରିସ୍ଥିତିରେ ପକାଇଦିଏ ଏବଂ ଏଥୁରୁ ମଧ୍ଯ ଶିକ୍ଷା ମିଳେ ଯେ କିପରି ଅଳ୍ପରେ ସନ୍ତୁଷ୍ଟି ଲାଭ କରିବାର ଗୁରୁତ୍ଵ କ’ଣ ? ସାଧୁ ଉପାୟରେ ରୋଜଗାର କରି ଅଳ୍ପରେ ସନ୍ତୁଷ୍ଟ ରହିବା ହେଉଛି ଏକ ମୂଲ୍ୟବୋଧକ ଜୀବନ ।
ସାବିତ୍ରୀ ଏବଂ ସତ୍ୟବାନ : ଏହି ଲୋକକାହାଣୀ ସାତରା ଜିଲ୍ଲାରେ ଏକ ଜନପ୍ରିୟ ଲୋକକଥା । ଏହି ଗଳ୍ପରେ ଦର୍ଶାଯାଇଛି ଯେ ସାବିତ୍ରୀ କିଭଳି ନିଜର ପତି ସତ୍ୟବାନଙ୍କ ପ୍ରତି ନିଷ୍ଠା ଓ ଭକ୍ତି ପ୍ରଦର୍ଶନ କରିଛନ୍ତି । ମୃତ ସତ୍ୟବାନଙ୍କୁ ନେବାପାଇଁ ଯମରାଜ ନିଜେ ଆସିଛନ୍ତି ଏବଂ ଯମରାଜଙ୍କ ପଛରେ ସେ ଧାଇଁଛନ୍ତି ଏବଂ ନିଜର ପ୍ରେମ ଏବଂ ସାହସ ବଳରେ ସେ ଯମରାଜାଙ୍କଠାରୁ ନିଜର ସ୍ଵାମୀଙ୍କର ଜୀବନ ଫେରାଇ ଆଣିପାରିଛନ୍ତି ।
ଏହି କାହାଣୀ ବାର୍ତ୍ତା ଦିଏ ଯେ ବାସ୍ତବ ପ୍ରେମ ଓ ଉକ୍ତି ବଳରେ ତୁମେ ଯେକୌଣସି ଅସାଧ୍ୟ କାର୍ଯ୍ୟକୁ ସାଧ୍ଯ କରିପାରିବ ।
Question 5.
ଏମିତି କିଛି ପୁରାତନ କାହାଣୀ ଅଛି କି ଯାହାକୁ ତୁମେ କଳା ମାଧ୍ୟମରେ ଚିତ୍ରିତ ହୋଇଥିବା ଦେଖୁଛ ? ଏହା ଏକ ମୂର୍ତ୍ତି, ଏକ ଚିତ୍ରକଳା, ଏକ ନୃତ୍ୟ ପ୍ରଦର୍ଶନ, ଏକ ଚଳଚ୍ଚିତ୍ର ହୋଇପାରେ ……….. ସହପାଠୀଙ୍କ ସହ ଆଲୋଚନା କର ।
Answer:
କଳାକାରମାନେ ସେମାନଙ୍କର ଚିତ୍ର କିମ୍ବା ମୂର୍ତ୍ତି ଆଙ୍କିବାପାଇଁ କିଛି ପୁରାତନ କାହାଣୀ ପଞ୍ଚତନ୍ତ୍ରରୁ ପାଇଥା’ନ୍ତି । ଏହାର ଏକ ଉଦାହରଣ ହେଉଛି ସିଂହ ଏବଂ ମୂଷା ।
କଳାକୃତି – କଳାକୃତି ହେଉଛି ଭାସ୍କର୍ଯ୍ୟ ବା ମୂର୍ତ୍ତି । ଆମ ଦେଶ ଭାରତବର୍ଷରେ ଅଧିକାଂଶ କଳାକୃତି ଦେଶର ପ୍ରଥା ଏବଂ ପରମ୍ପରା ଉପରେ ପର୍ଯ୍ୟବସିତ ହୋଇଥାଏ । ରାମାୟଣର ଅଧିକାଂଶ ଗୁରୁତ୍ଵପୂର୍ଣ୍ଣ ଘଟଣା ଚିତ୍ର, କଳା ଏବଂ ଭାସ୍କର୍ଯ୍ୟ, ନୃତ୍ୟନାଟିକା, ଥୁଟର ଏବଂ ସିନେମାରେ ପ୍ରଦର୍ଶିତ ହୋଇଥାଏ ।
ବିହାରର ପ୍ରସିଦ୍ଧ ମଧୁବାଣୀ ଚିତ୍ରକଳା, ରାମାୟଣର ଗଳ୍ପକୁ ଚିତ୍ରକଳା ମାଧ୍ୟମରେ ବର୍ଣ୍ଣନା କରିଛି । ସେହିପରି ମହାରାଷ୍ଟ୍ରର ଅଜନ୍ତା ଏଲୋରା ଗୁମ୍ଫାରେ ରାମ ରାବଣ ଯୁଦ୍ଧର ପ୍ରତିମୂର୍ତ୍ତି ଦେଖିବାକୁ ମିଳିଥାଏ ।
ଏହିଭଳି ଅଗଣିତ ଗଳ୍ପ କଳା ଆକାରରେ ସମଗ୍ର ଦେଶରେ ସ୍ଥାନୀୟ ସଂସ୍କୃତି ଅନୁସାରେ ଦେଖିବାକୁ ମିଳିଥାଏ ।
Question 6.
ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହେରୁ ସ୍ଵାଧୀନତା ପୂର୍ବରୁ ଭାରତର ଅନେକ ଅଞ୍ଚଳ ଭ୍ରମଣ କରିବା ସମୟରେ ହୋଇଥିବା ନିମ୍ନଲିଖତ ବକ୍ତବ୍ୟକୁ ଶ୍ରେଣୀରେ ଆଲୋଚନା କର ।
‘‘ସବୁଠି ମୁଁ ଏକ ସାଂସ୍କୃତିକ ପୃଷ୍ଠଭୂମି ପାଇଲି ଯାହା ସେମାନଙ୍କ ଜୀବନ ଉପରେ ଏକ ଶକ୍ତିଶାଳୀ ପ୍ରଭାବ ପକାଇଥିଲା । … ଭାରତର ପୁରୁଣା ମହାକାବ୍ୟ, ରାମାୟଣ ଓ ମହାଭାରତ ଏବଂ ଅନ୍ୟାନ୍ୟ ପୁସ୍ତକ, ଲୋକପ୍ରିୟ ଅନୁବାଦ ଏବଂ ବର୍ଣ୍ଣନା, ଜନସାଧାରଣଙ୍କ ମଧ୍ୟରେ ବ୍ୟାପକ ଭାବରେ ପରିଚିତ ଥିଲା ଏବଂ ସେଥିରେ ଥିବା ପ୍ରତ୍ୟେକ ଘଟଣା, କାହାଣୀ ଏବଂ ନୈତିକତା ଲୋକାମନରେ ଲିପିବଦ୍ଧ ହୋଇଥିଲା ଏବଂ ଏହାକୁ ଏକ ସମୃଦ୍ଧ ବିଷୟବସ୍ତୁ ଦେଇଥିଲା । ନିରକ୍ଷର ଗ୍ରାମବାସୀମାନେ ହୃଦୟରୁ ଶତାଧିକ ଶବ୍ଦ ଜାଣିଥିବେ ଏବଂ ସେମାନଙ୍କ କଥାବାର୍ତ୍ତା ସେଗୁଡ଼ିକର ଉଦାହରଣରେ କିମ୍ବା କିଛି ପୁରୁଣଶ ଶାସ୍ତ୍ରରେ ଥିବା ନୀତିବାଣୀ ସହିତ କୌଣସି କାହାଣୀରେ ପରିପୂର୍ଣ୍ଣ ହେବ ।’’
Answer:
ଜବାହାରଲାଲ ନେହେରୁଙ୍କ ଉପରୋକ୍ତ ବକ୍ତବ୍ୟରୁ ଜଣାପଡ଼େ ଯେ ସମଗ୍ର ଭାରତବର୍ଷରେ ଏକ ସମୃଦ୍ଧ ଏବଂ ସାଂସ୍କୃତିକ ପରମ୍ପରା ହଜାର ହଜାର ବର୍ଷ ଧରି ତିଷ୍ଠି ରହିଛି ଯାହା ଭାରତୀୟମାନଙ୍କ ଜୀବନକୁ ବହୁଳ ଭାବରେ ପ୍ରଭାବିତ କରିଛି ।
ସେ ତାଙ୍କ ବକ୍ତବ୍ୟରେ ରାମାୟଣ ଓ ମହାଭାରତ ଭଳି କାବ୍ୟର ଜନପ୍ରିୟତା ନିରକ୍ଷର ଗ୍ରାମବାସୀଙ୍କ ମନରେ ରହିଛି ବୋଲି କହିଛନ୍ତି ଏବଂ ଏହି ମହାକାବ୍ୟ ଓ ପୁରାଣର ଅନୁବାଦ ଭାରତରେ ବିଭିନ୍ନ ଭାଷାରେ ହେବାଦ୍ଵାରା ଏହା ଜନମାନସରେ ଏବଂ ଦୈନନ୍ଦିନ ଜୀବନ ଉପରେ ବହୁତ ପ୍ରଭାବ ପକାଇଛି । ନିରକ୍ଷର ଗ୍ରାମବାସୀମାନେ କଥାକଥାକେ ଏହାର ନୀତିବାଣୀର ଉଦାହରଣ ଦେଇ ବିଭିନ୍ନ ପ୍ରସଙ୍ଗ ଓ ସମସ୍ୟାକୁ ସମାଧାନ କରିଥା’ନ୍ତି । ବାସ୍ତବରେ ପଣ୍ଡିତ ଜବାହାରଲାଲ ନେହେରୁଙ୍କର ଭାରତ ଭ୍ରମଣ ଏବଂ ତାଙ୍କର ଏହି ଅନୁଭୁତି ଅତ୍ୟନ୍ତ ମୂଲ୍ୟବୋଧକ ଅଟେ ।
ଦୀର୍ଘ ଉତ୍ତରମୂଳକ ପ୍ରଶ୍ନୋତ୍ତର
Question 1.
ଭାରତୀୟ ପରିପ୍ରେକ୍ଷୀରେ ‘ବିବିଧତା ମଧ୍ୟରେ ଏକତା’ର ଅର୍ଥ କ’ଣ ?
Answer:
ବିବିଧତା ମଧ୍ୟରେ ଏକତାର ନୀତି ଭାରତରେ ଏକ ସ୍ଵାଭାବିକ ପ୍ରକ୍ରିୟା । ଅନେକରେ ଏକ ଭାବନା ସମଗ୍ର ଭାରତବାସୀଙ୍କୁ ଏକତ୍ର କରିରଖୁଛି । ଆମ ଦେଶରେ ଅନେକ କ୍ଷେତ୍ରରେ ବିବିଧତା ଅଛି । ଭାରତରେ ପ୍ରଚଳିତ ପରମ୍ପରା, ଭାଷା, ପର୍ବପର୍ବାଣି, ଜାତି, ଧର୍ମ ଏବଂ ଜୀବନଶୈଳୀ ପରିପ୍ରେକ୍ଷୀରେ ଭାରତୀୟମାନେ ପରସ୍ପରଠାରୁ ଅଲଗା, କିନ୍ତୁ ଏହା ସତ୍ତ୍ୱେ ଏକତାର ଭାବନାରେ ସମଗ୍ର ଭାରତବାସୀ ବାନ୍ଧିହୋଇ ରହିଛନ୍ତି । ଏକ ଉଦାହରଣଦ୍ଵାରା ଆମେ ଏହାକୁ ଭଲଭାବରେ ବୁଝିପାରିବା । ଆମେ ଏକ ଟ୍ରେନ୍ରେ ଯାତ୍ରା କଲାବେଳେ ଅନେକ ପ୍ରକାରର ଭାଷା ଶୁଣିଥାଉ, ବିଭିନ୍ନ ପ୍ରକାରର ଖାଦ୍ୟ ମଧ୍ୟ ଦେଖିବାକୁ ପାଇଥାଉ । ଅନେକ ଧର୍ମର ଲୋକ ମଧ୍ୟ ଟ୍ରେନ୍ରେ ଯାତ୍ରା କରୁଥା’ନ୍ତି କିନ୍ତୁ ସମସ୍ତଙ୍କ ମଧ୍ୟରେ ଏକ ଭାରତୀୟ ଭାବନା ପରିଲକ୍ଷିତ ହୋଇଥାଏ । କୌଣସି ପ୍ରସଙ୍ଗ ଆଲୋଚନାରେ ଏହି ଭାବନା ପ୍ରତିଫଳିତ ହେବାର ମଧ୍ୟ ଅନୁଭବ ପ୍ରାୟ ସମସ୍ତଙ୍କ ପାଖରେ ରହିଥାଏ ।
୧.୪ ବିଲିୟନ ଲୋକଙ୍କ ମଧ୍ୟରେ ଏଭଳି ବିବିଧତା ଆଶ୍ଚର୍ଯ୍ୟଜନକ ନୁହେଁ, ବିଂଶ ଶତାବ୍ଦୀର ଶେଷ ଭାଗରେ ଭାରତୀୟ ନୃତତ୍ତ୍ଵ ସର୍ବେକ୍ଷଣ ସଂସ୍ଥା ନାମକ ଏକ ଜାତୀୟ ସଙ୍ଗଠନ ଦେଶର ସମସ୍ତ ରାଜ୍ୟର ୪୬୩୫ଟି ଗୋଷ୍ଠୀକୁ ନେଇ ଏକ ସର୍ବେକ୍ଷଣ କରିଥିଲା । ଏହି ଗବେଷଣାର ନାମ ଥଲା, “ People of India Project’ । ଏଥୁରୁ ଜଣାପଡ଼ିଥିଲା ଯେ, ଏସବୁ ଗୋଷ୍ଠୀର ଲୋକମାନେ ୨୫ଟି ଲିପି ଏବଂ ୩୨୫ଟି ଭାଷା ବ୍ୟବହାର କରୁଛନ୍ତି । ଏତେ ଭିନ୍ନତା ସତ୍ତ୍ଵେ ଏମାନଙ୍କ ମଧ୍ୟରେ ଏକ ଏକତ୍ଵର ଭାବନା ପରିଲକ୍ଷିତ ହୋଇଛି ।
Question 2.
ଭାରତର ବିବିଧତାର କେଉଁ ଦିଗ ସବୁଠାରୁ ଆକର୍ଷଣୀୟ ?
Answer:
ଭାରତର ବିବିଧତାରେ ଅନେକ ଆକର୍ଷଣୀୟ ଦିଗ ଦେଖିବାକୁ ମିଳିଥାଏ । ନିମ୍ନରେ ସେ ସମ୍ପର୍କରେ ବର୍ଣ୍ଣନା କରାଯାଇଛି ।
- ଭାଷା – ସମଗ୍ର ଦେଶରେ ୩୨୫ଟି ଭାଷା ଏବଂ ୨୫ଟି ଲିପି ରହିଥିଲାବେଳେ କେବଳ ୨୨ଟି ଭାଷାକୁ ସରକାରୀ ସ୍ତରରେ ସ୍ଵୀକୃତି ମିଳିଛି ।
- ଧର୍ମ – ଭାରତର ନିଜସ୍ଵ କେତେଗୁଡ଼ିଏ ଧର୍ମ ଥିଲାବେଳେ ବାହାରୁ ଆସିଥିବା କିଛି ଧର୍ମକୁ ମଧ୍ୟ ଭାରତ ଆପଣେଇ ନେଇଛି । ହିନ୍ଦୁଧର୍ମ, ବୌଦ୍ଧଧର୍ମ, ଜୈନଧର୍ମ ଏବଂ ଶିଖୁଧର୍ମ ଏଠାରେ ଜନ୍ମଲାଭ କରିଥିଲାବେଳେ ଇସଲାମ୍ ଧର୍ମ, ଖ୍ରୀଷ୍ଟଧର୍ମ ଇତ୍ୟାଦି ବିଦେଶରୁ ଏଠାକୁ ଆସିଥିଲା ।
- ପର୍ବପର୍ବାଣି – ପର୍ବପର୍ବାଣି ଭାରତୀୟ ବିବିଧତାର ଅନ୍ୟ ଏକ ଆକର୍ଷଣୀୟ ଦିଗ । ଆମ ଦେଶରେ ଦୀପାବଳୀ ଖ୍ରୀଷ୍ଟମାସ, ଇସ୍୍, ପୋଙ୍ଗଲ, ବୈଶାଖୀ ଇତ୍ୟାଦି ପର୍ବପର୍ବାଣି ମହାସମାରୋହରେ ପାଳନ କରାଯାଏ ।
- ଖାଦ୍ୟ – ଭାରତର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ଶୈଳୀରେ ବିଭିନ୍ନ ଖାଦ୍ୟ ପ୍ରସ୍ତୁତ କରାଯାଇଥାଏ । ଉତ୍ତର ଭାରତର ଖାଦ୍ୟ ଗହମ ଉପରେ ପର୍ଯ୍ୟବସିତ ହୋଇଥିଲାବେଳେ ଦକ୍ଷିଣ ଭାରତର ଖାଦ୍ୟ ଧାନ ଉପରେ ନିର୍ଭରଶୀଳ ହୋଇଥାଏ । ଏତଦ୍ବ୍ୟତୀତ ଭାରତୀୟ ସଂସ୍କୃତିରେ ବିଭିନ୍ନ ପ୍ରକାର ପିଠାପଣା ଖାଦ୍ୟ ରୂପରେ ପ୍ରସ୍ତୁତ କରାଯାଇଥାଏ ।
- ଭୂମିରୂପ – ଭାରତରେ ବିଭିନ୍ନ ଭୂମିରୂପ ଭୌଗୋଳିକ ଦୃଷ୍ଟିକୋଣରୁ ଦେଖିବାକୁ ମିଳିଥାଏ । ଏହା ମୁଖ୍ୟତଃ ୩ ପ୍ରକାରର; ଯଥା- ସମତଳଭୂମି, ମାଳଭୂମି ଏବଂ ପାର୍ବତ୍ୟାଞ୍ଚଳ । ଏତଦ୍ବ୍ୟତୀତ ମରୁଭୂମି ମଧ୍ୟ ରହିଅଛି ।
ଏହି ସମସ୍ତ ଜିନିଷ ଅନୁଧ୍ୟାନ କଲେ ଭାରତୀୟ ବିବିଧତାର କିଛି ଆକର୍ଷଣୀୟ ଦିଗ ପରିଲକ୍ଷିତ ହୋଇଥାଏ ।
Question 3.
ବିବିଧତା ଭିତରେ ଥିବା ଏକତାକୁ ଆମେ କିପରି ବାହାର କରିପାରିବା ?
Answer:
ଭାରତରେ ବିବିଧତା ମଧ୍ୟରେ ଥିବା ଏକତାକୁ ସ୍ପଷ୍ଟ ଭାବରେ ଅନୁମେୟ କରାଯାଇପାରେ । ୧.୪ ବିଲିୟନ୍ ଜନସାଧାରଣ ବିଭିନ୍ନ ଧର୍ମ, ଭାଷାର ଲୋକ ହେଲେ ବି ସେମାନଙ୍କ ମଧ୍ୟରେ ଏକତ୍ଵଭାବ ଲୁଚି ରହିଥାଏ । ଏହା ଆମେ ଅନେକ ସମୟରେ କ୍ରିକେଟ୍ ଖେଳ, ଯୁଦ୍ଧ ଅନ୍ୟ ଦେଶ ସହିତ ତୁଳନାତ୍ମକ ସ୍ତରରେ ଦେଖିବାକୁ ମିଳିଥାଏ । ଏକ ସୌହାର୍ଯ୍ୟପୂର୍ଣ୍ଣ ଶାନ୍ତ ବାତାବରଣ ମଧ୍ୟରେ ସମନ୍ଵୟ ଭାବନା ସୃଷ୍ଟି ହୋଇଥାଏ ।
ପୋଷାକ – ପୋଷାକପତ୍ର ପରିଧାନ କ୍ଷେତ୍ରରେ ବିଭିନ୍ନତା ଦେଖିବାକୁ ମିଳିଥାଏ । ଶାଢ଼ି, କୁର୍ତା, ପାଇଜାମା, ଧୋତି ଏବଂ ଲୁଙ୍ଗି ସାଧାରଣ ସ୍ତରର ବ୍ୟବହୃତ ପୋଷାକ ହୋଇଥିଲାବେଳେ ଅନେକ କିଛି ଆଧୁନିକ ପୋଷାକ ନୂତନ ପିଢ଼ି ପିନ୍ଧିବାର ଦେଖିବାକୁ ମିଳିଥାଏ । ଏସବୁ ଭାରତୀୟ ପୋଷାକର ଭାବନା ସମସ୍ତଙ୍କର ମନ ଭିତରେ ଥାଏ ।
Question 4.
ଭୌଗୋଳିକ ତାରତମ୍ୟ କିପରି ଭାରତୀୟ ବିବିଧତାକୁ ଦାନ କରିଥାଏ ?
Answer:
ଭାରତର ଭୌଗୋଳିକ ବୈଶିଷ୍ଟ୍ୟ ବିବିଧତା ସୃଷ୍ଟି କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲା । ଦେଶର ଭୌତିକ ବୈଶିଷ୍ଟ୍ୟଗୁଡ଼ିକ ବିଭିନ୍ନ ପ୍ରକାରର, ଯଥା- ସମତଳଭୂମି, ପାର୍ବତ୍ୟାଞ୍ଚଳ, ମାଳଭୂମି, ଉପକୂଳ ଅଞ୍ଚଳ ।
ମରୁଭୂମି, ଦ୍ଵୀପାଞ୍ଚଳ ଏବଂ ହିମାଳୟ ପାର୍ବତ୍ୟାଞ୍ଚଳରେ ପରିଧାନ କରିଥା’ନ୍ତି ଏବଂ ଜଳବାୟୁ ଅଧିକ ଥଣ୍ଡା । ସେଠାରେ ଲୋକମାନେ ଗରମ ପୋଷାକ ମଜବୁତ୍ ଘରେ ବାସ କରିଥା’ନ୍ତି । ସେମାନଙ୍କର ଖାଦ୍ୟ ବାର୍ଲି ଏବଂ ଦୁଗ୍ଧରୁ ପ୍ରାୟ ପ୍ରସ୍ତତ କେହାଇଥାଏ ।
ଗଙ୍ଗାନଦୀର ଅବବାହିକାର ସମତଳଭୂମିରେ ଜମି ଉର୍ବର ଥିବାରୁ କୃଷି ପାଇଁ ଉପଯୋଗୀ ହୋଇଥାଏ । ସେଥିପାଇଁ ସେଠାରେ ବହୁଳ ପରିମାଣରେ ଧାନ ଏବଂ ଗହମ ଚାଷ କରାଯାଇଥାଏ ।
ଉପକୂଳବର୍ତ୍ତୀ ଅଞ୍ଚଳମାନଙ୍କରେ ଜନସାଧାରଣ ସମୁଦ୍ର ମାଛ ଏବଂ ନଡ଼ିଆରେ ତିଆରି ବିଭିନ୍ନ ଖାଦ୍ୟ ଖାଇଥା’ନ୍ତି । ସେମାନେ ହାଲ୍କା ଓଜନର ପୋଷାକ ପରିଧାନ କରିଥା’ନ୍ତି । ଏହି ଅଞ୍ଚଳର ଜଳବାୟୁ ମୁଖ୍ୟତଃ ଆର୍ଦ୍ର ଥାଏ ।
ରାଜସ୍ଥାନର ମରୁଭୂମି ଅଞ୍ଚଳର ଲୋକମାନେ ସେଠାକାର ପରିବେଶ ସହିତ ନିଜକୁ ଖାପ ଖୁଆଇଥା’ନ୍ତି । ସେମାନେ ଖାଦ୍ୟରୂପେ ବାଜରା, ରୁଟି ଏବଂ ଲହୁଣୀଯୁକ୍ତ ଦୁଗ୍ଧ ପ୍ରାୟ ଖାଇଥା’ନ୍ତି ଏବଂ ସେମାନଙ୍କୁ ଜଳାଭାବର ସାମ୍ନା କରିବାକୁ ପଡ଼ିଥାଏ । ମରୁଭୂମିର ମରୂଦାନ ସେମାନଙ୍କପାଇଁ ଏକ ସାନ୍ତନା ।
ଏ ପ୍ରକାର ଭୌଗୋଳିକ ତାରତମ୍ୟ କିନ୍ତୁ ଭାରତର ସମୃଦ୍ଧ ବିବିଧତାକୁ ତା’ର ସଂସ୍କୃତି, ଖାଦ୍ୟ, ବସ୍ତ୍ର ଏବଂ ପରମ୍ପରାରେ ପ୍ରକାଶିତ କରିଥାଏ ।
Question 5.
‘‘ବିବିଧତା ମଧ୍ୟରେ ଏକତ୍ଵ ଭାରତୀୟ ସାହିତ୍ୟ ପ୍ରଦାନ କରିଥାଏ ।’’ ଏହି ବାକ୍ୟଟିର ତାତ୍ପର୍ଯ୍ୟ ବୁଝାଇ ଲେଖ ।
Answer:
ଭାରତୀୟ ସାହିତ୍ୟ ପୂର୍ଣ୍ଣମାତ୍ରାରେ ଭିନ୍ନ ଏବଂ ବିଭିନ୍ନ ପ୍ରକାରର । କିନ୍ତୁ ଏହା ଭାରତୀୟମାନଙ୍କର ଆଦର୍ଶକୁ ପ୍ରକାଶିତ କରିଥାଏ, ଯାହା ଭିତରେ ଏକତ୍ଵର ଭାବନା ଭରି ରହିଥାଏ ।
ପଞ୍ଚତନ୍ତ୍ର – ପଞ୍ଚତନ୍ତ୍ର ହେଉଛି ଅନେକ ପ୍ରକାର ମଜାଦାୟକ ଗଳ୍ପ ଯାହାର ମୁଖ୍ୟ ଚରିତ୍ରରେ ପଶୁମାନଙ୍କୁ ପ୍ରଦର୍ଶିତ କରାଯାଇଥାଏ । ଏହା ଆମକୁ ବହୁତ ଗୁରୁତ୍ଵପୂର୍ଣ୍ଣ ଜୀବନ ଦକ୍ଷତା ସମ୍ପର୍କରେ ଶିଖାଇଥାଏ । ଏହି ଗଳ୍ପଗୁଡ଼ିକ ପ୍ରାୟ ଭାରତର ସ୍ଥାନୀୟ ଭାଷାରେ ଅନୁବାଦିତ ହୋଇଥାଏ ଏବଂ ଏହାକୁ ସମସ୍ତ ଭାରତବାସୀ ପଢ଼ିବାର ସୁଯୋଗ ପାଇଥା’ନ୍ତି ।
ସବୁଠାରୁ ଅଧିକ ଗୁରୁତ୍ଵପୂର୍ଣ୍ଣ ଭାରତୀୟ ସାହିତ୍ୟ ହେଉଛି ଏହାର ଦୁଇଟି ମହାକାବ୍ୟ, ରାମାୟଣ ଏବଂ ମହାଭାରତ । ରାମାୟଣ ହେଉଛି ଏକ ପ୍ରାଚୀନ ଭାରତୀୟ କାବ୍ୟ ଯାହା, ପ୍ରଭୁ ରାମଚନ୍ଦ୍ରଙ୍କର ଜୀବନଯାତ୍ରାକୁ ବର୍ଣ୍ଣନା କରିଥାଏ । ଅଯୋଧ୍ୟାର ରାଜକୁମାର ଭାବରେ ସେ ସୀତାଙ୍କୁ ବିବାହ କରି ଘଟଣାଚକ୍ରରେ ବନବାସୀ ହୁଅନ୍ତି ଏବଂ ସେ ନିଜର ପତ୍ନୀଙ୍କୁ ଉଦ୍ଧାର କରିବାପାଇଁ ରାକ୍ଷସ ରାଜା ରାବଣକୁ ବିନାଶ କରନ୍ତି । ଏହି କାହାଣୀ ଭାରତରେ ପ୍ରତିଟି ପରିବାରରେ ପାଠ କରାଯାଏ । ଯାହାକି ଏକ ଏକତ୍ଵ ଭାବନା ସୃଷ୍ଟି କରିଥାଏ । ଏହା ମଧ୍ୟ ବିଭିନ୍ନ ସ୍ଥାନୀୟ ଭାଷାରେ ଅନୁବାଦିତ ହୋଇଛି ।
ଯେଉଁଥରେ ପ୍ରଭୁ ଶ୍ରୀକୃଷ୍ଣ କୌରବ ବଂଶକୁ ବିନାଶ ଶିଖାଇଥାଏ ଏବଂ ଭୁଲ୍ ସେହିପରି ମହାଭାରତ ମଧ୍ୟ ପ୍ରାଚୀନ ଭାରତର ଏକ ମହାନ୍ କାବ୍ୟ ପାଣ୍ଡବମାନଙ୍କ ସାହାଯ୍ୟରେ ଧର୍ମସଂସ୍ଥାପନ ପାଇଁ ଦୁର୍ଯ୍ୟୋଧନ ଏବଂ କରିଛନ୍ତି । ଏହି କାହାଣୀ ମଧ୍ୟ ଭାରତର ଘରେ ଘରେ ସୁପରିଚିତ ।
ଏହି ଗଳ୍ପ ଏବଂ ସାହିତ୍ୟ ଆମକୁ ମୂଲ୍ୟବୋଧକ ଜୀବନଯାପନ କରିବା ଏବଂ ଠିକ୍ର ମାର୍ଗ ପ୍ରଦର୍ଶିତ କରିଥାଏ । ସୁତରାଂ ଭାରତୀୟ ସାହିତ୍ୟ ପ୍ରତିଷ୍ଠା ବିବିଧତା ମଧ୍ୟରେ ଏକତ୍ଵ କରିବା ଦିଗରେ ଯଥେଷ୍ଟ ସହାୟକ ହୋଇଛି ।
Question 6.
ଭାରତରେ ପାଳିତ ବିଭିନ୍ନ ପର୍ବପର୍ବାଣି, ପ୍ରଥା ଓ ପରମ୍ପରା କିପରି ବିବିଧତା ମଧ୍ୟରେ ଏକଳ୍ପ ପ୍ରତିଷ୍ଠା କରିଥାଏ ବୁଝାଇ ଲେଖ ।
Answer:
ଭାରତବର୍ଷ ଏଭଳି ଏକ ଦେଶ ଯାହାର ସଂସ୍କୃତି ଅତି ପ୍ରାଚୀନ ଏବଂ ଗୌରବମୟ । ବର୍ଷସାରା ଏ ଦେଶରେ ପାଳିତ ହୁଏ ଅନେକ ପ୍ରକାରର ପର୍ବ-ପର୍ବାଣି । କେତେକ ପର୍ବ ଆଞ୍ଚଳିକ କ୍ଷେତ୍ରରେ, କେତେକ ପର୍ବ ମଧ୍ଯ ସର୍ବଭାରତୀୟ ସ୍ତରରେ ପାଳନ କରାଯାଏ ।
ସର୍ବପ୍ରଥମେ ସମଗ୍ର ଭାରତରେ ପାଳିତ ହେଉଥିବା ପର୍ବ ହେଉଛି ଦୀପାବଳୀ ଏବଂ ଦଶହରା । ଦୀପାବଳୀକୁ ଆମେ ଆଲୋକର ପର୍ବଭାବରେ ପାଳନ କରିଥାଉ । ଏହିଦିନ ପ୍ରଭୁ ରାମଚନ୍ଦ୍ର ରାକ୍ଷସ ରାବଣର ନିଧନ କରି ମାତା ସୀତାଙ୍କ ସହ ଅଯୋଧ୍ୟା ପ୍ରତ୍ୟାବର୍ତ୍ତନ କରିଥିଲେ ।
ସେହିପରି ଦଶହରା ପର୍ବରେ ଦଶଦିନ ଧରି ମା ଦୁର୍ଗାଙ୍କୁ ଆରାଧନା କରାଯାଇଥାଏ । ଏହିଦିନ ମା’ ମହିଷାସୁରକୁ ବଧକରି ସ୍ଵର୍ଗ, ମର୍ତ୍ତ୍ୟରେ ଶାନ୍ତି ପ୍ରତିଷ୍ଠା କରିଥିଲେ । ଏହି ପର୍ବ ସମସ୍ତ ଭାରତୀୟମାନେ ପାଳନ କରିଥା’ନ୍ତି ଯାହା ଭିତରେ ଏକତ୍ଵ ଭାବନା ଭରି ରହିଥାଏ । ଏତଦ୍ବ୍ୟତୀତ ଭାରତବାସୀ ଆଞ୍ଚଳିକ ସ୍ତରରେ ଅନେକ ପର୍ବପର୍ବାଣି ପାଳନ କରି ଖୁସି ମନାଉଥା’ନ୍ତି । ଘରେ ଘରେ ମିଷ୍ଟାନ୍ନ, ପିଠାପଣା ଇତ୍ୟାଦି ପ୍ରସ୍ତତକରି ପରସ୍ପର ମଧ୍ୟରେ ବଣ୍ଟନ କରିଥା’ନ୍ତି ଯାହାକି ଏକ ଜାତୀୟ ଏକତ୍ଵର ଭାବନା ସୃଷ୍ଟି କରିଥାଏ । ସୁତରାଂ ଏହି ପର୍ବପର୍ବାଣିଗୁଡ଼ିକ ମଧ୍ୟ ଭାରତରେ ବିବିଧତା ମଧ୍ୟରେ ଏକତ୍ଵର ପ୍ରମାଣ ଦେଇଥାଏ ।
ଆସ ଅନୁସନ୍ଧାନ କରିବା :
Question 1.
ଅତି କମ୍ରେ ୫ଜଣ ସହପାଠୀଙ୍କ ଜନ୍ମସ୍ଥାନ ଏବଂ ସେମାନଙ୍କ ପିତାମାତାଙ୍କ ଜନ୍ମସ୍ଥାନର ତାଲିକା ପ୍ରସ୍ତୁତ କର ।
Answer:
ବିଦ୍ୟାର୍ଥୀମାନେ ଶ୍ରେଣୀ ସାଙ୍ଗଙ୍କ ସହିତ କଥାବାର୍ତ୍ତା ହୋଇ ଏହି କାର୍ଯ୍ୟଟି କରିବା ଉଚିତ । ନିମ୍ନରେ ସେମାନଙ୍କର ବୁଝିବାପାଇଁ ଏକ ନମୁନା ପ୍ରଦାନ କରାଯାଇଛି ।
- ସାଙ୍ଗଙ୍କ ନାମ – ଅଶୋକ ସେନଗୁପ୍ତା, କିଞ୍ଜଲ ସିଂ, ଶ୍ରୁତି ପାଶୱାନ, ମେଧା ନାଇଡୁ, ଦୀପ୍ତି ରାଓ ।
- ସାଙ୍ଗଙ୍କ ଜନ୍ମସ୍ଥାନ – କୋଲକତା, ଚଣ୍ଡୀଗଡ଼ (ପଞ୍ଜାବ), ସେରଗଡ଼ (ବିହାର), ଶିଲଂ (ମେଘାଳୟ), ଅହମଦାବାଦ (ଗୁଜରାଟ)
- ପିତାଙ୍କ ଜନ୍ମସ୍ଥାନ – ମେଦିନିପୁର (କୋଲକତା), ହରିଆନା (ପଞ୍ଜାବ) ସୁଜନପୁର (ବିହାର), ସିଲଂ (ମେଘାଳୟ), ଅହମ୍ମଦାବାଦ (ଗୁଜରାଟ)
- ମାତାଙ୍କ ଜନ୍ମସ୍ଥାନ – ଦୁର୍ଗାପୁର (କୋଲକତା), ହରିଆନା (ପଞ୍ଜାବ), ସୁଜନପୁର (ବିହାର), ସିଲଂ (ମେଘାଳୟ), ପୋରବନ୍ଦର (ଗୁଜରାଟ)
Question 2.
ଛାତ୍ରଛାତ୍ରୀଙ୍କ ମାତୃଭାଷା ଓ ସେମାନଙ୍କ ପରିଚିତ ଅନ୍ୟାନ୍ୟ ଭାଷା ତାଲିକା ପ୍ରସ୍ତୁତ କରି ବିବିଧତା ଦୃଷ୍ଟିରୁ ଫଳାଫଳ ବିଷୟରେ ଆଲୋଚନା କର ।
Answer:
| ଶ୍ରେଣୀ ସାଙ୍ଗଙ୍କ ନାମ | ମାତୃଭାଷା | ସେମାନେ ଜାଣିଥିବା ଭାଷା |
| ବିବେକ ପାଶୱାନ | ଗଡ଼ୱାଲୀ | ଇଂରାଜୀ, ହିନ୍ଦୀ |
| ସ୍ୱାତୀ ଶୁଭଦ୍ରିକା | ଓଡ଼ିଆ | ହିନ୍ଦୀ, ଇଂରାଜୀ, ବଙ୍ଗଳା |
| ମୀରା ପୈଥାରନ | ହିନ୍ଦୀ | ଇଂରାଜୀ, ଓଡ଼ିଆ, ତେଲୁଗୁ |
| ଟୁଲୁ ଶ୍ରୀବାସ୍ତବ | ହିନ୍ଦୀ | ମାଲୟାଲାମ୍, ଇଂରାଜୀ |
| ରାନୀ ରାଓ | ତେଲୁଗୁ | ଓଡ଼ିଆ, ଇଂରାଜୀ |
Question 3.
ଏକ ଶ୍ରେଣୀ କାର୍ଯ୍ୟ ଭାବରେ, ତୁମ ଘରେ ବ୍ୟବ ହୃ ତ ଉପାଦାନ (ଖାଦ୍ୟଶସ୍ୟ, ମସଲା ଇତ୍ୟାଦି)ର ଏକ ତାଲିକା ପ୍ରସ୍ତୁତ କର ।
Answer:
ପ୍ରଧାନ ଶସ୍ୟ – ଧାନ, ଗହମ, ମାଣ୍ଡିଆ, ବାଜରା, ଯଅ ।
ଡାଲି – ହ ର ଡ଼ ଡାଲି, ବୁଟଡାଲି, ଚଣା ଡାଲି, ମସୁର ଡାଲି, ରାଜମା ।
ମସଲା – ହଳଦୀ, ଅଦା, ର ସୁଣ, ଜି ର । , ଧନି ଆ, ସୋରି ଷ , ଲ ଙ୍କା ଗୁ ଣ୍ଡ ପାଉଡ଼ର, ଗୋଲ ମରିଚ, ଗରମ ମସଲା, ଡାଲଚିନି, ଅଳେଇଚ, ଗୁଜୁରାତି, ଲବଙ୍ଗ ।
ଅନ୍ୟ ବ୍ୟବହୃତ ସାମଗ୍ରୀ – ଲୁଣ, କଞ୍ଚାଲଙ୍କା, ତେଲ, ଘିଅ, ପନିପରିବା ।
Question 4.
ଯେକୌଣସି ଗୋଟିଏ ପନିପରିବା ନିଅ ଏବଂ ଏହାକୁ ନେଇ ତୁମେ କେତେ ଭିନ୍ନ ଭିନ୍ନ ଖାଦ୍ୟ ପ୍ରସ୍ତୁତ କରିପାରିବ ତାହା ଚିନ୍ତା କର ।
Answer:
ପାଳଙ୍ଗ ଶାଗକୁ ନିଆଯାଉ ଏବଂ ଏଥିରେ ପ୍ରସ୍ତୁତ ହେଉଥିବା ବିଭିନ୍ନ ପ୍ରକାର ଖାଦ୍ୟ ନିମ୍ନରେ ବର୍ଣ୍ଣନା କରାଯାଇଛି । ଯଥା- (୧) ପାଳଙ୍ଗ ଶାଗ ଭଜା, (୨) ପନୀର ପାଳଙ୍ଗ, (୩) ପାଳଙ୍ଗ ସୁପ୍, (୪) ପାଳଙ୍ଗ ପରମ, (୫) ପାଳଙ୍ଗ ଡାଲି, (୬) ଆଳୁ ପାଳଙ୍ଗ, (୭) ପାଳଙ୍ଗ ପକୋଡ଼ା, (୮) ସମସ୍ତ ପରିବାରେ ପାଳଙ୍ଗ ମିଶାଇ ତରକାରି ।
Question 5.
ଶାଢ଼ିର ଉଦାହରଣ କିପରି ଉଭୟ ଏକତା ଏବଂ ବିବିଧତାକୁ ପ୍ରତିଫଳିତ କରେ ଉଦାହରଣ ସହ (୧୦୦- ୧୫୦ ଶବ୍ଦ ମଧ୍ୟରେ) ଲେଖ ।
Answer:
ଆମ ଦେଶ ଭାରତରେ ମହିଳାମାନେ ପିନ୍ଧୁଥିବା ଶାଢ଼ି ଉଭୟ ଦେଶର ଏକତା ଓ ବିବିଧତାକୁ ପ୍ରତିଫଳିତ କରିଛି । ଏହା ଏକ ଏକତାର ପ୍ରତୀକ, କାରଣ ସମଗ୍ର ଦେଶର ନାରୀମାନେ ଏହାକୁ ବ୍ୟବହାର କରନ୍ତି । ଯେଉଁ ରାଜ୍ୟର ତଥା ଯେଉଁ ଭାଷାର ମହିଳା ହେଉନା କାହିଁକି ଜଣେ ନାରୀ ଶାଢ଼ି ପିନ୍ଧି ନିଜର ସୌନ୍ଦର୍ଯ୍ୟକୁ ବଢ଼ାଇଥାଏ ଏବଂ ନିଜକୁ ଏକ ସୁସଂସ୍କୃତି ସମ୍ପନ୍ନ ମହିଳା ରୂପେ ପରିଚୟ ଦେଇଥାଏ । ବାସ୍ତବରେ କହିବାକୁ ଗଲେ ଏହାକୁ ଭାରତୀୟ ସଂସ୍କୃତିର ଐତିହ୍ୟ ବୋଲି କୁହାଯାଏ ।
Question 6.
ଉପରୋକ୍ତ ଫଟୋଗୁଡ଼ିକରେ, ତୁମେ ଜାଣିପାରିବ କି ଅନ୍ୟ କେଉଁ କେଉଁ କାର୍ଯ୍ୟ ପାଇଁ ଆମେ ଶାଢ଼ିକୁ ବ୍ୟବହାର କରିଥାଉ ?
Answer:
ଫଟୋଗୁଡ଼ିକରେ ଶାଢ଼ିଗୁଡ଼ିକର ଅନ୍ୟାନ୍ୟ ବିଭିନ୍ନ କାର୍ଯ୍ୟରେ ପ୍ରୟୋଗ କରାଯାଇଥିବାର ଦୃଶ୍ୟ ଦେଖେଇ ଦିଆଯାଇଛି । ଯଦିଓ ନାରୀମାନେ ଶାଢ଼ିକୁ ସେମାନଙ୍କ ବସ୍ତ୍ରରୂପେ ବ୍ୟବହାର କରିଥା’ନ୍ତି ତଥାପି ଏହା ଆବଶ୍ୟକ ବେଳେ ଅନ୍ୟାନ୍ୟ କାର୍ଯ୍ୟରେ ଲାଗିଥାଏ । ଉପରୋକ୍ତ ୬ ଗୋଟି ଫଟୋରୁ ଆମେ ଶାଢ଼ିର ବିଭିନ୍ନ ପ୍ରୟୋଗ ସମ୍ପର୍କରେ ଜାଣିବାକୁ ପାଉ ।
- ଫଟୋ− ୧ରେ ଥିବା ଶାଢ଼ିଟିକୁ ଗଛରେ ବନ୍ଧାଯାଇ ଏକ ଦୋଳି କରି ଦିଆଯାଇଛି ଏବଂ ଦୋଳିରେ ଏକ ଶିଶୁକୁ ତା’ର ମା ଶୁଆଇ ଦେଇ ତା’ ନିକଟରେ କାର୍ଯ୍ୟ କରୁଛି ।
- ଫଟୋ– ୨ରେ ଶାଢ଼ିକୁ ବ୍ୟବହାର କରି ଦୁଇ ଜଣ ମହିଳା ମାଛ ଧରୁଛନ୍ତି ।
- ଫଟୋ– ୩ରେ ଜଣେ ମହିଳା ଶାଢ଼ୀକୁ ଗୁଡ଼ାଇ ମୁଣ୍ଡରେ ଠେକା କରି ତା’ ଉପରେ ଜଳ ଭର୍ତ୍ତି ଗରା ରଖ୍ ବୋହି ନେଇଛି । ଏହାଦ୍ଵାରା ଜଳ ବୋହିବା କାର୍ଯ୍ୟ ସହଜ ହେଉଛି ।
- ଫଟୋ− ୪ରେ ପିନ୍ଧିଥିବା ଶାଢ଼ୀର ପଣତରେ ଶସ୍ୟକୁ ବାନ୍ଧି ବୋହି କରି ଦେବାରେ ବ୍ୟବହାର କରାଯାଇଛି ।
- ଫଟୋ– ୫ରେ ଜଣେ ମହିଳା ଶାଢ଼ୀକୁ ମୁଣ୍ଡରୁ ତଳକୁ ଟାଣି ମୁହଁକୁ ଘୋଡ଼ାଇ ନିଜକୁ ସୂର୍ଯ୍ୟକିରଣରୁ ଅଥବା ଧୂଳିରୁ ସୁରକ୍ଷା ଦେଉଛି । ନାରୀମାନେ ମଧ୍ୟ ଏହିପରି ଓଢ଼ଣାଟାଣି
- ଅପରିଚିତ ବ୍ୟକ୍ତି ଓ ମାନ୍ୟଗଣ୍ୟ ବ୍ୟକ୍ତିଙ୍କ ସାମ୍ନାରେ ଚଳପ୍ରଚଳ ହୋଇଥା’ନ୍ତି । ନାରୀ ଏପରି କରି ବୟସ୍କ ଓ ମାନ୍ୟଗଣ୍ୟ ବ୍ୟକ୍ତିଙ୍କୁ ସମ୍ମାନ ପ୍ରଦର୍ଶନ କରିଥା’ନ୍ତି ।
- ଫଟୋ- ୬ରେ ଜଣେ ମହିଳା ପଡ଼ିଆରେ ଶାଢ଼ିକୁ ତଳେ ପକାଇ ଏବଂ ମୁଣ୍ଡ ପାଖରେ ଅନ୍ୟ ଏକ ଶାଢ଼ିକୁ ତକିଆ କରି ଶୋଇ ପାଇଛନ୍ତି । ନିକଟରେ ଗାଈଟିଏ ଚରୁଛି ।
ଅତଏବ ଏଥୁରୁ ପ୍ରତୀୟମାନ ହୁଏ ଯେ ଶାଢ଼ି କେବଳ ନାରୀଙ୍କ ପରିଧାନ ନୁହେଁ ବରଂ ଅନେକ ସମୟରେ ତାଙ୍କ ଦୈନନ୍ଦିନ କାର୍ଯ୍ୟରେ ବ୍ୟବହାର ହୋଇଥାଏ ।
Question 7.
ତୁମେ ଶାଢ଼ିର ଅଧ୍ବକ ବ୍ୟବହାର ବିଷୟରେ ଜାଣିଛ କି ଚିନ୍ତା କରି କୁହ ।
Answer:
ହଁ, ଶାଢ଼ିର ଅନ୍ୟାନ୍ୟ ବ୍ୟବହାର ହୋଇପାରିବ ।
- ଶାଢ଼ିକୁ ପର୍ଦା ଭାବରେ ବ୍ୟବହାର କରାଯାଇପାରିବ ।
- ଶାଢ଼ିକୁ ଗଣ୍ଠିଲି ଭାବରେ ବ୍ୟବହାର କରାଯାଇପାରିବ ।
- ଶାଢ଼ିକୁ ଥଣ୍ଡା ପାଗରେ ଶାଲ୍ କିମ୍ବା କମ୍ବଳ ଭଳି ବ୍ୟବହାର କରିହେବ ।
Question 8.
ଶାଢ଼ିର ଉଦାହରଣ ଭଳି ତୁମେ ଦେଖୁଥିବା ବିଭିନ୍ନ ଶୈଳୀର ଲୁଗା ଓ ଧୋତିର ବ୍ୟବହାର ଉପରେ ଏକ ତାଲିକା ପ୍ରସ୍ତୁତ କର । ତୁମେ କେଉଁ ସିଦ୍ଧାନ୍ତରେ ଉପନୀତ ହେଲା ?
Answer:
ଶାଢ଼ି ଭଳି ଧୋତିର ମଧ୍ୟ ଅନେକ ବ୍ୟବହାର ହୋଇଥାଏ । ଏହା ସାଧାରଣତଃ ପୁରୁଷମାନଙ୍କର ବସ୍ତ୍ର । ଏହା ସାଧାରଣ ସୂତା, ସିନ୍ଥେଟିକ୍ କି ସିଲ୍ ସୂତାରେ ବୁଣାଯାଇଥାଏ । ଭାରତବର୍ଷରେ ଏହାକୁ ଏକମାତ୍ର ପୁରୁଷ ଲୋକମାନେ ବ୍ୟବହାର କରିଥା’ନ୍ତି । ଭାରତବର୍ଷର ବିଭିନ୍ନ ରାଜ୍ୟରେ ପୁରୁଷ ଲୋକମାନେ ଭିନ୍ନ ଭିନ୍ନ ଢଙ୍ଗରେ ବ୍ୟବହାର କରିଥା’ନ୍ତି । ଅନେକ ବ୍ୟକ୍ତି ମଧ୍ଯ ପୂଜାପାର୍ବଣ ରୀତିନୀତି କାର୍ଯ୍ୟରେ ଧୋତି ପରିଧାନ କରିଥା’ନ୍ତି ।
ଗୋଟିଏ ଶାଢ଼ିକୁ ନାରୀମାନେ ନିଜର ଅପାଦମସ୍ତକରେ ଘୋଡ଼ାଇ ଥିଲାବେଳେ ପୁରୁଷମାନେ ଧୋତିକୁ କେବଳ ଅଣ୍ଟା ପର୍ଯ୍ୟନ୍ତ ଘୋଡ଼ାଇ ପିନ୍ଧିଥା’ନ୍ତି ଏବଂ ତା’ ଉପରେ ସେମାନେ ଏକ କୁର୍ତ୍ତା ପରିଧାନ କରିଥା’ନ୍ତି ।
ଧୋତି ଭଳି ଲୁଙ୍ଗିକୁ ମଧ୍ୟ ସମଗ୍ର ଭାରତବର୍ଷରେ ପୁରୁଷ ଲୋକମାନେ ସାର୍ବଜନୀନ ବ୍ୟବହାର କରିଥା’ନ୍ତି । ମହାରାଷ୍ଟ୍ରରେ ଏହାକୁ ଅଣ୍ଟାଠାରୁ ଅଳ୍ପ ତଳକୁ ଛୋଟ ଢଙ୍ଗରେ ଧୋତାର ରୂପେ ବ୍ୟବହାର ହୋଇଥାଏ, ଯେଉଁଥରେ ଅଣ୍ଟାର ଆଗପଟ ଏବଂ ପଛପଟରେ ପ୍ଲେଭଳି ସେମାନେ ବାନ୍ଧି ରଖୁ’ନ୍ତି । ଧୋତିକୁ ମଧ୍ୟ ପର୍ବପର୍ବାଣି ତଥା ପାରମ୍ପରିକ ନୃତ୍ୟ ସମୟରେ ମଧ୍ୟ ପୁରୁଷ ବ୍ୟକ୍ତିମାନେ ପରିଧାନ କରିଥା’ନ୍ତି । ଏହା ବିଶେଷତଃ ଦକ୍ଷିଣ ଭାରତରେ ଦେଖିବାକୁ ମିଳିଥାଏ ।
ଭାରତର ବିଭିନ୍ନ ଅଞ୍ଚଳରେ ଧୋତିର ନାମକରଣ ମଧ୍ଯ ଭିନ୍ନ ଭିନ୍ନ ହୋଇଥାଏ । ଆମ ଦେଶର ଆସାମ ରାଜ୍ୟରେ ଧୋତିକୁ ମେଖଲା, କେରଳରେ ମୁଣ୍ଡୁ ଏବଂ ସମଗ୍ର ଦକ୍ଷିଣ ଭାରତରେ ଭେସ୍ତି ବୋଲି କହିଥା’ନ୍ତି ।
ସର୍ବଶେକ୍ଷରେ ଏହା କୁହାଯାଇପାରେ ଯେ ଧୋତି ଆମ ଦେଶରେ ବିଭିନ୍ନ କାର୍ଯ୍ୟକ୍ରମ, ପର୍ବପର୍ବାଣି, ବାହାଘର ଆଦି ଧର୍ମୀୟ କାର୍ଯ୍ୟରେ ବହୁଳ ବ୍ୟବହାର ହୋଇଥାଏ । ଏହାକୁ ମଧ୍ୟ ଅନେକ ବୟସ୍କ ବ୍ୟକ୍ତି ସାଧାରଣ ଭାବରେ ବ୍ୟବହାର କରିଥା’ନ୍ତି । ଆମ ଦେଶର ଅଧିକାଂଶ ଲୋକଙ୍କର ଧୋତି ପିନ୍ଧିବାର ପସନ୍ଦ, କିନ୍ତୁ ବିଭିନ୍ନ ଆଞ୍ଚଳିକ ପ୍ରଥା, ପରମ୍ପରା ଅନୁସାରେ ସେମାନେ ଏହା ପରିଧାନ କରିଥା’ନ୍ତି ।
Question 9.
ତୁମର ପ୍ରିୟ ପର୍ବର ନାମ କ’ଣ ? ଏହା ତୁମ ଅଞ୍ଚଳରେ କିପରି ପାଳନ କରାଯାଏ ? ଏହା ଭାରତର ଅନ୍ୟ କୌଣସି ସ୍ଥାନରେ ଭିନ୍ନ ନାମରେ ପାଳନ କରାଯାଏ ବୋଲି ତୁମେ ଜାଣ କି ?
Answer:
(i) ମୋର ପ୍ରିୟ ପର୍ବର ନାମ ଦୁର୍ଗାପୂଜା । ଏହିଦିନ ଦେବୀ ଦୁର୍ଗାଙ୍କୁ ପୂଜା ଅର୍ଚ୍ଚନା କରାଯାଏ । କୋଲକତା, ବିହାର, ଆସାମ, ଓଡ଼ିଶା, ତ୍ରିପୁରା ଏବଂ ଭାରତର ଅନ୍ୟାନ୍ୟ ଅନେକ ଅଞ୍ଚଳରେ ଦୁର୍ଗାପୂଜା ମହାସମାରୋହରେ ପାଳିତ ହୁଏ ।
(ii) ଦୁର୍ଗାପୂଜା ସମୟରେ ମଣ୍ଡପ ବହୁତ ସୁନ୍ଦର ଭାବେ ସଜାଯାଏ । ମା’ ଦୁର୍ଗାଙ୍କ ସହିତ ଲକ୍ଷ୍ମୀ, ସରସ୍ଵତୀ, ଗଣେଶ, କାର୍ତ୍ତିକେୟ ଆଦି ଠାକୁରଙ୍କ ମୂର୍ତ୍ତିମାନ ମଧ୍ୟ ଏହି ମଣ୍ଡପରେ ପୂଜା ପାଆନ୍ତି ।
(iii) ଦଶହରା ପୂଜା ବା ଦୁର୍ଗାପୂଜା ମହାଳୟାଠାରୁ ଆରମ୍ଭ ହୋଇଥାଏ । ବିଭିନ୍ନ ପ୍ରକାର ସାଂସ୍କୃତିକ ସମାରୋହ ପ୍ରତ୍ୟେକ ଦିନ ପୂଜା ସରିଲାପରେ ରାତିରେ ପାଳନ କରାଯାଏ । ନାଚଗୀତର ବଡ଼ ଆସର ଜମେ । ଖେଚେଡ଼ି, ମିଠା, ସନ୍ଦେଶ, ରସଗୋଲା ଆଦି ‘ମା’ଙ୍କୁ ପୂଜାରେ ସମର୍ପଣ କରାଯାଏ ।
(iv) ଦଶହରା ପୂଜା ଦଶଦିନଯାଏଁ ପାଳିତ ହୁଏ । ପୂଜାର ଶେଷଦିନ ଅର୍ଥାତ୍ ବିଜୟା ଦଶମୀ ଦିନ ଦଶଦିନ ଧରି ମା’ ଦୁର୍ଗାଙ୍କର ପୂଜା ହେବାପରେ ଶେଷରେ ମା’ଙ୍କୁ ନିକଟସ୍ଥ ପୋଖରୀରେ ବିସର୍ଜନ କରାଯାଏ । ଏହିଦିନ ବହୁତ ବଡ଼ ଉତ୍ସବ ହୋଇଥାଏ ।
(v) ଦଶହରା ପର୍ବ ଦେଶର ବିଭିନ୍ନ କୋଣରେ ବିଭିନ୍ନ ନାମରେ ପରିଚିତ । ଉତ୍ତର ପ୍ରଦେଶରେ ତଥା ଉତ୍ତର ଭାରତରେ ଏହି ପୂଜା ନନରାତ୍ରି ନାମରେ, କର୍ଣ୍ଣାଟକରେ ଦଶହରା, ଗୁଜରାଟରେ ନବରାତ୍ରି, ମହାରାଷ୍ଟ୍ରରେ ନବରାତ୍ରି ଏବଂ ହିମାଚଳ ପ୍ରଦେଶରେ କୁଲୁ ଦଶହରା ନାମରେ ପାଳିତ ହୋଇଥାଏ ।
Question 10.
ଅକ୍ଟୋବର–ନଭେମ୍ବର ମାସରେ ଭାରତରେ ଅନେକ ପ୍ରମୁଖ ପର୍ବ ପାଳନ କରାଯାଏ । ଦେଶର ବିଭିନ୍ନ ସ୍ଥାନରେ ଥିବା ଅଳ୍ପ କେତୋଟି ମୁଖ୍ୟ ପର୍ବ ଏବଂ ସେମାନଙ୍କର ବିଭିନ୍ନ ନାମର ଏକ ତାଲିକା ପ୍ରସ୍ତୁତ କର ।
Answer:
ଅକ୍ଟୋବର–ନଭେମ୍ବର ମାସରେ ଅନେକଗୁଡ଼ିଏ ମୁଖ୍ୟ ପର୍ବ ଭାରତରେ ପାଳନ କରାଯାଏ । ନିମ୍ନରେ ସେହି ପର୍ବଗୁଡ଼ିକର ନାମ ସହିତ ସେହି ପର୍ବର ଆଞ୍ଚଳିକ ନାମଗୁଡ଼ିକ ଦର୍ଶାଯାଇଛି ।
(୧) ଦୀପାବଳୀ – (ଦିୱାଲୀ)
ଉତ୍ତର ଭାରତ – ଦିଲୀ ଦକ୍ଷିଣ ଭାରତ – ଦୀପାବଳୀ
ପଶ୍ଚିମ ଭାରତ (ମହାରାଷ୍ଟ୍ର) – ଦିଲୀ ପଶ୍ଚିମ ଭାରତ – ଲକ୍ଷ୍ମୀପୂଜା
ପୂର୍ବ ଭାରତ (ବେଙ୍ଗଲ)- କାଳୀପୂଜା, ଶ୍ୟାମାପୂଜା
(୨) ଦଶହରା (ବିଜୟା ଦଶମୀ)
ଉତ୍ତର ଭାରତ – ଦଶହରା ଦକ୍ଷିଣ ଭାରତ (କର୍ଣ୍ଣାଟକ) – ଦଶହରା
ପଶ୍ଚିମ ଭାରତ – ଦୁର୍ଗାପୂଜା ମହାରାଷ୍ଟ୍ର – ଦଶହରା
ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନା – ବିଜୟା ଦଶମୀ
(୩) ଭାଇ ଦୁଜ
ଉତ୍ତର ଭାରତ – ଭାଇ ଦୁଜ୍ ପଶ୍ଚିମ ଭାରତ – ଭାଇ ଫୋଣ୍ଟା
ମହାରାଷ୍ଟ୍ର – ଭାଇ ବୀଜ୍ ଗୁଜରାଟ – ଭାଇ ବୀଜ୍
(୪) ଛଠ୍ ପୂଜା –
ବିହାର, ଝାଡ଼ଖଣ୍ଡ – ଛଠ୍ପୂଜା ଉତ୍ତର ପ୍ରଦେଶ – ସୂର୍ଯ୍ୟ ଶାସ୍ତ୍ର
ଶେଷରେ ଏତିକି କୁହାଯାଇପାରେ ଯେ ଆମ ଦେଶ ଭାରତରେ ଏକ ସାଂସ୍କୃତିକ ବୈଷମ୍ୟ ରହିଛି । ପ୍ରତିଟି ପର୍ବ ତା’ର ନିଜସ୍ଵ ପ୍ରଥା, ତୀତିନୀତି ଅନୁସାରେ ଅନୁଷ୍ଠିତ ହୋଇଥାଏ । ଏହା ସତ୍ତ୍ବେ ପ୍ରତିଟି ସାଂସ୍କୃତିକ କାର୍ଯ୍ୟକ୍ରମ ଆନନ୍ଦ, ଉକ୍ତି ଏବଂ ଗୋଷ୍ଠୀଗତ ଭାବନାଦ୍ଵାରା ସମସ୍ତଙ୍କୁ ଏକ ଡୋରୀରେ ବାନ୍ଧି ରଖୁଥାଏ, ଯାହାର ପ୍ରକୃତ ଭାବ ହେଉଛି ଅନେକରେ ଏକ ବା ଏକତ୍ଵ ।
Question 11.
ଶ୍ରେଣୀରେ ଏକ ଆଲୋଚନାରେ, ଉପରୋକ୍ତ ଚିତ୍ର ୮.୬ରେ ଦର୍ଶାଯାଇଥିବା ଘଟଣାବଳୀ ଏବଂ ଏହା ସହିତ ଜଡ଼ିତ ଗୁରୁତ୍ଵପୂର୍ଣ୍ଣ ବିବରଣୀକୁ ଚିହ୍ନଟ କରିବାକୁ ଚେଷ୍ଟା କର ।
Answer:
ପ୍ରଦତ୍ତ ଚିତ୍ର ଅଷ୍ଟାଦଶ ଶତାବ୍ଦୀର ହିମାଚଳ ପ୍ରଦେଶର ଯାହା ରାମାୟଣର ଏକ ଘଟଣାକୁ ଦର୍ଶାଇଛି । ଚିତ୍ରରେ ଦର୍ଶାଯାଇଛି ଯେ ଲଙ୍କାର ରାଜା ରାବଣ ଦେବୀ ସୀତାଙ୍କୁ ଏକ ରଥରେ ହରଣ କରି ନେଇଯାଉଛି । ଅନ୍ୟ ଏକ ଐଶ୍ଵରୀୟ ଶାଗୁଣା ପକ୍ଷୀ ଜଟାୟୁର ଚିତ୍ର ଦର୍ଶାଯାଇଛି ଯେକି ମାତା ସୀତାଙ୍କୁ ଉଦ୍ଧାର କରିବାପାଇଁ ରାବଣ ସହିତ ଯୁଦ୍ଧ କରୁଛି । ଅଧୂକନ୍ତୁ ସେ ଘଟଣାଚକ୍ରରେ କ୍ଷତବିକ୍ଷତ ହେଉଛି ଏବଂ ତା’ର କାର୍ଯ୍ୟରେ ସଫଳ ହୋଇପାରି ନାହିଁ ।
ଏହି ଦୃଶ୍ୟର ଗୁରୁତ୍ଵ ରାମାୟଣ କାହାଣୀର ଏକ ପରିବର୍ତ୍ତନର ସମୟ । ରାକ୍ଷସ ରାବଣଦ୍ଵାରା ଦେବୀ ସୀତାଙ୍କ ହରଣ ପ୍ରଭୁ ରାମଚନ୍ଦ୍ରଙ୍କୁ ତାଙ୍କ ଉଦ୍ଧାର କାର୍ଯ୍ୟ ପାଇଁ ଅନ୍ଵେଷଣ କରିବାକୁ ପଡ଼ିଛି । ସର୍ବଶେଷରେ ପୁରାଣରେ ବର୍ଣ୍ଣିତ ଅଛି ଯେ ପ୍ରଭୁ ରାମ ରାକ୍ଷସ ରାବଣ ଉପରେ ବିଜୟପ୍ରାପ୍ତ କରି ପାପର ବିନାଶ ଘଟାଇବା ସହ ଧର୍ମ ସ୍ଥାପନ କରିଛନ୍ତି । ସର୍ବଶେଷରେ ଦେବୀ ସୀତା ଉଦ୍ଧାର ହୋଇ ସ୍ଵାମୀ ରାମଚନ୍ଦ୍ର ଏବଂ ଦିଅର ଲକ୍ଷ୍ମଣଙ୍କ ସହିତ ଅଯୋଧ୍ୟାରେ ପ୍ରବେଶ କରିଛନ୍ତି ।
ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନୋତ୍ତର
Question 1.
ଭାରତ ତା’ର ବିବିଧତା ପାଇଁ କେଉଁ କ୍ଷେତ୍ରରେ ପ୍ରସିଦ୍ଧ ?
Answer:
ଭାରତ ତା’ର ବିବିଧତା ପାଇଁ ଧର୍ମ, ଭାଷା, ସଂସ୍କୃତି, ଖାଦ୍ୟ ବେଶପୋଷାକ, ପର୍ବପର୍ବାଣି, ପ୍ରଥା ଓ ପରମ୍ପରା ଏବଂ ଭୌଗୋଳିକ ବୈଶିଷ୍ଟ୍ୟ କ୍ଷେତ୍ରରେ ପ୍ରସିଦ୍ଧିଲାଭ କରିଛି ।
Question 2.
ଭାରତୀୟ ଖାଦ୍ୟରେ କେଉଁ ପ୍ରକାର ବିଭିନ୍ନତା ଦେଖାଯାଏ ?
Answer:
ଭାରତରେ ଖାଦ୍ୟପେୟରେ ଅନେକ ବିଭିନ୍ନତା ଦେଖାଯାଏ । ଉଭୟ ଆମିଷ ଓ ନିରାମିଷ ଖାଦ୍ୟ ଭାରତୀୟମାନେ ଖାଇଥା’ନ୍ତି । ଦକ୍ଷିଣ ଭାରତରେ ଲୋକମାନେ ପ୍ରାୟ ନିରାମିଷ ଖାଦ୍ୟ ଖାଆନ୍ତି । କିନ୍ତୁ ସେମାନଙ୍କ ଖାଦ୍ୟରେ ସେମାନେ ଘିଅ, ଦହି ଓ ଲହୁଣୀ ନେଇଥା’ନ୍ତି । ସେହିପରି ଉତ୍ତର ଭାରତରେ ମଧ୍ୟ ଉଭୟ ନିରାମିଷ ଓ ଆମିଷ ଭୋଜନ କରିଥା’ନ୍ତି । କିନ୍ତୁ ସେମାନଙ୍କ ଖାଦ୍ୟ ଅଧିକ ମସଲାଯୁକ୍ତ ହୋଇଥାଏ । ସର୍ବୋପରି ଭାରତୀୟମାନେ ଧାନ, ଗହମ, ବାଜରା ଏବଂ ଡାଲି ଜାତୀୟ ଶସ୍ୟକୁ ପ୍ରଧାନ ଖାଦ୍ୟରୂପେ ଖାଇଥା’ନ୍ତି ।
Question 3.
ଭାରତର ବିଭିନ୍ନ ଅଞ୍ଚଳରେ ପ୍ରଧାନ ଖାଦ୍ୟରେ କିପରି ତାରତମ୍ୟ ଦେଖାଯାଏ ?
Answer:
ଧାନ ଦକ୍ଷିଣ ଭାରତ ଏବଂ ପୂର୍ବାଞ୍ଚଳ ରାଜ୍ୟମାନଙ୍କରେ ପ୍ରଧାନ ଖାଦ୍ୟ ଏବଂ ପଶ୍ଚିମ ଭାରତରେ ପ୍ରଧାନ ଖାଦ୍ୟ ଅଟେ । ଗହମରୁ ରୋଟି, ଖାଦ୍ୟ ପ୍ରସ୍ତୁତ ହୁଏ ।
ହୋଇଥିଲାବେଳେ ଗହମ ଉତ୍ତର ଚପାତି ଏବଂ ପରଟା ଆଦି ବିଭିନ୍ନ
Question 4.
ଭାରତରେ କିପରି ଜଳବାୟୁ ଦୃଷ୍ଟିରୁ ବେଶପୋଷାକରେ ବିଭିନ୍ନତା ଦେଖାଦେଇଥାଏ ?
Answer:
ଭାରତରେ ଜଳବାୟୁ ଦୃଷ୍ଟିରୁ ଉଷ୍ମ ଜଳବାୟୁ ଥିବା ଅଞ୍ଚଳରେ ଜନସାଧାରଣ ସୂତା ଏବଂ ହାଲୁକା ବସ୍ତ୍ର ପରିଧାନ କରିଥା’ନ୍ତି ସେହିପରି ଥଣ୍ଡା ଅଞ୍ଚଳରେ ଲୋକମାନେ ଉଲ୍, ସିଲ୍କରୁ ନିର୍ମିତ ବସ୍ତ୍ର ପରିଧାନ କରିଥା’ନ୍ତି ।
Question 5.
ଭାରତୀୟମାନଙ୍କ ପ୍ରଧାନ ଖାଦ୍ୟରେ ଭିନ୍ନତା ଦେଖାଯାଏ କାହିଁକି ?
Answer:
ଭାରତ ଏକ ଉପମହାଦେଶ ହୋଇଥିବାରୁ ଏହାର ବିଭିନ୍ନ ଅଞ୍ଚଳରେ ପାଣିପାଗ ଓ ଭୂମିରୂପ ଅନୁଯାୟୀ ବିଭିନ୍ନ ଫସଲ ଚାଷ କରି ଅମଳ କରାଯାଇଥାଏ । ସେଥିପାଇଁ ଭାରତୀୟମାନଙ୍କ ପ୍ରଧାନ ଖାଦ୍ୟରେ ଭିନ୍ନତା ଦେଖାଯାଇଥାଏ ।
Question 6.
ଭାରତର କିଛି ବିବିଧତା ସମ୍ପର୍କରେ ଉଲ୍ଲେଖ କର ।
Answer:
ଭାରତର ମୁଖ୍ୟ ବିବିଧତା ଭାଷା, ଧର୍ମ ଏବଂ ତା’ର ଭୌଗୋଳିକ ଅବସ୍ଥିତି କ୍ଷେତ୍ରରେ ଦେଖାଯାଇଥାଏ । ଭାଷା ଦୃଷ୍ଟିରୁ ବିଚାର କଲେ ପ୍ରାୟ ୨୨ଟି ସ୍ଵୀକୃତିପ୍ରାପ୍ତ ଭାଷା ଥିଲାବେଳେ ୧୬୦୦ କଥିତ ଭାଷା ରହିଛି ।
ସେହିପରି ଧର୍ମ ଦୃଷ୍ଟିକୋଣରୁ ଅନେକ ପ୍ରସିଦ୍ଧ ଧର୍ମର ଲୋକମାନେ ଭାରତରେ ବସବାସ କରନ୍ତି । ସେଗୁଡ଼ିକ ହେଲା- ହିନ୍ଦୁଧର୍ମ, ଇସଲାମ୍ ଧର୍ମ, ଶିଙ୍ଖଧର୍ମ, ବୌଦ୍ଧଧର୍ମ, ଖ୍ରୀଷ୍ଟଧର୍ମ, ଜୈନଧର୍ମ ଏବଂ ଅନ୍ୟାନ୍ୟ ଧର୍ମ ।
ଭୌଗୋଳିକ ଦୃଷ୍ଟିକୋଣରୁ ଭାରତର ଉତ୍ତରରେ ହିମାଳୟ ପର୍ବତଶ୍ରେଣୀ ରହିଥିଲାବେଳେ ପୂର୍ବ, ଦକ୍ଷିଣ ଏବଂ ପଶ୍ଚିମରେ ଉପକୂଳ ଅଞ୍ଚଳ ରହିଛି । ସେହିପରି ଉତ୍ତର ପଶ୍ଚିମରେ ମରୁଭୂମି ରହିଛି । ପ୍ରାୟ ସମସ୍ତ ସ୍ଥାନରେ ସବୁଜିମା ଭରି ରହିଥିଲାବେଳେ ଅନେକ ପ୍ରକାରର ଉଭିଦ ଏବଂ ପ୍ରାଣୀ ରହିଛନ୍ତି ।
Question 7.
ଭାରତକୁ କାହିଁକି ପର୍ବପର୍ବାଣିର ଦେଶ କୁହାଯାଏ ?
Answer:
ଭାରତକୁ ପର୍ବପର୍ବାଣିର ଦେଶ କୁହାଯାଏ କାରଣ ଏହି ଦେଶରେ ବର୍ଷସାରା ବିଭିନ୍ନ ପ୍ରକାରର ପର୍ବ ପାଳନ କରାଯାଇଥାଏ । ଦୀପାବଳୀ, ହୋଲି, ଦଶହରା, ମକର ସଂକ୍ରାନ୍ତି, ପୋଙ୍ଗଲ, ଓନମ୍, ବିହୁ, ଗଣେଶ, ଚତୁର୍ଥୀ, ଖ୍ରୀଷ୍ଟମାସ, ଇଦ୍ ଆଦି କେତେକ ପ୍ରଧାନ ପର୍ବ ଦେଶର ଭିନ୍ନ ଭିନ୍ନ କୋଣରେ ପାଳନ କରାଯାଇଥିବାରୁ ଏହାକୁ ପର୍ବପର୍ବାଣିର ଦେଶ କୁହାଯାଏ ।
Question 8.
ରାମାୟଣର ମୁଖ୍ୟ ବିଷୟବସ୍ତ କ’ଣ ଥିଲା ?
Answer:
- ରାମାୟଣ ଏକ ମହାକାବ୍ୟ । ଏହା ବାଲ୍ମିକୀଙ୍କଦ୍ଵାରା ରଚିତ ହୋଇଥିଲା । ଏହି କାବ୍ୟର ବର୍ଣ୍ଣନା ଅନୁସାରେ ପ୍ରଭୁ ଶ୍ରୀରାମ ଦୁଷ୍ଟ ରାବଣକୁ ବଧ କରି ମାତା ସୀତାଙ୍କୁ ଅଯୋଧ୍ୟା ଫେରାଇ ଆଣିଥିଲେ ।
- ଏହି କାବ୍ୟ ଅଧର୍ମ ଉପରେ ଧର୍ମର ବିଦାୟ ସୂଚାଇଥାଏ ।
- ଏହା ଆମକୁ କର୍ଭବ୍ୟ, ସମ୍ମାନ, ତ୍ୟାଗ ଇତ୍ୟାଦି ନୈତିକତା ଶିକ୍ଷା ଦେଇଥାଏ, ଯାହାକି ଭାରତୀୟ ସଂସ୍କୃତିର ମୂଳପିଣ୍ଡ ଅଟେ ।
Question 9.
ଭାରତର ମୁଖ୍ୟ ଖାଦ୍ୟଶସ୍ୟଗୁଡ଼ିକ କ’ଣ ?
Answer:
ଧାନ– ଏହା ଅଧିକାଂଶ ଭାରତୀୟ ବିଶେଷ କରି ଦକ୍ଷିଣ ଭାରତ ଏବଂ ପୂର୍ବ ଭାରତରେ ଲୋକମାନେ ଖାଇଥା’ନ୍ତି ।
ଗହମ— ଏହା ମୁଖ୍ୟତଃ ପ୍ରଧାନ ଖାଦ୍ୟଭାବେ ଉତ୍ତର ଏବଂ ମଧ୍ୟଭାରତରେ ଲୋକମାନେ ଖାଇଥା’ନ୍ତି ।
ମାଣ୍ଡିଆ – ଏହା ବାଜରା, ଯଅ, ରାଗୀ, ଇତ୍ୟାଦି ଅଟେ । ରାଜସ୍ଥାନ, ମହାରାଷ୍ଟ୍ର ଏବଂ କର୍ଣ୍ଣାଟକର ଏହା ମୁଖ୍ୟ ଖାଦ୍ୟ ଅଟେ ।
ଡାଲି – ମୁଗ, ହରଡ଼, ଚଣା, ମସୁର ଇତ୍ୟାଦି ଡାଲି ଜାତୀୟ ଫସଲ ଅଟେ । ଏହାକୁ ସର୍ବଭାରତୀୟ ସ୍ତରରେ ଲୋକ ଖାଇଥା’ନ୍ତି ।
ଶୂନ୍ୟସ୍ଥାନ ପୂରଣ କର ।
Question 1.
ଭାରତ ଏକ ଅନେକ ___________ ର ଦେଶ ।
Answer:
ବିବିଧତା
Question 2.
ଖାଦ୍ୟପେୟରେ ବିଭିନ୍ନତା ଭାରତର ______________ କୁ ପ୍ରତିଫଳିତ କରେ ।
Answer:
ଏକତ୍ଵ
Question 3.
ଭାରତୀୟ ନାରୀମାନଙ୍କର ପାରମ୍ପରିକ ପୋଷାକ ହେଉଛି _____________ |
Answer:
ଶାଢ଼ି
Question 4.
ଆଲୋକର ପର୍ବ ଭାବରେ ସାରା ଭାରତରେ ___________ ପାଳନ କରାଯାଏ ।
a
ଦୀପାବଳୀ
Question 5.
____________ ପର୍ବ କେରଳରେ ଫସଲ ଅମଳ ପର୍ବ ଭାବରେ ପାଳନ କରାଯାଏ ।
Answer:
ଓନମ୍
Question 6.
ଭାରତବର୍ଷର ରାମାୟଣ ଓ ମହାଭାରତ ଦୁଇଟି ପ୍ରସିଦ୍ଧ ______________ ଅଟେ ।
Answer:
ମହାକାବ୍ୟ
Question 7.
ମସଲାଯୁକ୍ତ ଖାଦ୍ୟ ଭାରତର ________________ ଅଞ୍ଚଳର ଲୋକେ ଖାଇଥା’ନ୍ତି ।
Answer:
ଉତ୍ତର
Question 8.
କେରଳରେ ପାଳିତ ହେଉଥିବା ପର୍ବମାନଙ୍କ ମଧ୍ୟରେ ___________ ପର୍ବ ପ୍ରଧାନ ଅଟେ ।
Answer:
ଓନମ୍
Question 9.
ସପ୍ତଦଶ ଶତାବ୍ଦୀରେ ୟୁରୋପରେ ___________ ନାମକ ଏକ ପ୍ରକାର ସୁନ୍ଦର ଚିତ୍ର ଥିବା କପଡ଼ା ଏତେ ଲୋକପ୍ରିୟ ହୋଇଥିଲା ଯେ କିଛି ୟୁରୋପୀୟ ପୋଷାକର ବିକ୍ରି ଦ୍ରୁତଗତିରେ ହ୍ରାସ ପାଇଥିଲା ।
Answer:
ଛିଟଲୁଗା ।
ନିମ୍ନଲିଖ ମଧ୍ୟରୁ ସଠିକ୍ ଉତ୍ତର ବାଛି ଲେଖ ।
Question 1.
ନିମ୍ନଲିଖୁ କେଉଁଟି ଭାରତ ବିଭିନ୍ନ ଜନସଂଖ୍ୟାକୁ ଦାନ କରିଛି ?
(କ) ବିଭିନ୍ନ ଭାଷା କହୁଥିବା ଅଞ୍ଚଳ
(ଖ) ବିଭିନ୍ନ ଜଳବାୟୁ ଥିବା ଅଞ୍ଚଳ
(ଗ) ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରାଯାଉଥିବା ଅଞ୍ଚଳ
(ଘ) ଉପରୋକ୍ତ ସମସ୍ତ ଉତ୍ତର ଠିକ୍
Answer:
(ଘ) ଉପରୋକ୍ତ ସମସ୍ତ ଉତ୍ତର ଠିକ୍
Question 2.
ମିରଗାନ୍ ଶାଢ଼ି କେଉଁ ଅଞ୍ଚଳର ପାରମ୍ପରିକ ଶାଢ଼ି ଅଟେ ?
(କ) ରଘୁରାଜପୁର
(ଖ) କୋଟପାଡ଼
(ଗ) ସମ୍ବଲପୁର
(ଘ) ବ୍ରହ୍ମପୁର
Answer:
(ଖ) କୋଟପାଡ଼
Question 3.
ବିଶ୍ଵରେ ସବୁଠାରୁ ଭଲ କପା ଉତ୍ପାଦନ ହେଉଥିବା ଦେଶ ___________ |
(କ) ପାକିସ୍ତାନ
(ଖ) ଭାରତ
(ଗ) ଆମେରିକା
(ଘ) ଜାପାନ
Answer:
(ଖ) ଭାରତ
Question 4.
ମକର ସଂକ୍ରାନ୍ତି _____________ ଦିନ ପାଳନ କରାଯାଏ ।
(କ) ଜାନୁୟାରୀ ୬
(ଖ) ଜାନୁୟାରୀ ୧୪
(ଗ) ଜାନୁୟାରୀ ୨୯
(ଘ) ଫେବୃୟାରୀ ୪
Answer:
(ଖ) ଜାନୁୟାରୀ ୧୪
Question 5.
କେ. ଏସ୍. ସିଂହ କିଏ ?
(କ) ନୃତତ୍ତ୍ବବିତ୍
(ଖ) ପ୍ରନୃତତ୍ତ୍ବବିତ୍
(ଗ) ଐତିହାସିକ
(ଘ) ପ୍ରଶାସକ
Answer:
(କ) ନୃତତ୍ତ୍ବବିତ୍
Question 6.
କେଉଁ ଅଞ୍ଚଳର ପଟ୍ଟଚିତ୍ର ଶାଢ଼ି ଭାରତ ପ୍ରସିଦ୍ଧ ?
(କ) କୋଟପାଡ଼
(ଖ) ସାଲେପୁର
(ଗ) ରଘୁରାଜପୁର
(ଘ) ବ୍ରହ୍ମପୁର
Answer:
(ଗ) ରଘୁରାଜପୁର
Question 7.
ବିଶ୍ଵରେ ସବୁଠାରୁ ଭଲ କପା ଉତ୍ପାଦନ କରୁଥିବା ଦେଶ ___________ ଥିଲା ।
(କ) ଆମେରିକା
(ଖ) ଜାପାନ
(ଗ) ଭାରତ
(ଘ) ଇଂଲଣ୍ଡ
Answer:
(ଗ) ଭାରତ
Question 8.
ଇଂଲଣ୍ଡ ଓ ଫ୍ରାନ୍ସ ଭାରତର କେଉଁ ଜିନିଷର ଆମଦାନୀ ଉପରେ ପ୍ରତିବନ୍ଧକ ଲଗାଇବାକୁ ନିଷ୍ପଭି ନେଇଥିଲେ ?
(କ) ସିଲ୍ ଲୁଗା
(ଖ) ସୁନା ଅଳଙ୍କାର
(ଗ) ଛିଟ ଲୁଗା
(ଘ) ମାଳି
Answer:
(ଗ) ଛିଟ ଲୁଗା
Question 9.
ଭାରତର ଅଧିକାଂଶ ଅଞ୍ଚଳର ମୁଖ୍ୟ ଖାଦ୍ୟ କ’ଣ ଥିଲା ?
(କ) ମାଂସ
(ଖ) ଚାଉଳ
(ଗ) ମଇଦା
(ଘ) ଆଖୁ
Answer:
(ଖ) ଚାଉଳ
Question 10.
ନିମ୍ନୋକ୍ତ ମଧ୍ୟରୁ କେଉଁଟି ଏକ ଶସ୍ୟ ଅମଳ ପର୍ବ, ଯାହା ଭାରତର କିଛି ଭାଗରେ ପାଳିତ ହୁଏ ?
(କ) ହୋଲି
(ଖ) ଦଶହରା
(ଗ) ପୋଙ୍ଗଲ
(ଘ) ଇଦ୍-ଉଲ୍-ଫିତର୍
Answer:
(ଗ) ପୋଙ୍ଗଲ
ଭୁଲ୍ ଥିଲେ ଠିକ୍ କର ।
Question 1.
ଖାଦ୍ୟପେୟର ବିଭିନ୍ନତା ଭାରତର ଭିନ୍ନତାକୁ ପ୍ରତିଫଳିତ କରେ ।
Answer:
ଭୁଲ୍ : ଖାଦ୍ୟପେୟର ବିଭିନ୍ନତା ଭାରତର ଏକତ୍ଵକୁ ପ୍ରତିଫଳିତ କରେ ।
Question 2.
ଭାରତୀୟ ନାରୀମାନଙ୍କର ପାରମ୍ପରିକ ପୋଷାକ କହିଲେ ସାଲୱାର ସୁଟ୍କୁ ବୁଝାଇଥାଏ ।
Answer:
ଭୁଲ୍ : ଭାରତୀୟ ନାରୀମାନଙ୍କର ପାରମ୍ପରିକ ପୋଷାକ କହିଲେ ଶାଢ଼ିକୁ ବୁଝାଇଥାଏ ।
Question 3.
ଆମ ଦେଶ ଭାରତରେ ଆଲୋକର ପର୍ବ କହିଲେ ଗଣେଶ ପୂଜାକୁ ବୁଝାଇଥାଏ ।
Answer:
ଭୁଲ୍ : ଆମ ଦେଶ ଭାରତରେ ଆଲୋକର ପର୍ବ କହିଲେ ଦୀପାବଳୀକୁ ବୁଝାଇଥାଏ ।
Question 4.
ରଘୁରାଜପୁର ସମ୍ବଲପୁର ଶାଢ଼ି ପାଇଁ ପ୍ରସିଦ୍ଧ ।
Answer:
ଭୁଲ୍ : ରଘୁରାଜପୁର ପଟ୍ଟଚିତ୍ର ଶାଢ଼ିପାଇଁ ପ୍ରସିଦ୍ଧ ।
Question 5.
‘ପିପୁଲ ଅଫ୍ ଇଣ୍ଡିଆ ପ୍ରୋଜେକ୍ଟ’ ନାମକ ଏକ ବିଶାଳ ସର୍ବେକ୍ଷଣରେ ୫୨୫ଟି ଭାଷା ଗଣନା କରାଯାଇଥିଲା ।
Answer:
ଭୁଲ୍ : ‘ପିପୁଲ ଅଫ୍ ଇଣ୍ଡିଆ ପ୍ରୋଜେକ୍ଟ’ ନାମକ ଏକ ବିଶାଳ ସର୍ବେକ୍ଷଣରେ ୩୨୫ଟି ଭାଷା ଗଣନା କରାଯାଇଥିଲା ।
‘କ’ ସ୍ତମ୍ଭ ସହ ‘ଖ’ ସ୍ତମ୍ଭ ମିଳନ କର ।
| ‘କ’ ସ୍ତମ୍ଭ | ‘ଖ’ ସ୍ତମ୍ଭ |
| ଅଷ୍ଟ୍ରୋପୋଲଜିକାଲ୍ ସର୍ଭେ ଅଫ୍ ଇଣ୍ଡିଆ | ମସଲା |
| ଜିରା | ରଘୁରାଜପୁର |
| ପଟ୍ଟଚିତ୍ର ଶାଢ଼ି | ୟୁରୋପ |
| କେରଳ | ବ୍ରହ୍ମପୁର |
| ଜାନୁୟାରୀ ୧୪ | ମହାକାବ୍ୟ |
| ଛିଟଲୁଗା | ଓନମ୍ |
| ବ୍ରହ୍ମପୁରୀ ପାଟ | ପିପୁଲ୍ ଅଫ୍ ଇଣ୍ଡିଆ ପ୍ରୋଜେକ୍ଟ |
| ରାମାୟଣ | ମକର ସଂକ୍ରାନ୍ତି |
Answer:
| ‘କ’ ସ୍ତମ୍ଭ | ‘ଖ’ ସ୍ତମ୍ଭ |
| ଅଷ୍ଟ୍ରୋପୋଲଜିକାଲ୍ ସର୍ଭେ ଅଫ୍ ଇଣ୍ଡିଆ | ପିପୁଲ୍ ଅଫ୍ ଇଣ୍ଡିଆ ପ୍ରୋଜେକ୍ଟ |
| ଜିରା | ମସଲା |
| ପଟ୍ଟଚିତ୍ର ଶାଢ଼ି | ରଘୁରାଜପୁର |
| କେରଳ | ଓନମ୍ |
| ଜାନୁୟାରୀ ୧୪ | ମକର ସଂକ୍ରାନ୍ତି |
| ଛିଟଲୁଗା | ୟୁରୋପ |
| ବ୍ରହ୍ମପୁରୀ ପାଟ | ବ୍ରହ୍ମପୁର |
| ରାମାୟଣ | ମହାକାବ୍ୟ |