Odisha State Board BSE Odisha 7th Class Odia Solutions Chapter 12 ସଡ଼କ ନିରାପତ୍ତା Textbook Exercise Questions and Answers.
BSE Odisha Class 7 Odia Solutions Chapter 12 ସଡ଼କ ନିରାପତ୍ତା
ପାଠ୍ୟପୁସ୍ତକସ୍ଥ ଅଭ୍ୟାସ କାର୍ଯ୍ୟର ଉତ୍ତର
Question ୧।
ଉତ୍ତର କୁହ ।
(କ) ଯାତାୟାତ ପାଇଁ ଆମେ କେଉଁସବୁ ଯାନ ବ୍ୟବହାର କରିଥାଉ ?
Answer:
ଯାତାୟାତ ପଇଁ ଆମେ ସ୍କୁଟି, ଲୁନା, ସ୍କୁଟର, ମଟରସାଇକେଲ ଆଦି ଦୁଇଚକିଆ ଯାନ ଜିପ୍, କାର, ଟ୍ରେକର ଆଦି ଚାରିଚକିଆ ଓ ଅଟୋରିକ୍ସା ପରି ତିନିଚକିଆ ଯାନ ବ୍ୟବହାର କରିଥାଉ । ପୁନଶ୍ଚ ସୁବିଧାପାଇଁ କେତେକ ଲୋକ ବସ୍ ଭଳି ବଡ଼ ଯାନରେ ଯାତାୟାତ କରନ୍ତି ।
(ଖ) ଦୁର୍ଘଟଣା ଯୋଗୁଁ ଆମର କ’ଣ କ୍ଷତି ହୁଏ ?
Answer:
ଦୁର୍ଘଟଣା ଯୋଗୁଁ ଆମର ଉଭୟ ଧନ ଓ ଜୀବନହାନି ଘଟିଥାଏ । କେତେକ କ୍ଷେତ୍ରରେ ଲୋକମାନେ ଆହତ କିମ୍ବା ବିକଳାଙ୍ଗ ହୋଇଯା’ନ୍ତି।
(ଗ) ନଗରମାନଙ୍କରେ ରାସ୍ତାର କେଉଁ ପଟରେ ଚାଲିବା ଉଚିତ ?
Answer:
ନଗରମାନଙ୍କରେ ରାସ୍ତାର ଉଭୟ ପାର୍ଶ୍ଵରେ ଥିବା ପାଦଚଲା ରାସ୍ତାରେ ଚାଲିବା ଉଚିତ !
(ଘ) ରାସ୍ତାପାର ହେଲାବେଳେ କ’ଣ କରିବ ?
Answer:
ରାସ୍ତା ପାରି ହେଲାବେଳେ ପ୍ରଥମେ ଡାହାଣକୁ, ତା’ପରେ ବାମକୁ ଦେଖୁ । ପୁଣି ଥରେ ଡାହାଣକୁ ଦେଖୁ ଯଦି ଗାଡ଼ିମଟର ଆସୁନଥାଏ, ତେବେ ରାସ୍ତା ପାରିହେବୁ ।
(ଙ) ଜେବ୍ରା କ୍ରସିଙ୍ଗ୍ କ’ଣ ?
Answer:
ଜେବ୍ରା କ୍ରସିଂ ରାସ୍ତାର ଅପରପାର୍ଶ୍ଵକୁ ଯିବାପାଇଁ ପଥଚାରୀମାନଙ୍କ ପାଦଚଲା ରାସ୍ତା । ଜେବ୍ରା ଦେହରେ ଧଳାଦାଗ ପରି ସହର ରାସ୍ତାରେ ସ୍ଥାନେ ସ୍ଥାନେ ଏହି ଚିହ୍ନ ଦିଆଯାଇଥାଏ ।
Question ୨।
ଦୁଇ ବା ତିନୋଟି ବାକ୍ୟରେ ଉତ୍ତର ଲେଖ ।
(କ) ଦୁଇଚକିଆ ଓ ଚାରିଚକିଆ ଯାନରେ ଗଲାବେଳେ ଚାଳକ କ’ଣ ବ୍ୟବହାର କରିବା ଉଚିତ ?
Answer:
ଦୁଇଚକିଆ ଯାନରେ ଗଲାବେଳେ ଚାଳକ ହେଲ୍ମେଟ୍ ଓ ଚାରିଚକିଆ ଯାନରେ ଗଲାବେଳେ ସିଗ୍ବେଲ୍ ବ୍ୟବହାର କରିବା ଉଚିତ୍ ।
(ଖ) ଟ୍ରାଫିକ୍ ଛକରେ ଲାଲବତୀ ଓ ସବୁଜବତୀ ଆମକୁ କି ସୂଚନା ଦିଏ ?
Answer:
ଟ୍ରାଫିକ୍ ଛକରେ ଲାଲବତୀ ଗାଡ଼ି ଅଟକିବା ଓ ସବୁଜବତୀ ଗାଡ଼ି ଆଗକୁ ଯିବାପାଇଁ ସୂଚନା ଦିଏ ।
(ଗ) ‘ଅମନଯୋଗୀ ହୋଇ ଚାଲିବା’ କହିଲେ କ’ଣ ବୁଝ ?
Answer:
‘ ଅମନଯୋଗୀ ହୋଇ ଚାଲିବା’ କହିଲେ ଅନ୍ୟମନସ୍କ ହୋଇ ଚାଲିବାକୁ ବୁଝୁ ।
(ଘ) ଗାଡ଼ି ଚାଳନାବେଳେ ଚାଳକ କ’ଣ ବ୍ୟବହାର ନକରିବା ଉଚିତ ?
Answer:
ଗାଡ଼ି ଚାଳନାବେଳେ ଚାଳକ ମୋବାଇଲ ଫୋନ୍ ଓ ଇଅର ଫୋନ୍ ବ୍ୟବହାର ନ କରିବା ଉଚିତ ।
(ଙ) ସଡ଼କ ସତର୍କତା ସମ୍ପର୍କରେ ଆମେ ସଚେତନ ହେବା କାହିଁକି ?
Answer:
ଆମେ ନିଜର ତଥା ଦେଶର ଧନଜୀବନର ସୁରକ୍ଷା ପାଇଁ ସଡ଼କ ସତର୍କତା ସମ୍ପର୍କରେ ସଚେତନ ହେବା ଉଚିତ ।
Question ୩।
ସରଳାର୍ଥ ଲେଖ ।
(କ) ଏହା କେବଳ ଓଡ଼ିଶା ବା ଭାରତର ସମସ୍ୟା ନୁହେଁ । ସମଗ୍ର ବିଶ୍ବର ଏକ ପ୍ରମୁଖ ସମସ୍ୟା ।
Answer:
ଏହା କେବଳ ……………………. ଏକ ପ୍ରମୁଖ ସମସ୍ୟା।
ଉକ୍ତ ଗଦ୍ୟାଶଟି ପଠିତ ସାହିତ୍ୟ ବହିର ଡ. ଲିଙ୍ଗରାଜ ରଥଙ୍କ ରଚିତ ‘ସଡ଼କ ନିରାପତ୍ତା’ ପ୍ରବନ୍ଧରୁ ଆନୀତ । ଏଠାରେ ପ୍ରାବନ୍ଧିକ ସଡ଼କ ସତର୍କତା ସମ୍ବନ୍ଧରେ ସମସ୍ତେ ସଚେତନ ହେବାକୁ ପରାମର୍ଶ ଦେଇଛନ୍ତି । ମଣିଷ ଘରୁ ଗୋଡ଼ କାଢ଼ିଲେ ସଡ଼କକୁ ବ୍ୟବହାର କରିଥାଏ । ସଡ଼କରେ ସେ ଚାଲିବା ସହିତ ବିଭିନ୍ନ ପ୍ରକାର ଯାନବାହନରେ ଯିବାଆସିବା କରେ । ଏହି ଯିବାଆସିବା ସମୟରେ ସେ ଅନେକ ଦୁର୍ଘଟଣାର ସମ୍ମୁଖୀନ ହୁଏ । ଯାହାଫଳରେ ବହୁତ ଧନଜୀବନ ହାନି ହୁଏ । ଏହାର ମୁଖ୍ୟ କାରଣ ହେଲା ଲୋକମାନେ ‘ସଡ଼କ ସତର୍କତା’ ସମ୍ବନ୍ଧରେ ସଚେତନ ନୁହଁନ୍ତି । ଏହା କେବଳ ଓଡ଼ିଶା ବା ଭାରତର ସମସ୍ୟା ନୁହେଁ, ସମଗ୍ର ବିଶ୍ଵର ଏକ ପ୍ରମୁଖ ସମସ୍ୟା । ପରିସଂଖ୍ୟାନରୁ ଜଣାଯାଏ ଯେ ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ ପ୍ରାୟ ବାରଲକ୍ଷ ଲୋକ ପ୍ରାଣ ହରାଉଛନ୍ତି ଏବଂ ପାଞ୍ଚକୋଟି ଲୋକ ଆହତ କିମ୍ବା ବିକଳାଙ୍ଗ ହେଉଛନ୍ତି । ତେଣୁ ଲୋକମାନେ ସଡ଼କ ସତର୍କତା ସମ୍ବନ୍ଧରେ ସଚେତନ ହେଲେ ନିରାପଦରେ ସଡ଼କ ଉପରେ ଯାତାୟାତ କରିପାରିବେ ।
(ଖ). ସଡ଼କ ନିରାପତ୍ତା ଓ ଟ୍ରାଫିକ୍ ସଙ୍କେତ ଗୋଟିଏ ମୁଦ୍ରାର ଦୁଇ ପାର୍ଶ୍ବଭଳି ।
Answer:
ସଢ଼କ ନିରାପତ୍ତା ……………………….. ଦୁଇ ପାର୍ଶ୍ଵଭଳି।
ଶଂସିତ ଗଦ୍ୟାଶଟି ଆମ ପଠିତ ସାହିତ୍ୟ ବହିର ଡ, ଲିଙ୍ଗରାଜ ରଥଙ୍କ ରଚିତ ‘ସଡ଼କ ନିରାପତ୍ତା’ ପ୍ରବନ୍ଧରୁ ଆନୀତ । ଏଠାରେ ପ୍ରାବନ୍ଧିକ ‘ସଡ଼କ ନିରାପତ୍ତା’ ଓ ‘ଟ୍ରାଫିକ୍ ସଙ୍କେତ’କୁ ଗୋଟିଏ ମୁଦ୍ରାର ଦୁଇଟି ପାର୍ଶ୍ଵ ସହିତ ତୁଳନା କରିଛନ୍ତ୍ରା ରାସ୍ତାରେ ଯାତାୟାତ କରୁଥିବା ପ୍ରତ୍ୟେକ ଯାତ୍ରୀ ସଡ଼କ ନିରାପତ୍ତାର ସମସ୍ତ ନୟମ ଜାଣିବା ଉଚିତ । କେଉଁ ସ୍ଥାନରେ କିଭଳି ଭାବରେ ରାସ୍ତା ପାରି ହେବାକୁ ହୁଏ, ତାହା ଜାଣି ନ ଥିଲେ ଦୁର୍ଘଟଣା ଘଟିବାର ଆଶଙ୍କା ଥାଏ। ନଗରମାନଙ୍କରେ ରାସ୍ତାର ଉଭୟ ପାର୍ଶ୍ଵରେ ଥିବା ପାଦଚଲା ରାସ୍ତାରେ ଚାଲିବା ସବୁଠାରୁ ନିରାପଦ । ସେହିପରି ରାସ୍ତା ଉପରେ ଗଲାବେଳେ ଟ୍ରାଫିକ୍ ସଙ୍କେତକୁ ବୁଝି ଯତ୍ନ ସହକାରେ ପାଳନ କରିବା ଉଚିତ । ଟ୍ରାଫିକ୍ ସଙ୍କେତଗୁଡ଼ିକ ଆମ ଧନଜୀବନର ସୁରକ୍ଷା ପାଇଁ ଉଦ୍ଦିଷ୍ଟ। ତେଣୁ ‘ସଡ଼କ ନିରାପତ୍ତା’ ଓ ‘ଟ୍ରାଫିକ୍ ସଙ୍କେତ’ ଉଭୟ ଆମ ପାଇଁ ଜାଣିବା ଗୁରୁତ୍ଵପୂର୍ଣ୍ଣ । ଗୋଟିଏକୁ ଜାଣି ଅନ୍ୟଟିକୁ ନଜାଣିବା ଆମ ପାଇଁ ମୂଲ୍ୟହୀନ ହେବ । ତେଣୁ ‘ସଡ଼କ ନିରାପତ୍ତା’ ଓ ‘ଟ୍ରାଫିକ୍ ସଙ୍କେତ’ ଗୋଟିଏ ମୁଦ୍ରାର ଦୁଇଟି ପାର୍ଶ୍ଵଭଳି ।
(ଗ) ସଙ୍କେତଗୁଡ଼ିକ ରାସ୍ତାର ନିୟମକୁ ସ୍ପଷ୍ଟ କରିଥା’ନ୍ତି ।
Answer:
ସଙ୍କେତଗୁଡ଼ିକ …………………………… ସ୍ଠଷ୍ମ କରିଥା’ନ୍ତ୍ରା
ଶଂସିତ ଗଦ୍ୟାଶଟି ଆମ ପଠିତ ସାହିତ୍ୟ ବହିର ଡ. ଲିଙ୍ଗରାଜ ରଥଙ୍କ ରଚିତ ‘ସଡ଼କ ନିରାପତ୍ତା’ ପ୍ରବନ୍ଧରୁ ଆନୀତ । ଏଠାରେ ପ୍ରାବନ୍ଧିକ ‘ଟ୍ରାଫିକ୍ ସଙ୍କେତ’ଗୁଡ଼ିକ କିପରି ରାସ୍ତାର ନିୟମକୁ ସ୍ପଷ୍ଟ କରିଥା’ନ୍ତି ତାହା ବର୍ଣ୍ଣନା କରିଛନ୍ତି । ଆଜିର ଯୁଗରେ ସହର ଓ ନଗରର ଛକ ସ୍ଥାନମାନଙ୍କରେ ଟ୍ରାଫିକ୍ ବ୍ୟବସ୍ଥା ଦେଖିବାକୁ ମିଳେ । ଏହି ବ୍ୟବସ୍ଥା ଆଜିର ଯୁଗରେ ସହର ଓ ନଗରର ଛକ ସ୍ଥାନମାନଙ୍କରେ ଟ୍ରାଫିକ୍ ବ୍ୟବସ୍ଥା ଦେଖିବାକୁ ମିଳେ । ଏହି ବ୍ୟବସ୍ଥା ନୀରବରେ ଯାତାୟାତ ସମ୍ପର୍କୀୟ ବହୁ ଗୁରୁତ୍ଵପୂର୍ଣ୍ଣ ସୂଚନା ପ୍ରଦାନ କରିଥା’ନ୍ତି । ରାସ୍ତାରେ ଯାଉଥିବା ଲୋକମାନଙ୍କୁ ସବୁକଥା କହିହେବ ନାହିଁ କି ଲେଖା ହୋଇଥିଲେ କେହି ପଢ଼ିବାକୁ ବେଳ ନାହିଁ । କିନ୍ତୁ ସଙ୍କେତଗୁଡ଼ିକ ରାସ୍ତାର ନିୟମକୁ ସ୍ପଷ୍ଟ କରିଥା’ନ୍ତି । ଯେପରି ଟ୍ରାଫିକ୍ ଛକର ନାଲି ଆଲୋକ ଅଟକିବାପାଇଁ ଓ ସବୁଜ ଆଲୋକ ଆଗକୁ ଯିବାପାଇଁ ସୂଚନା ଦିଏ । ଏହିପରି ଶହଶହ ସଙ୍କେତ ରହିଛି । ତେଣୁ ସଙ୍କେତଗୁଡ଼ିକୁ ଦେଖ୍, ବୁଝି ରାସ୍ତାରେ ଯାତାୟାତ କଲେ ଆମେ ନିରାପଦରେ ଲକ୍ଷ୍ୟସ୍ଥଳରେ ପହଞ୍ଚି ପାରିବା ।
Question ୪ ।
ବାକ୍ୟରେ ବ୍ୟବହାର କର । (ପ୍ରଶ୍ନ ସହ ଉତ୍ତର)
Answer:
ପ୍ରମୁଖ – ସମ୍ବାଦପତ୍ରର ପ୍ରଥମ ପୃଷ୍ଠାରେ ଦେଶ କିମ୍ବା ରାଜ୍ୟର ପ୍ରମୁଖ ଖବର ଛପାଯାଇଥାଏ ।
ଅବରୋଧ – ରାସ୍ତା ଅବରୋଧ କରି ଖେଳିବା ଉଚିତ ନୁହେଁ ।
ନିରାପତ୍ତା – ଆମେ ଆମର ନିରାପତ୍ତା ପାଇଁ ହେଲ୍ମେଟ୍ ପିନ୍ଧି ଗାଡ଼ି ଚଳାଇବା ଉଚିତ ।
ଆଶଙ୍କା – ରାସ୍ତାର ନିୟମ ନଜାଣି ଗାଡ଼ି ଚଳାଇଲେ ଦୁର୍ଘଟଣା ଘଟିବାର ଆଶଙ୍କା ଥାଏ ।
ସୁରୁଖୁରୁ – ରାମବାବୁଙ୍କର ଝିଅ ବାହାଘର ସୁରୁଖୁରୁ ରେ ସମ୍ପନ୍ନ ହେଲା ।
Question ୫।
ବିପରୀତ ଅର୍ଥ ବୁଝାଉଥିବା ଶବ୍ଦ ଲେଖ । (ପ୍ରଶ୍ନ ସହ ଉତ୍ତର)
Answer:
ସ୍ଵାଭାବିକ – ଅସ୍ୱାଭାବିକ
ସତର୍କ – ଅସତର୍କ
ମନଯୋଗ – ଅମନଯେ।ଗ
ଲକ୍ଷ୍ୟ – ଲଯ୍ୟଭ୍ରଷ୍ଟ / ଲକ୍ଷ୍ୟଚ୍ୟୁତ
ଚାଟ – ଅବାଟ
ଯତ୍ନ – ଅପତ୍ନ
ସୃଷ୍ଟ – ଅସୃଷ୍ଟ
Question ୬।
‘ବହନ’ ଶବ୍ଦ ପୂର୍ବରୁ ‘ପରି’ ଲେଖାଗଲେ ‘ପରିବହନ’ ହୁଏ । ସେହିପରି ଆରମ୍ଭରେ ‘ପରି’ ଲେଖାଥାଇ ପାଞ୍ଚଟି ଶବ୍ଦ ଲେଖ ।
Answer:
ପରିଶୋଧ, ପରିଭ୍ରମଣ, ପରିକ୍ରମଣ, ପରିମଳ, ପରିଶ୍ରମ
Question ୭।
ବନ୍ଧନୀରୁ ଶବ୍ଦ ନେଇ ଶୂନ୍ୟସ୍ଥାନ ପୂରଣ କର ।
(ବିକଳାଙ୍ଗ, ସବୁଜ ରଙ୍ଗ, ଲାଲ ରଙ୍ଗ, ଜେବ୍ରା କ୍ରସିଙ୍ଗ୍, ହେଲ୍ମେଟ୍, ସିଟ୍ ବେଲ୍ସ)
(କ) ଦୁଇଚକିଆ ଯାନରେ ଯାନରେ ଯାଉଥିବା ପ୍ରତ୍ୟେକ ବ୍ୟକ୍ତି _________ ବ୍ୟବହାର କରିବା ଉଚିତ।
(ଖ) ଟ୍ରାଫିକ୍ ଛକରେ _______ ବତା ଆଗକୁ ଯିବାର ସୂଚକା
(ଗ) ପ୍ରତିବର୍ଷ ହର୍ଘଟଣାରେ ଅନେକ ଲୋକ _________ ହୁଅନ୍ତି ।
(ଘ) ନଗରମାନଙ୍କରେ ପଦଚାରାମାନେ ରାସ୍ତାପାର ହେବାପାଇଁ _________ ଚିହ୍ନ ଥାଏ।
(ଙ) ଗାଡ଼ିକୁ ଅଟକିବାପାଇଁ ଟ୍ରାଫିକ୍ ଛକରେ _________ ବତା ସୂଚନା ଦିଏ ।
Answer:
(କ) ଦୁଇଚକିଆ ଯାନରେ ଯାନରେ ଯାଉଥିବା ପ୍ରତ୍ୟେକ ବ୍ୟକ୍ତି ହେଲ୍ମେଟ୍ ବ୍ୟବହାର କରିବା ଉଚିତ।
(ଖ) ଟ୍ରାଫିକ୍ ଛକରେ ସବୁଜ ରଙ୍ଗ ବତା ଆଗକୁ ଯିବାର ସୂଚକା
(ଗ) ପ୍ରତିବର୍ଷ ହର୍ଘଟଣାରେ ଅନେକ ଲୋକ ବିକଳାଙ୍ଗ ହୁଅନ୍ତି ।
(ଘ) ନଗରମାନଙ୍କରେ ପଦଚାରାମାନେ ରାସ୍ତାପାର ହେବାପାଇଁ ଜେବ୍ରା କ୍ରସିଙ୍ଗ୍ଚି ହ୍ନ ଥାଏ।
(ଙ) ଗାଡ଼ିକୁ ଅଟକିବାପାଇଁ ଟ୍ରାଫିକ୍ ଛକରେ ଲାଲ ରଙ୍ଗ ବତା ସୂଚନା ଦିଏ ।
Question ୮।
ଠିକ୍ ଉତ୍ତରଟି ବାଛି ଲେଖ ।
(କ) ସାଙ୍ଗମାନେ ରାସ୍ତାରେ ସାଇକେଲରେ ଗଲାବେଳେ
(i) ରାସ୍ତା ଅବରୋଧ କରି ଯିବା ଉଚିତ ।
(ii) କଥାବାର୍ତ୍ତା ହୋଇଯିବା ଉଚିତ ।
(iii) ଆଗପଛ ହୋଇ ଯିବା ଉଚିତ ।
(iv) ମୋବାଇଲରୁ ଗୀତ ଶୁଣି ଶୁଣି ଯିବା ଉଚିତ ।
Answer:
(iii) ଆଗପଛ ହୋଇ ଯିବା ଉଚିତ ।
(ଖ) ରାସ୍ତାକୁ ଯାନଟିଏ ବାହାର କରିବା ପୂର୍ବରୁ କେଉଁଟି ଗୁରୁତ୍ଵପୂର୍ଣ ନୁହେଁ ?
(i) ନମ୍ବର ପ୍ଲେଟ୍
(ii) ବ୍ରେକ୍, ବେଲ୍, ହର୍ଶ, ଦର୍ପଣ
(iii) ଚାଳକଙ୍କ ଫଟୋ
(iv) ଚାଳକଙ୍କ ଶିକ୍ଷାଗତ ଯୋଗ୍ୟତା
Answer:
(iv) ଚାଳକଙ୍କ ଶିକ୍ଷାଗତ ଯୋଗ୍ୟତା
(ଗ) ସଡ଼କ ନିରାପତ୍ତା ସମ୍ପର୍କରେ ସଚେତନ ହେବାପାଇଁ ଆମକୁ କ’ଣ ଜାଣିବାକୁ ପଡ଼ିବ ?
(i) ଦୁର୍ଘଟଣାର ନିରାକରଣ
(ii) ରାସ୍ତାର ଗଠନ
(iii) ରାସ୍ତାର ପ୍ରକାର
(iv) ସଡ଼କ ଦୁର୍ଘଟଣାର କାରଣ
Answer:
(iv) ସଡ଼କ ଦୁର୍ଘଟଣାର କାରଣ
(ଘ) ରାସ୍ତାର ଗୋଟିଏ ପାଖକୁ ଅନ୍ୟ ପାଖକୁ ଗଲାବେଳେ ଆମେ କିପରି ପାର ହେବା ?
(i) ଅନ୍ୟମନସ୍କ ହୋଇ
(ii) କୌଣସି ଆଡ଼କୁ ଲକ୍ଷ୍ୟ ନ କରି
(iii) ଦୁଇପାଖକୁ ଲକ୍ଷ୍ୟକରି
(iv) ମୋବାଇଲରେ କଥା ହୋଇ
Answer:
(iii) ଦୁଇପାଖକୁ ଲକ୍ଷ୍ୟକରି
(ଙ) ଚାରିଚକିଆ ଯାନର ଚାଳକ ଗାଡ଼ି ଚଳାଇଲାବେଳେ
(i) ସିଗ୍ବେଲ୍ସ ବ୍ୟବହାର କରିବେ
(ii) ହେଲ୍ମେଟ୍ ବ୍ୟବହାର କରିବେ
(iii) ଇଅରଫୋନ୍ ବ୍ୟବହାର କରିବେ
(iv) ୱାଇପର ବ୍ୟବହାର କରିବେ
Answer:
(i) ସିଗ୍ବେଲ୍ସ ବ୍ୟବହାର କରିବେ
Question ୯ ।
ଠିକ୍ ଉତ୍ତର ପାଖରେ ‘✓ ’ ଚିହ୍ନ ଓ ଭୁଲ୍ ଭକ୍ତି ପାଖରେ ‘✗’ ଚିହ୍ନ ଦିଅ ।
(କ) ନଗରମାନଙ୍କରେ ପଦଚାରୀଙ୍କ ପାଇଁ ସଡ଼କ ମଝିରେ ରାସ୍ତା
(ଖ) ନାଲିବତି ଜଳିଲେ ଗାଡ଼ି ଅଟକିଯାଏ ।
(ଗ) ଜେବ୍ରା କ୍ରସିଙ୍ଗ୍ରେ ଗାଡ଼ି ପାର ହୁଏ ।
(ଘ) ଦୁଇଚକିଆ ଯାନର ଚାଳକ ସିଗ୍ବେଲ୍ଟ ସବୁଜ ବତୀ ଗାଡ଼ି ଆଗକୁ ଯିବାର ସଚକ ।
(ଙ) ସବୁଜ ବତା ଗାଡ଼ି ଆଗକୁ ଯିବାର ସୂଚକା
Answer:
(କ) ନଗରମାନଙ୍କରେ ପଦଚାରୀଙ୍କ ପାଇଁ ସଡ଼କ ମଝିରେ ରାସ୍ତା (✗)
(ଖ) ନାଲିବତି ଜଳିଲେ ଗାଡ଼ି ଅଟକିଯାଏ । (✓)
(ଗ) ଜେବ୍ରା କ୍ରସିଙ୍ଗ୍ରେ ଗାଡ଼ି ପାର ହୁଏ । (✗)
(ଘ) ଦୁଇଚକିଆ ଯାନର ଚାଳକ ସିଗ୍ବେଲ୍ଟ ସବୁଜ ବତୀ ଗାଡ଼ି ଆଗକୁ ଯିବାର ସଚକ । (✗)
(ଙ) ସବୁଜ ବତା ଗାଡ଼ି ଆଗକୁ ଯିବାର ସୂଚକା (✓)
ତୁମ ପାଇଁ କାମ :
- ସଡ଼କ ସୁରକ୍ଷା ସମ୍ପର୍କିତ କେତୋଟି ସ୍ଲୋଗାନ୍ ସଂଗ୍ରହ କରି କିମ୍ବା ନିଜେ ମନରୁ ଲେଖୁ ଆଣ ।
Answer:
ପିଲାମାନେ ଶିକ୍ଷକ ବା ଅଭିଭାବକଙ୍କ ପରାମର୍ଶ ନେଇ ନିଜେ ସଂଗ୍ରହ କରିବେ ।
ଅଭ୍ୟାସ ପାଇଁ ଅତିରିକ୍ତ ପ୍ରଶ୍ନୋତ୍ତର
ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନୋତ୍ତର
Question ୧।
ସଡ଼କ ସତର୍କତାର ମୁଖ୍ୟ ବିଷୟ କ’ଣ ?
Answer:
ଦୁର୍ଘଟଣାର ସମ୍ମୁଖୀନ ନ ହୋଇ ସମସ୍ତେ ନିରାପଦରେ ସଡ଼କ ଉପରେ ଯାତାୟାତ କରିବା ହେଉଛି ସଡ଼କ ସତର୍କତାର ମୁଖ୍ୟ ବିଷୟ ।
Question ୨।
ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ କେତେ ଲୋକ ମୃତ୍ୟୁବରଣ କରନ୍ତି ?
Answer:
ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ ପ୍ରାୟ ବାରଲକ୍ଷ ଲୋକ ମୃତ୍ୟୁବରଣ କରନ୍ତି ।
Question ୩ ।
ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ କେତେ ଲୋକ ଆହତ କିମ୍ବା ବିକଳାଙ୍ଗ ହୁଅନ୍ତି ?
Answer:
ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ ପ୍ରାୟ ପାଞ୍ଚକୋଟି ଲୋକ ଆହତ କିମ୍ବା ବିକଳାଙ୍ଗ ହୁଅନ୍ତି ।
Question ୪।
ସଡ଼କ ଦୁର୍ଘଟଣା ଯୋଗୁ ବିଶ୍ବର ବିଭିନ୍ନ ଦେଶରେ ମୋଟ ଜାତୀୟ ଉତ୍ପାଦର ପ୍ରାୟ ଶତକଡ଼ା କେତେ ଭାଗ ନଷ୍ଟ ହୋଇଥାଏ ?
Answer:
ସଡ଼କ ଦୁର୍ଘଟଣା ଯୋଗୁଁ ବିଶ୍ବର ବିଭିନ୍ନ ଦେଶରେ ମୋଟ ଜାତୀୟ ଉତ୍ପାଦର ପ୍ରାୟ ଶତକଡ଼ା ଚାଳିଶ ଭାଗ ନଷ୍ଟ ହୋଇଥାଏ ।
Question ୫।
କେତେବେଳେ ଦ୍ରୁତଗାମୀ ଗାଡ଼ିର ଯିବା ଆସିବା ସମ୍ପର୍କରେ ଠିକ୍ ସମୟରେ ଜଣାପଡ଼େ ନାହିଁ ?
Answer:
ଅନ୍ୟମନସ୍କ ହୋଇ ଚାଲିବାଦ୍ଵାରା ଦ୍ରୁତଗାମୀ ଗାଡ଼ିର ଯିବା ଆସିବା ସମ୍ପର୍କରେ ଠିକ୍ ସମୟରେ ଜଣାପଡ଼େ ନାହିଁ
Question ୬।
‘ଜେବ୍ରା କ୍ରସିଂ’କୁ କେତେବେଳେ ବ୍ୟବହାର କରିବା ?
Answer:
ରାସ୍ତା ପାର ହେଲାବେଳେ ‘ଜେବ୍ରା କ୍ରସିଂ’କୁ ବ୍ୟବହାର କରିବା । କାହାର ହାତଧରି ରାସ୍ତା ପାର ହେବା
Question ୭।
ଯେକୌଣସି ଯାନ ଚଳାଇ ରାସ୍ତାରେ ଯିବା ସମୟରେ କାନରେ କ’ଣ ଲଗାଇ ସଙ୍ଗୀତ ଶୁଣିବା ଉଚିତ ନୁହେଁ ?
Answer:
ଯେକୌଣସି ଯାନ ଚଳାଇ ରାସ୍ତାରେ ଯିବା ସମୟରେ କାନରେ ‘ଇଅରଫୋନ୍’ ଲଗାଇ ସଙ୍ଗୀତ ଶୁଣିବା ଉଚିତ୍ ନୁହେଁ ।
Question ୯ ।
ରାସ୍ତାରେ ଗଲାବେଳେ ପକେଟ୍ରେ କେଉଁ ତଥ୍ୟ ରଖୁବା ଆବଶ୍ୟକ ?
Answer:
ରାସ୍ତାରେ ଗଲାବେଳେ ପକେଟ୍ରେ ନିଜ ନାମ, ଠିକଣା, ଘରର ଫୋନ୍ ନମ୍ବର, ରକ୍ତ ଗ୍ରୁପ୍ ଇତ୍ୟାଦି ତଥ୍ୟ ରଖୁବା ଆବଶ୍ୟକ ।
Question ୧୦।
କେଉଁଗୁଡ଼ିକ ରାସ୍ତାର ନିୟମକୁ ସ୍ପଷ୍ଟ କରିଥା’ନ୍ତି ?
Answer:
ଟ୍ରାଫିକ୍ ସଙ୍କେତଗୁଡ଼ିକ ରାସ୍ତାର ନିୟମକୁ ସ୍ପଷ୍ଟ କରିଥା’ନ୍ତି ।
ଲେଖକ ପରିଚୟ :
ଡକ୍ଟର ଲିଙ୍ଗରାଜ ରଥ ଆଧୁନିକ ଓଡ଼ିଆ ସାହିତ୍ୟରେ ଜଣେ ସାରସ୍ଵତ ସ୍ରଷ୍ଟା । ସେ ୧୯୫୭ ମସିହା ଫେବୃଆରୀ ୨ ତାରିଖରେ ଜନ୍ମଗ୍ରହଣ କରିଥିଲେ । ସେ ଅନେକଗୁଡ଼ିଏ ନିବନ୍ଧ, କବିତା ସଂକଳନ, ଗୀତିକବିତା ରଚନା କରିଥିଲେ ମଧ୍ୟ ଶିଶୁ ସାହିତ୍ୟ କ୍ଷେତ୍ରରେ ସୁନାମ ଅର୍ଜନ କରିଛନ୍ତି । ତାଙ୍କର ଶିଶୁ ସାହିତ୍ୟ ମଧ୍ୟରେ ‘ଗପପେଡ଼ି’, ‘ଭାରତ ମୋର ଦେଶ’, ‘ମନଛୁଆଁ ଗପ’, ‘ଗଢ଼ିବା ନୂଆ ରାଇଜ’, ‘ତୁମେ ହିଁ ହସିଲେ ଜଗତ ହସିବ’ ଇତ୍ୟାଦି ପ୍ରଧାନ । ଡ.ରଥ ଓଡ଼ିଶା ଶିଶୁ ଲେଖକ ଏକାଡ଼େମୀଦ୍ଵାରା ଶିଶୁ ସାହିତ୍ୟ ରଚନାପାଇଁ ସମ୍ମାନିତ ହୋଇଛନ୍ତି ।
ସଡ଼କ ନିରାପତ୍ତା:
ଗାଁଠାରୁ ଆରମ୍ଭକରି ସହର ନଗର ପର୍ଯ୍ୟନ୍ତ୍ର ସବୁଠାରେ ସଢ଼କ ରହିଛି । ସାରା ବିଶ୍ଵର ଲୋକମାନେ ପ୍ରତ୍ୟେକ ଦିନ ସଡ଼କପଥ ବ୍ୟବହାର କରନ୍ତି । କିଏ ଏଥରେ ଚାଲି ଚାଲି ଯାଏ ତ କିଏ ବିଭିନ୍ନ ଗାଡ଼ିମଟରରେ ଯାତାୟାତ କରେ । ସମସ୍ତେ ସଡ଼କ ନିରାପତ୍ତାର ନିୟମ ଓ ଟ୍ରାଫିକ୍ ସଙ୍କେତ ଜାଣିବା ନିହାତି ଆବଶ୍ୟକ । ଏହା ନଜାଣି ସଡ଼କପଥ ବ୍ୟବହାର କଲେ ଦୁର୍ଘଟଣା ଘଟିଥାଏ । ଅକାଳରେ ବହୁ ଧନ ଓ ଜୀବନ ନଷ୍ଟ ହୁଏ । ପ୍ରାବନ୍ଧିକ ଡ. ଲିଙ୍ଗରାଜ ତଥ ଉକ୍ତ ପ୍ରବନ୍ଧରେ ସଡ଼କ ସୁରକ୍ଷା, ଦୁର୍ଘଟଣାର କାରଣ, ଟ୍ରାଫିକ୍ ନିୟମ, ଯାତାୟାତଜନିତ ସତର୍କତା ସମ୍ପର୍କରେ ଆଲୋଚନା କରିଛନ୍ତି ।
ପ୍ରବନ୍ଧର ସାରକଥା :
ଚାଲିବା ବୁଲିବାପାଇଁ ଲୋକମାନେ ପ୍ରତ୍ୟେକ ଦିନ ସଡ଼କ ପଥକୁ ବ୍ୟବହାର କରନ୍ତି । ସେମାନେ ଏହି ପଥରେ ପାଦରେ ଚାଲିବା ଏହି ପଥରେ ଲୋକମାନେ ଯାତାୟାତ ପାଇଁ ସାଇକେଲ, ସ୍କୁଟି, କାର୍, ଜିପ୍, ମଟରସାଇକେଲ ଆଦି ବ୍ୟବହାର କରନ୍ତି । ପୁଣି ଲୋକମାନଙ୍କ ସୁବିଧା ପାଇଁ ବସ୍ ଭଳି ବଡ଼ ଯାନ ଏବଂ ଜିନିଷପତ୍ର ପରିବହନ ପାଇଁ ମିନିଟ୍ରକ୍ ଓ ବଡ଼ ଟ୍ରକ୍ ମଧ୍ଯ କାର୍ଯ୍ୟରେ ଲାଗେ । ସମସ୍ତେ କିପରି ଦୁର୍ଘଟଣାର ସମ୍ମୁଖୀନ ନ ହୋଇ ନିରାପଦରେ ସଡ଼କ ଉପରେ ଯାତାୟାତ କରିପାରିବେ ତାହାହିଁ ସଡ଼କ ସତର୍କତାର ମୁଖ୍ୟ ବିଷୟ । ସଡ଼କ ସତର୍କତା ସମ୍ବନ୍ଧରେ ଲୋକମାନେ ସଚେତନ ନୁହଁନ୍ତି ।
ଏହା କେବଳ ଓଡ଼ିଶା ବା ଭାରତର ସମସ୍ୟା ନୁହେଁ, ସମଗ୍ର ବିଶ୍ବର ଏକ ପ୍ରମୁଖ ସମସ୍ୟା। ପରିସଂଖ୍ୟାନରୁ ଜଣାଯାଏ ଯେ ସମଗ୍ର ପୃଥିବୀରେ ସଡ଼କ ଦୁର୍ଘଟଣାରେ ପ୍ରତିବର୍ଷ ପ୍ରାୟ ବାରଲକ୍ଷ ଲୋକ ପ୍ରାଣ ହରାଉଥିବାବେଳେ ଆହୁରି ପ୍ରାୟ ପାଞ୍ଚକୋଟି ଲୋକ ଆହତ କିମ୍ବା ବିକଳାଙ୍ଗ ହୋଇଥା’ନ୍ତି । ଭାରତରେ ମଧ୍ୟ ପ୍ରତିବର୍ଷ ଏହି ସଂଖ୍ୟା ସର୍ବାଧ୍ଵ । ଜୀବନହାନି ସହିତ ଆର୍ଥିକ ଦୃଷ୍ଟିକୋଣରୁ ସଡ଼କ ଦୁର୍ଘଟଣା ଅତ୍ୟନ୍ତ କ୍ଷତିକାରକ ।
ସଡ଼କ ଦୁର୍ଘଟଣା ଯୋଗୁ ବିଶ୍ବର ବିଭିନ୍ନ ଦେଶରେ ମୋଟ ଜାତୀୟ ଉତ୍ପାଦର ପ୍ରାୟ ଶତକଡ଼ା ଚାଳିଶ ଭାଗ ନଷ୍ଟ ହୋଇଥାଏ । ସଡ଼କ ନିରାପତ୍ତା ପାଇଁ ସତର୍କତା ଅବଲମ୍ବନ କଲେ ଏହି ହାରକୁ ଅନେକାଂଶରେ କମାଇ ଦିଆଯାଇପାରିବ। ସଡ଼କ ନିରାପତ୍ତା ସମ୍ପର୍କରେ ପିଲାମାନଙ୍କୁ ସଚେତନ କରିବା ନିହାତି ଆବଶ୍ୟକ । ଏଥିପାଇଁ ସେମାନେ ପ୍ରଥମେ ସଡ଼କ ଦୁର୍ଘଟଣାର କାରଣ ସମ୍ପର୍କରେ ଜାଣିବା ଆବଶ୍ୟକ । କେଉଁ ସ୍ଥାନରେ କିଭଳି ଭାବରେ ରାସ୍ତା ପାରିହେବାକୁ ହୁଏ, ତାହା ଜାଣିନଥୁଲେ ଦୁର୍ଘଟଣା ଘଟିବାର ଆଶଙ୍କା ଥାଏ ।
ନଗରମାନଙ୍କରେ ରାସ୍ତାର ଉଭୟ ପାର୍ଶ୍ଵରେ ଥିବା ପାଦଚଲା ରାସ୍ତାରେ ଚାଲିବା ସବୁଠାରୁ ନିରାପଦ । ଜେବ୍ରା ଦେହରେ ଧଳାଦାଗ ପରି ସହରମାନଙ୍କରେ ରାସ୍ତାରେ ଚିହ୍ନ ଦିଆଯାଇଥାଏ। ଏହାକୁ ଜେବ୍ରା କ୍ରେସିଂ କୁହାଯାଏ । ପଥଚାରୀମାନେ ରାସ୍ତା ପାର ହେଲାବେଳେ ଏହି ସ୍ଥାନକୁ ବ୍ୟବହାର କରିବା ଉଚିତ । ଯେଉଁଠାରେ ଜୋବ୍ରା କ୍ରସିଂ ନାହିଁ, ସେଠାରେ ରାସ୍ତାର ଅପରପାର୍ଶ୍ଵକୁ ଯିବାକୁ ହେଲେ, ପ୍ରଥମେ ଡାହାଣକୁ ଦେଖ୍, ତା’ପରେ ବାମକୁ । ପୁଣି ଥରେ ଡାହାଣକୁ ଦେଖୁ ଯଦି ଗାଡ଼ି ମଟର ନଥାଏ ତେବେ ରାସ୍ତାର ଗୋଟିଏ ପଟରୁ ଅନ୍ୟପଟକୁ ଯିବା ଆବଶ୍ୟକ ।
ରାସ୍ତାରେ ଗଲାବେଳେ ହାତ ଧରାଧରି ହୋଇ ଚାଲିବା ବା ରାସ୍ତା ପାର ହେବା ଉଚିତ ନୁହେଁ । ଅତି ଛୋଟପିଲାର ହାତ ଧରି ରାସ୍ତା ପାରହେବା ବାଞ୍ଛନୀୟ । ରାସ୍ତା ଉପରେ ଖେଳାବୁଲା ବା ଦୌଡ଼ାଦୌଡ଼ି କରିବା ଅନୁଚିତ । ରାସ୍ତାରେ ଗଲାବେଳେ ଟ୍ରାଫିପ୍ ସଙ୍କେତକୁ ବୁଝି ଯତ୍ନ ସହକାରେ ପାଳନ କରିବା ଉଚିତ । ପିଲାମାନଙ୍କୁ କାର୍ରେ ବା ଦୁଇଚକିଆ ଯାନରେ ନେବା ସମୟରେ ପିତାମାତା ବା ଅଭିଭାବକ କାର୍ର ସିଟ୍ ବେଲ୍ଟ କିମ୍ବା ହେଲ୍ମେଟ୍ ବ୍ୟବହାର କରିବା ଆବଶ୍ୟକ । ଯେକୌଣସି ଯାନ ଚଳାଇ ରାସ୍ତାରେ ଯିବା ସମୟରେ ମୋବାଇଲ୍ ଫୋନ୍ ବା ଇଅର ଫୋନ୍ ବ୍ୟବହାର କରିବା ଉଚିତ ନୁହେଁ । ସାଙ୍ଗହୋଇ ଯିବା ସମୟରେ ଆଗପଛ ହୋଇ ଯିବା ଉଚିତ । ରାସ୍ତା ଅବରୋଧ କରି ଗାଡ଼ି ଚଳାଇବା ଉଚିତ ନୁହେଁ।
ସାଇକେଲ୍, ମୋଟରସାଇକେଲ ବା କାର୍, ଜିପ୍ ଆଦି ଯାନ ରାସ୍ତାକୁ ବାହାର କରିବା ପୂର୍ବରୁ ସେଗୁଡ଼ିକର ବ୍ରେକ୍, ବେଲ୍, ଲାଇଟ୍, ହର୍ଣ୍ଣ ଏବଂ ଦର୍ପଣ ଠିକ୍ ଅଛି କି ନାହିଁ ଦେଖୁବା ଆବଶ୍ୟକ । ରାସ୍ତାରେ ଗଲାବେଳେ ପକେଟ୍ରେ ନିଜ ରଖୁ ନାମ, ଠିକଣା, ଘରର ଫୋନ୍ ନମ୍ବର, ରକ୍ତ ଗ୍ରୁପ୍ ଇତ୍ୟାଦି ତଥ୍ୟ ଆବଶ୍ୟକ । ସଡ଼କ ନିରାପତ୍ତା ଓ ଟ୍ରାଫିକ୍ ସଙ୍କେତ ଗୋଟିଏ ମୁଦ୍ରାର ଦୁଇ ପାର୍ଶ୍ଵ ଭଳି । ଟ୍ରାଫିକ୍ ସଙ୍କେତଗୁଡ଼ିକ ନୀରବରେ ଯାତାୟାତ ସମ୍ପର୍କୀୟ ବହୁ ଗୁରୁତ୍ବପୂର୍ଣ୍ଣ ସୂଚନା ପ୍ରଦାନ କରିଥା’ନ୍ତି । ତେଣୁ ନିଜର ତଥା ଦେଶର ଧନଜୀବନ ସୁରକ୍ଷା ପାଇଁ ଆମେ ସଡ଼କ ନିରାପତ୍ତା ସମ୍ବନ୍ଧୀୟ ନିୟମ ଓ ସଙ୍କେତଗୁଡ଼ିକ ଜାଣି ସେଗୁଡ଼ିକୁ ଅଭ୍ୟାସରେ ପରିଣତ କରିବା ନିତାନ୍ତ ଆବଶ୍ୟକ ।
କଠିନ ଶବ୍ଦ।ର୍ଥ :
- ସ୍ଵାଭାବିକ – ସାଧାରଣଭାବେ ଯାହା ହୁଏ
- ଯାତାୟାତ – ଯିବା ଆସିବା
- ସଚେତନ – ସତର୍କତା ଅବଲମ୍ବନ
- ବିକଳାଙ୍ଗ – ଅଙ୍ଗ ପ୍ରତ୍ୟଙ୍ଗରେ କ୍ଷତି
- ନିରାପତ୍ତା – ବିପତ୍ତିରୁ ରକ୍ଷା ପାଇ ନିରାପଦରେ ରହିବା
- ଦ୍ରୁତଗାମା – ଅତି ବେଶରେ ଯିବା
- ଅବରୋଧ – ବାଧା ସୃଷ୍ଟି କରିବା
- ଅମନଯୋଗା – ଏବେତେଣେ ମନ ଲଗାଇବା
- ପ୍ରମୁଖ – ମୁଖ୍ୟ ବା ପ୍ରଧାନ
- ରାସ୍ତା ସଙ୍କେତ – ରାସ୍ତାରେ ନିରାପଦରେ ଯିବାଆସିବାର ନିୟମ ସୂଚକ